ساندرا مشت مع بيلسان لي غرفة ماما خديجة وبعد تحانيس وواسطات حتى خلوهم يشوفوها من ورا الزجاج ...كانت مرة في السبعين ملامحها جميلة شديد رغم التجاعيد الفي وشها والتعب الظاهر عليها وشها ظاهر عليهو الوقار والهدوء ساندرا قلبها وجعها على منظرها اتخيلت نفسها مكان هزيم وعرفت كيف احساسو لمن شافها كدا💔💔نزلو لي سيرين تحت لقوها رجعت من الصيدلية
سيرين:حأودي الدربات دي للسستر تركبهم لأمي واجي اسوقكم للبيت عشان ترتاحو أكيد تعبانين من المطار
بيلسان:طيب غابت حبة وجاتهم ساقتهم وودتهم للبيت كان من نوع البيوت الفخمة والعريقة جدرانو من حجر الجبل ولونو بيجي دخلو الحوش كان كلو زراعة وورود جمييلة على طرفو كان في راكوبة معروشة بي القش وتحتها سرير بلدي مرييح رغم فخامة البيت إلا انو الحوش تحس بيه زي البلد عرفت انو ماما خديجة بتحب الأجواء الريفية وبتحن ليها❤
سيرين :يلا تعالو ارقدو جوة
ساندرا :سيرين ممكن ارقد في السرير دا الجو بارد وحلو وعجبني
سيرين :اي طوالي مامشكلة ابتسمت ليها ومشت على السرير وديل دخلو جوة رقدت فيه حست بي رااااحة كدا كبيييرة وأمان كانو بيحكي قصة ماما خديجة هدوئها ووقارها وطيبتها❤حبة كدا ونامت من التعب....هزيم مشا المستشفى لقاهم مافي سأل السستر قالت ليهو رجعو البيت يرتاحو حبة ويجو ركب فوق لي غرفة ماما خديجة وبقا يعاين ليها وهي راقدة💔أتذكر لمن كان بيجي يلقاها راقدة في سريرها بتعاين ليه: حبيبي مالك واقف تعال ارقد جنبي"بتقولها بي كل ابتسامة وهو يفرح ويجي جاري ليها ويرقد في حضنها لمن ينوووم❤مااتحمل منظرها اكتر ونزل ركب عربيتو ومشا على بيتها وصل اول مادخل الحوش مرت عليهو كلل زكرياتو فيهو❤الحوش الزرعو بي يدو هو واولاد الحي وماما خديجة ❤لعبو فيهو ريحة الزراعة لمن يسقيها انتبه لي الزول الراقد في السرير جا عليهو لقاها ساندرا كانت نايمة زي الأطفال راقدة على بطنها ويديها في الأرض ابتسم لا اراديا رغم الغضب والقلق الجواه ابتسم من منظرها كانها امتصت الغضب منو تاني مرة دنقر ورفع يدينها من الأرض وهمس ليها:وانت صاحية ونايمة بتهديني❤دخل جوة لقاهم كلهم نايمين جاب غطا وغطا ساندرا ودخل غرفتوعشان يرتاح حبة ويرجع لماما خديجة تاني......
*******************
معاذ:مؤؤؤيد اللحق هزيم جا هنا😱😱
مؤيد:كككيف يعني جا؟؟!😨الوراه منو؟
معاذ:حتكون سيرين ماغيرها😡😡
مؤيد:يا الله ياخ البت دي لازم اخيط ليها خشمها 😡هسي حنعمل شنو
معاذ:حننكر الموضوع دا حطططب وحنعمل نفسنا ماعارفين
مؤيد:كدي ارح لي بيت سيرين نشوفها المرض دي قالت شنو😡
معاذ:ارح....
******************
ساندرا صحت على صراخ جووة اتخلعت وجررت تشوف الحاصل لقت هزيم جايط مع راجلين من الأسماء عرفتهم اعمامو
هزيم :معااااذ ماتنكر ياخ انا كشفتكم ياخ وعرفت أنكم ماقعد ترسلو ليها القروش الدكتور قال سكرها مستديم ومفروض تاخد الأدوية 😡😡😡مش حلفتو وقلتو تبتو دا شنو السفالة وكلام النسوان دا يا اولاد***
مؤيد:هزيييم احترم نفسك نحن اعمامك تتكلم بي أدب دي شنو ألفاظ الشوارع دي😡😡
هزيم :بلا أدب بلا زفففقت معاكم مابتختشو ياخ المرة زي امكم😡انا اساسا من البداية ماواثق فيكم أبوي هو الاصر عليكم وخليه يجي يشوف اعمالواساسا انتو ناس مرضضض وألف مرضض وماقدر كلمتكم 😡😡بسس لمن هنا كفاية فاهمين
معاذ:هزيم كلمة تانية وحألطشك كف انت قايل نفسك منوووو تتكلم معانا كدا
هزيم :جرب حظك المسني قسما عظما ازرعك في الأرض دي عشان تقوم تاني بي تربية احسن ماما خديجة خططططط احمرر ماف زول يجي بي جنبها بدخلكم السجن واحد ورا التاني وماف زول يمرقكم لا ابوي ولاغيرو😡انتو ناس جزم مامفروض الزول يعتمد عليكم عايزين تقتلو المرة عشان قروش تفووو عليكم ياخ😡💦واتخارجو من هنا سريع
مؤيد :ماحأفتح خشمي معاك وماحأبقى زيك حسابي مع ابوك😡😡
هزيم :اي امشي وريه اصلو شغل النسوان دا مابتخلوه طوالي تمشو لابوي ما حصل مرة واجهتو زي الرجال😏
معاذ حمر ليه وساق أخوه وطلع هزيم قعد في أقرب كرسي ومسك راسو
سيرين :هزيم عارفة انو اعمامك غلطو بس دا ما بيديك الحق تقول ليهم كدا هم في النهاية اعمامك وأكبر منك كلامك غلط
بيلسان :كلام سيرين صاح انت قلت ليهم ألفاظ كعبة ومهينة شديد دا مااسلوبك ياهزيم ودي ماكلماتك كان تتفاهم معاهم برااحة😕
هزيم :اسمعوووو هنا اعمل العايزو وأقول العايزو وهم يستاهلو أكبر من كدا واووعا تدافعو عنهم ونهاااي ماتحاسبوني على كلامي دا فاهمين 😡😡وطلع غرفتو وصوت الباب بورتسودان كلها تكون سمعتو😂ساندرا اصلللها مافتحت خشمها واتكلمت ولااا سألتو بتقول في شنو ساقت سيرين وبيلسان وطلعو غرفتهم...هزيم رقد في السرير وهو مولع عديييل بركاان بس حبة كدا تلفونو اتصل شاف الرقم لقاه ابوهو ابتسم وقال بالسرعة دي وصلو ليه😏فتح الخط وابوه انفصم فيه
محمد:هزييييم دا شنو الكلام القلتو دا دي الأخلاق الربيتك عليها😡هم غلطو تتفاهم معاهم براااحة راجل لراجل لكن كلامك معاهم غلللط اوووعى ياهزيم ديل اعمامك أولا واخرا واكبر منك😡😡
هزيم :هه😏 ما اخوانك أكيد حتقيف معاهم ضد مرت ابوك
محمد :هزيييم يا ولدي افهم كلامك دا ماصاح وماف راجل بيرضى يوصفوه بالنسوان كان ممكن يكسر ليك رأسك
هزيم :ولي ماكسرو؟؟عشان عارفييين نفسهم غلط في غلط
محمد :هزيم اتكلم عديل ياود ماتغلط قلنا عايز تطبظها ارجع الخرطوم هنا😡هاك امك عايزاك
منال:هزيم
هزيم :أيوة يا امي
منال:حبيبي كلامك دا غلط وانت راجل كبير وواعي وما من صفاتك تغلط كدا استخدم عقلك وخلي الانفعال وروق حتى اتفاهم 😊هزيم لقا انو
ماف فايدة يتكلم مع زول فيهم او يقنعهم انو كلامو صاح وهم الغلطانين قال ليها أسف يااامي حاضر وقفل الخط واتنهد بي يأس ورجع رقد خلل يدينو بي شعرو وبقا يتقلب بس ماقدر ينوم💔طلع برا وقعد في المسطبة بتاعة الباب.....ساندرا كانت قلقاانة على هزيم واستنتهم لمن نامو وطلعت تشوفو في غرفتو خبطت الباب مارد فتحت فتشتو لقتو ماف طوالي طلعت الحوش لقتو قاعد في المسطبة وبعاين للسما
ساندرا :رعد💔
هزيم :جاية تكوركي فيني زيهم صاح جاية تقولي لي كلامك غلط وانت غلطان ومقالات طوييلة زي حقتهم😡لا شكرا ماناقص اتخارجي من هنا😒ساندرا ولا فتحت خشمها على طول لفت رجعت قال حتى انتي ياساندرا شايفة اني غلطان حتى انت زعلتي من كلامي 💔كدا خلاص ياهزيم زعلتهم كلهم وقعدت💔فجأة حسا بي حاجة في ضهرو رفع راسو لقاها بتغطيه بي بطانية قالت ليه الجو بارد حيجيك التهاب خلي بالك من نفسك وابتسمت ليهو ومشت❤وللمرة المليون تفاجئو بي ردة فعلها الغير متوقعة كان نفسو يضمممهها ويقول ليها اقعدي شوية انا متضايق 💔خليك معاي شوية ماتفتحي خشمك بس خليني اعاين لعيونك حارتاح💔اتكا في ملحو ونام.....
**********
-هزيييييييم😭😭😭😭😭😭ياهزيييييم قوم ياخ الحقنييي😭😭😭هزييييييم 😭فتح عيونو على صوت سيرين البتبكي وبتهز فيه وقال ليها سيرين في شنو؟؟!!
سيرين :ماما خديجة ياهزيم ماما خديجة ماتت😭😭😭😭😭😭😭😭😭😭💔
هزيم :نعممممم كيف يعني😳😳😳😳كيف ماتت دا شنو الكلام دا
سيرين :ماعارفة ياهزيم ماعارفة 😭😭😭😭السستر اتصلت علي وقالت لي في غيبوبتها جاتها جلطة تانية وماتت😭😭😭هزييم اتكلم ياخ ياهزيم رد علي😭😭😭💔هزيم كان ساكت ومامستوعب الكلام دا نهاااي ماتت؟!!كيف ماتت!!لااااا ما ماتت صررخ وقام جاري على عربيتو ووعلى طول اتحرك للمستشفى ساندرا وسيرين وبيلسان لحقوهو بي أمجاد جو جارين كلللهم على غرفة الإنعاش لقوهم بيفكو منها الاجهزة💔السستر لمن شافتهم جات قالت ليهم البركة فيكم يا جماعة وأحسن الله عزاكم💔هزيم برك على ركبو ومسك راسو وهو بقول لالالا مستحيل لاااااا😭وجرا ليها جوة رفع الغطا لقاها مبتسمة نفس ابتسامتها العذبة البتقابلو بيها دايما نفس الابتسامة الاتعود عليها خلال16سنة بيشوفها في كل زمان ومكان لمن تصحيه من النوم....لمن تديه شاي الصباح...لمن تقيف جنب الباب عشان تودعو للمدرسة...لمن تستقبلو من المدرسة ولمن تقعد تقريه...لمن تحكي ليه القصة عشان ينوم💔يعني دي آخر مرة يشوف ابتسامتها يعني حترووح منو من دون تودعو حتى💔💔باس راسها واتسللت دمعة غصبا عنو على وجهها الطاهر أتذكر قبل16سنة لمن جاها من الكورة مضروب وهو بيبكي مسكتو وضمتو وقالت ليهو ايااك تبكي حبيبي هزيم البكا ما للرجال انت بالذات نسيت معنى اسمك شنو انت رعد والرعد ماعندو دموع الرعد دايما قوي ما عايزة يجي يوم واشوف دموعك ما عايزة يوم أشوف #دموع الرعد😊💙"لمن تذكر كلامها مسح دمعتو سريع وقال الله يرحمك ياغالية 💔جاطالع قدامهم ومافتح خشمو مع زووول على طول مشا بيتها ورقد في السرير التحت راكوبتها البسيطة البيحس بي راحة الدنيا كلها فيها ونااام💔ناام لعلو يصحا ويلقاها جنبو 💔....نتلاقى💙
