شنووووو كيف يعني يا سيرين في الإنعاش انت جنيتي😡😡😨😱انا مش جيتكم هناك قبل أسبوعين وخليتهاكوييس
سيرين':والله ياهزيم فجأة وقعت وديناها المستشفى دخلت في الغيبوبة ليها اسبوع😢
هزيم:'وليييه ماكلمتوني ليييه إخوانك دسو الموضوع دا اسبوووع مااعرف😡😡😡
سيرين:ماعارفة والله حاولت اكلمك بس منعوني وهسي بالدس كلمتك عليك الله تعال سرعة ماما خديجة حتموت😭😭😭😭
هزيم :حاضر حاضر ماتبكي حأحجز الليلة وحاجي خليك جنبها بس
سيرين:طيب قفل الخط ودخل جوة وهو معصصب شديد جا لقا ساندرا وبيلسان قاعدات في التربيزة قعد جنب أبوه واتهامسو شوية بعداك قالو للبنات يلا نمشي بعد دا
بيلسان :هزيم في شنو😕
هزيم :بفهمك في العربية يلا مشو كلهم وركبو العربية
بيلسان :هزيم في شنو
هزيم :ماما خديجة في الإنعاش
بيلسان :شنووو كيف يعني😨😨😱
هزيم :سيرين ضربت لي وقالت لي أسبوع وهي في غيبوبة 💔
بيلسان :لا حول ولا قوة إلا بالله حتعمل شنو
هزيم :حأمشي بورتسودان
بيلسان :حأمشي معاك
هزيم :لا عندك جامعة تقعدي مع ساندرا
بيلسان :هزيم حامشي معاك قلت☹
هزيم :بيلسان كلمة وحدة بس
بيلسان :حأمشي يعني حأمشي ولو ماحجزت لي حأحجزبراي وحاجي معاك كلمتك😡
هزيم :يالله اتنهد وسكت لانو عارف اختو عنيدة ساندرا بتعاين ليهو ساكت وهي مخلوعة سألت بيلسان في شنو قالت ليها لمن نصل بفهمك وصلو البيت على طول طلعو غرفتهم
ساندرا :احكي قلقتيني
بيلسان :طيب أبدا ليك مننن البداية عشان تفهمي جدو فهد اللي هو أبو بابا أتزوج مرتين الأولى ماما خديجة ماجابت ليهو عيال فقام أتزوج حبوبة سمية واللي هي أم بابا جابت ليهو أبوي اللي هو محمد واعمامي اتنين معاذو مؤيد وسيرين دي اصغرهم حاليا حبوبة سمية اتوفت لمن سيرين عمرها8سنة أما أبوي واعمامي كانو كبار وشغالين أبوي رحل الخرطوم هنا وهم في بورتسودان جدو فهد اتوفى بعدها سيرين رفضت تجي مع ابوي الخرطوم وقعدت مع ماما خديجة أما اعمامي معاذ ومؤيد ماكانو بحبوها بسبب حبوبة سمية الكانت معتبراها ضرتها حتى أبوي كان ماشغال بيها هزيم لمن كان في عمر ال5سنة أبوي وأبوك جاهم عقد في الكويت أبوي ماكان عايز يسوق هزيم معاه كان عايزو يقوم على ثقافة سودانية ومايتأثر بي ثقافات تانية فخلاه مع ماما خديجة في بورتسودان أما هو ماما وهمام الكان عمرو10سنة ورفض يقعد مع هزيم في السودان فاضطرو ساقوه ماما خديجة ربت هزيم وسيرين قريب ال11سنة لمن وصل الجامعة وسافر لندن وقراها هناك هزيم بيحبها حب ماعادي وبيحترمها لمن خلص قرايتو ونزل اشتغل في الخرطوم كان عايز يجيبها تستقر معاه هنا بس هي رفضت وفضلت تقعد في مسقط رأسها فخلاها على راحتها لانو اطمن لي سيرين معاها اللي بيعتبرهااختو الكبيرة ماعمتو لانو اتربت معاه❤ بقا شهريا بيرسل القروش لي مؤيد ومعاذ عشان يصرفو على ماما خديجة وسيرين ويجيبو ليها احتياجاتها قبل فترة كان بيرسل القروش ومعاذ ومؤيد كانو بياكلوها ومابكلموه ماما خديجة طيبة وعلى نياتها مافكرت انو ديل معاذ ومؤيد افتكرت انو هزيم بمر بي أزمة مالية وكدا لمن جاتها جلطة سكري سببت ليها شلل في الرجلين 💔هزيم لمن عرفهم شاكل اعمامي ديل وعمل معاهم مشكلة كبيييرة وقرب يدخلهم السجن السجن إلا أبوي اتدخل وخلاهم واعمامي ندمو وحلفو ليه أنهم كانو مارين بي أزمة واضطرو يعملو كدا واعتزرو وحلفو ليه انو يسلموها القروش كاملة هزيم سامحهم ورجع يرسل ليهم القروش تاني وقبيل زي ماسمعتي سيرين اتصلت وقالت ماما خديجة رقدت غيبوبة وحنقوم الليلة
ساندرا :واااااي لكن ياحليلو هزيم😢😢أكيد ماحتقومو وتخلوني هنا براي صاح
بيلسان :في امي وابوي ماحيقدر يسافر حيمسك الشغل لي هزيم لمن يرجع
ساندرا :لالا حأقوم معاكم بعدين مامعروف ردة فعل هزيم حتكون كيف أكيد حيتهور عايزة أكون معاه😢
بيلسان :طيب امشي حاولي كلميه يحجز ليك معانا
ساندرا : طيب طلعت مشت ليهو في غرفتو خبطت الباب ماف زول فتح ليها ولاا اتلفتت دخلت لقتو قاعد في البلكونة وفاتح ليهو البوم وبيتفرج مشت عليهو وقالت ليهو بي نبرة حزن :رعد💔
هزيم :لمن ماافتح ليك الباب معناها ماعايز زول يدخل😒✋
ساندرا :حاسافرمعاكم انا
هزيم :ماف ضرورة
ساندرا : بيلسان حكت لي كل حاجة عايزة أسافر معاكم ماحتخليني هنا صاح😢💔
هزيم :ساندرا قلت ماف ضرورة انا وبيلسان حنقوم بعدين هنا في امي وابوي
ساندرا :حتخليني براي😢ووقعت ليهو عيونها (النظرة بتاعة ناس غامبول ديك عرفتوها😂😂💔)عاين ليها واتنهد قال ليها انت عارفة نقطة ضعفي عيونك لي بتستخدميها ضدي😒💙
ساندرا :حأمشي صاح🌚
هزيم :انت وبيلسان من نفس الطينة تحبو تعاندو😕💔
ساندرا :يسسس حامشي💃عاينت للدفتر الفي يدو لقتو صور
هزيم :تعالي جات قعدت جنبو في الكنبة وشافت الصور كانت صورة لي مرة كبيرة وجنبها بنوتة صغير وولد
هزيم:كانت زي امي ومكانتها عندي كبيرة شديييد❤
دققت في ملامح الصورة لقتو هزيم لمن كان صغير كتمت الضحكة بالعافية عشان ماتفسد لحظة التأمل😂
ساندرا :دا انت وسيرين وماما خديجة
هزيم :اي💔اه يا ساندرا خايف عليها شديد هي كبيرة ومابتتحرك ومحتاجة رعاية وسيرين شغالة ومعاذ ومؤيد ماشغالين بيها💔انا متأكد انو عندهم يد في الموضوع لو عرفت انو عملو ليها حاجة ماحاخليهم وربي اقتلهم
ساندرا :ماتخاف حتكون كويسة خلي ثقتك في ربنا كبيرة😊❤
هزيم :ونعم بالله ابتسمت ليهو وقامت مشت....
****************
تاني يوم ساندرا اتصلت على أبوها وفهمتو ووافق جهزو شنطتهم واتجهوعلى المطار قعدو نص ساعة وندهو على طيارتهم ودخلو ساندرا و بيلسان كانو جنب بعض وهزيم وراهم
بيلسان :اخيرا حنتحرر ياخ😢لي زمن ماسافرت من ثالثة وهسي الجامعة احيي ساندرا انت معاي يابت🌚
ساندرا :بيلا
بيلسان :احكي
ساندرا :لمن هسي ماحكيتي لي عن سبب تقلب سلوك هزيم
بيلسان :دا سبب شرودك وتفكيرك يعني...طيب مدام عرفتي القصة دي يبقا ماف داعي اكتم القصة التانية حاحكي ليك:الحاجة الماذكرتها ليك انو كان عندنا أخو أصغر من همام وأكبر من هزيم اسمو هيثم هو برضو سافر مع ناس ماما للكويت ومنها مشا لندن للجامعة وهزيم مشا ليهو في لندن كان بحبو شديييد لدرجة ممكن يعاند بابا ويسمع كلام هيثم معتبرو قدوتو وسندو وكان عندهم صاحبهم اسمو هنري كان صاحبهم شديد التلاتة مابتفرقو كانو كل حياتو هناك ماكان مصاحب غيرهم حياتو مرتكزة عليهم الاتنين لمن جا يوم كانو عاملين فيه عيد ميلادو هنري وهيثم كانو الاتنين جايينو في مكان الحفلة وكان مستنيهم عشان يطفي الشمعة استناهم كتير وماجو اتصل عليهم كتير وماردو فضل قلقان عليهم ومستنيهم وهو ميت من الخوف بعد ربع ساعة اتصل عليهو رقم هنري بس لمن ردا ماكان هنري كان زول قال ليهو انو هم في المستشفى والاتنين عملو حادث دخل في هالة هلع شديييدة جرو كلهم على المستشفى هو كان جاري زي المجنون كل همو انو يلقاهم كويسين دخل وسأل منهم قالو ليهو واحد فيهم مات هنا اتصدم زيادة وبرك على ركبتو ومسك راسو ماكان متخيل واحد فيهم مات ولا كان عايز واحد فيهم يموت جرا جوة لقاه هثيم الاتوفى صرخ وكووورك ودخل في حالة صعبة بعداك جرا يشوف هنري هل لسة حي لقاه داخل في غيبوبة قعد جنب غرفتو وهو بعاين ليهو بالقزاز وبيبكييي قدرتو فجأة جهاز القلب صفر والدكاترة جوهو جارين وبقو ينعشو فيه بس من دون فايدة💔💔جاهو الدكتور طالع وقال ليهو فقدنا المريض هزيم دخل في حالة يرثى لها بقا زي المجنون في الوقت دا نحن نزلنا السودان هزيم جمد السنة ونزل السودان وهو منهار تماما ومامتقبل الفكرة دي تابع عند طبيب نفسي خلال السنة دي كلها بعد السنة دي رجع كمل دراستو في لندن وجا راجع بس ماكان هزيم الزمان بقا زي الزول العندو وسواس قهري مرة منفعل ومرة بااارد شخصيتو متقلبة بقت💔💔من يومها كررره يوم ميلادو بقا مابيحتفل بيه وبيقضيه كلو بكا وبيتذكرهم💔منع اي زول يحتفل بيه او حتى يديه هدية في اليوم دا دي كل القصة يا ساندرا💔بيلسان خلصت لقت ساندرا دي تشيل وتتخج بالبكا بقت تحنس فيها وتسكت فيها بعد تحانيس حتى سكتت بعد نص ساعة وصلو بورتسودان اول مانزلو هزيم انتبه لي عيون ساندرا المورمة والحمرااااا ماسألها واستغرب ركبو العربية وطوالي على المستشفى الفيها ماما خديجة لمن وصلو هزيم قال لي بيلسان امشي قدامنا عايز ساندرا دقيقة نزلت وخلتوبيعاين ليها وهي مافتحت خشمها بس بتعاين بالشباك وسرحانة
هزيم :ساندرا ساندرا ساندي
مالك يابت
ساندرا :مالي 😅
هزيم :كنتي بتبكي صاح؟؟
ساندرا :لا انا أبدأ 😅قرب منها وقال ليها غالطيني في اي حاجة إلا عيونك (وانا غالطوني في اي حاجة إلا اقاشي الفراخ واقاشي اللحم 🐸💔✋)عاينت ليهو مسافة وجرت نزلت دخلو لقو سيرين الجات عليهم ونطت في هزيم وهي بتبكييي لمن هداها وجات سلمت على ساندرا وبيلسان هزيم جرا يشوف ماما خديجة لقاها مركبين ليها كمية من الأجهزة والدربات غمض عيونو مساافة ورجع قعد في أقرب كرسي وهو بيستغفر بعدا مشا للدكتور عشان يفهم الحصل الدكتور قال ليهو عدم انتظام في السكري شكلها ما اخدت الأدوية استغرب كيف مااخدتها؟ ؟مشا لي سيرين قال ليها ماما خديجة ماقعد تاخد ادويتها ليه
سيرين:كيف يعني هي مش وقفتها ليها أسبوعين وحاجة
هزيم :شنووو كيف وقفتها في زول عندو سكري بيوقف الادوية😡😡
سيرين :قبل أسبوعين جينا انا ومعاذ نعمل ليها الفحص ورجعنا البيت خلينا معاذ يجيب النتيجة جانا قال السكر منتظم وماف داعي للأدوية بعد دا فرحنا وقلت ليهو حاكلم هزيم منعني وقال لي حأكلمو وانا وافتكرتو كلمك😳😳
هزيم :أبدأ ماجاب لي السيرة انت متأكدة انو سكرها انتظم ؟السكر دا مستديم والادوية مستحيل الزول يوقفها
سيرين:ماعارفة ياهزيم 💔اتنهد وطلع خلاهم....نتلاقى💙
