Iyakin ako, oo. Marupok ako, oo. Mabigat ang dibdib ko. Gusto ko mang sabihin sayo pero ayoko. Kase pakiramdam ko puro problema lang ang dala ko sayo. Alam ko din namang may mga problema ka ding iyo. Gusto kong sabihin sayo kase gusto kong malaman mo. Gusto ko alam mo lahat ng nararamdaman ko. Gusto ko ng comfort mo. Isang message mo lang masaya na'ko.
Meron naman akong masabihan. Gusto ko lang din kase maramdaman na dinadamayan mo'ko. Na andyan ka para masandalan ko. Ang kapal ko noh?? Oo. Siguro. Hindi ka naman guidance councilor para sumbungan ko. Nagkakaganito ako kase mahal kita eh. Gusto ko ikaw yung karamay ko lagi sa tuwing nasasaktan at napapagod ako. Pero narealize ko hindi pala lahat ng gusto ko ay makakamtan ko. Sadyang mailap sakin lahat ng mga bagay na inaakala ko.
Sorry. Ilang taon din kase akong naghahanap ng masandalan. Ng taong magtitiis sa kadramahan ko. Minsan tuloy napapaisip din ako. Kung taong mahal ako bilang ako ba ang hanap ko o yung taong sandalan ko tuwing may problema ako????
