مرت الربع ساعة وهو لسة ماجا الضيوف بقو يعاينو ليها بي حزن صرخت وقالت ليهو استنوووو انا متأكدة حيجي هو وعدني حيجي انتظرو ربع ساعة تاني بس بلييز😭😭😭وقعدت تببكي لمن حننتهم رجعو قعدو بعد عشرة دقائق بالظبط جاهم داخل بالله الناس دي قربت تغني طلع البدر علينا 😭😂😂💔وبقو يعاينو زي المامصدقين وساندرا زادت بكا
هزيم :بسم الله مالكم بتعاينو لي كدا مش عايزين نحتفل يلا يلا طفو الأنوار وولعو الشمعة🌚💔بيلسان جات ناطة فيهو وانشرطت بكا
هزيم : بيلا بلاش درامات ياماما أهو انا جيت😂❤
همام:هزيم نفسنة
هزيم :هووس😂💔
منال:ولدي😢😢
هزيم :ياستهم وضماهم كلهم والمكان اتقلب زغاريد وكواريك💃💃🎉🎊ساندرا فضلت قاعدة بعيد وبتعاين ليهوزي المامصدقة انو وفا بي وعدو 😢❤اتوجه على الكيكةووطفو الأنوار وولع الشموع وبدو يغنو ليه😍فقدها وقعد يتلفت لقاها قاعدة بعيد وبتعاين بس قال ليهم دقيقة دقيقة ✋مشا عليها ودنقر مسح دموعها وقال ليها مش قلنا بلاش بكا بعدين تحنسيني وتتجرسي عشان أجي ولمن أجي تكوني بتعايني من بعيد كدا😒
ساندرا:غياظ دا😭❤
هزيم:ارح ارح😂مسكها من يدها وساقها جنب الكيكة وغنو ليه وطفا الشموع وبعداك بدو الربة هزيم رقص معاهم تماام زي الأول مرة يرقص
بيلسان :شوف لمن نسيت الرقص السوداني 😂😂💔
هزيم :اسكتي يا فضيحة
بيلسان :😂😂😂😂
بعد ربوها تماام هزيم مشا لي بتاع الدي جي وهمس ليهو بي حاجة وجا راجع وقف في النص فجاة الموسيقى اتغيرت واشتغل لحن اجنبي هادي❤ الجماعة اتخلعو وفضلو يعاينو لهزيم الاتوجهت الأضواء ناحيتو هزيم:أحم أحم بالنسبة لي انو الليلة عيد ميلادي ويمكن هو يوم ولادةجديدة بالنسبة لي حبيت انجز إنجاز عظيم في حياتي ❤اتجه ناحية ساندرا وجراها وقفها معاه في النص
هزيم :الانسانة الفرحة الجات من حيث لا أدري دخلت قلبت حياتي كلييا الزولة الاستحملت تقلباتي الكتيرة وعرفت تروضني ومرقتني من طوري❤الانسانة الفعلا وقفت معاي كتير ومابنساه ابدا البت اليونانية البعشق عيونها لدرجة الوله💙 برك على ركبتو وطلع خاتم ساندرا are you marry me?
( ساندرا :هييييع😱
الضيوف:هييييييع😱
انا:هييييييع😱
الجيران :هييييييع😱
السودان:هيييييع😱
الدول المجاورة :هييييييع😱
ما علينا نرجع 🐸💔)الجماعة اشتغلو صفافير وزغاريد والبينططو😍❤ساندرا تاني اخدت بكية وقالت ليهوyes(اي yesطوااالي كدا🌚انتو قالينها زي ناسنا الطيبين تقعد تخجل وتتمرمط وتتبهدل وتعاين ليمين وتعاين لشمال وتدرس جغرافية الغرفة وتسلم على الضب الفي السقف وتجهجه العريس والحضور لااااع عروق خواجة ناس واضحيييين🐸💔💃✋)
لبسها الخاتم وباس يدها وهمس ليهاI Love you🤤💙..
.
********************
After four years
ساندرا :ررررعد يا رععععد
هزيم :أيوة ياقلبو
ساندرا :لا رعد الصغير
رعد:أيوة ياقلبو🌚❤
ساندرا :ووووب علي انت كنت وين سجمييي مليان تراب😱
رعد:كنت مع بابا بنزرع في الحديقة🌚💔
هزيم :ااا هو براه قال لي ارح 🐸💔
ساندرا :هزييييييييم😡😤هزيم خما ولدو وجرا
هزيم :عوووك من امك جنت😂😂
رعد:ماحتعمل لينا كيكة شكلاتة
ساندرا :الجنني منو ما انتو جننتوني واحد هزيم والتاني رعد والجاي ان شاء الله اعصار😡
هزيم :ولو طلعت بت🐸
ساندرا :برقة كويس معاك😏يلا قوم حمي ولدك دا وانت زاتك استحما وتعالو الغدا
هزيم :حاضر يا ماما
رعد:حاضر ياماما وعملو ليها ضربة العساكر وشال رعد وجرو😂😂ساندرا ابتسمت من منظرهم وختت يدينها في بطنها طفلها التاني حيشرف بعد شهرين وديل الاتنين ماعقلو حتستحمل واحد تاني كيف😂😂😂❤دخلت المطبخ بتجهز ليهم في الأكل جوها نضاف
هزيم :اهو نحن نضااف وظراف مش يا رعدي🌚❤
رعد :أيوة يبابا🌚❤
ساندرا :😂❤أيوة كدا حلوين حبايبي يلا تعالو الأكل
*****************
بعد شهرين ساندرا ولدت جابت بنوتة زي القمر🤤❤والاحلا بعيون زرقاء هزيم عايز يسيح ليها عدييييل قال ليها كدا حتجننووووني😂❤سموها غيم🤤❤ليم قالت ليها اليشوف اساميكم يقول ساندرا عالمة فلك تعاين للسما وتسمي 😂😂❤......بيلسان اتزوجت أنس ليهم خمسة شهورياداب❤اياد اتزوج يونانية مسلمة وجاب عبد الرحمن صغير😍❤همام أتزوج وحدة قريبتو ولسة ماولدت❤ليم نزلت الجامعة في السودان ومتعذذذذبة مع رعد😂😂😂😂❤
*************
وكدا تنتهي رواية اخرى من رواياتي بأمان وسلام🌚❤
نجي للجزء الجميل والمفيد♡:
-الناس العصبيين والاعصابهم باردةناس زينا بس واجهو مشاكل خلتهم يبقو كدا فلمن تجي تتعامل معاهم اتعامل بكل حساسية المعصبين والبهيجو سرعة أتعامل بكل برود لمن يهدو من اعصابهم بس لمن تهييج وتكورك معاهم صدقني ماحيفيد حاجة غير غضبهم حيزيد والمشكلة بدل ماتحلها حتكبرها....
-افضل طريقة لي مساعدة ميت ماتقعد تبكي وتتحسر عليه او تعزل نفسك عن الناس وتندب في حظك✋ ادعي ليهم وصلي صلوات اوهبها لروحهم أتصدق عليهم دوستويفيسكي في وحدة من مقالاتو قال"بدل أن تشتري زهورا وتضعها على قبري اشتري ساندوتشا واعطه لصاحب المقبرة"والرسول قال في واحد من احاديثو"اذا مات ابن آدم انقطع عمله الا ثلاث صدقة جارية وعلم ينتفع به وابن صالح يدعو له"أدعو ليهو بالرحمة والمغفرة عشان تلقاه في الجنة ❤
-"المال والبنون زينة الحياة الدنيا"ايااااك تخسر زول عشان قروش اياااك تبيع زول قريب ليك او ان شاء الله مابتعرفو عشان قروش أتذكر الناس الحتدعي عليك لمن تأذيهم ودعوة المظلوم مستجابة ✋كيف يوم القيامة حتقابلهم قدام ربنا💔
-التهور✋الحاجة البقولها في اي زمان ومكان ولي اي زول ما تتهور اهدا اتريس ماتتخذ قرارات وقت الغضب لانو"حتندم"عليها استعيذ من الشيطان والجأ لي الله والقرآن حتلقى غضبك زال💙
-لا ترضى بنصف حب ولا بنصف فراق...أما كل شئ او لا شئ على الإطلاق ..جيفارا"
في الأخير صلو على الرسول عليه أفضل الصلاة وأتم التسليم 💙
ودمتم❤
