#ـــــــــــــــــــــــــــــــــــــــــــــــــــــــــــــــــــــــــــــــــــ
حلقه 3
وخشيت للمطبخ
انا..حوووووووووبا
ولقيت عزو ورحاب
عزو خوه رحاب
...................
انا..بسم الله
عزو...حقيتي جن
رحاب..مبردك
وصبت تسلم عليا..
رحاب..سنه بيش تجي
انا..تي طولت امي ووسيم ماحوتك ماناض
رحاب...هي تعالي اركبي معايا
وركبنا فووق لدارها
وفتحت الدولاب
رحاب...هي اختاري لي تبيه
انا..رحاب قتلك فيش داعي
رحاب..عينك نبيك تطلعي اجمل الجميلات
انا..عطك داء علي راسك هض
رحاب..هي
وطلعتلي 3 فساتين
رحاب..انا اخترتلك هذين الثلاثه عجبني شن رايك انتي
انا ...اممممم
رحاب..شن رايك في هضا يجي عليك خيالي
انا...يههببل
رحاب,,,ها تاخذيه
انا..تمام
وخذيت قفطان ابيض قصير وفيه تبويجه بسيطه وقصييير كم وظهرخ عريان وفيه دانتيل من تحت اسود
رحاب...هيا ننزلو راك تنسي الكعب
ونزلنا
وركبنا ف السياره وعدينا وشالنا عزو
..........
ووصلنا للكوفير
وبدت لكوفيره في رحاب
والاخري دارتلي فتله ودرتلي ميك اب بسيط وطلقت شعري ودرتا فلوو
رحاب..تهبللي
انا..عويناتك نعليا قعدتي عروسه
رحاب..هههه هيا ساعديني ف لفستان
ولبستها فستان مبوج طويل احمر توب وفيه فضي
ورن عزو
رحاب..ردي
انا..ايووا
عزو..ها من
انا..احلام
عزو...اا احلام نجيكم
انا..اها تعال
عزو..هي مسافة لطريق
وسكرت
انا..قالك مسافة الطريق
.....................
وبعد شويه جاء وعدينا لفيلتهم
كانو مزينيها تهههبل ومدايرينا برا كيف الصاله المتنقله
وصلنا والحوش كلا زغاريتت ولي تبارك ودنيا مقلوبه
خشينا للدار وسلحنا عبايتنا
خشت ماما ونوران
انا..هئئئئئئئئ ماما
وسلمت عليهن
ماما...طالعات تهبلن ماشاء الله
نوران..هئئئئئ تهبلي ي هممي تي تعالي قعدتي عروسه
واضبطت رحاب
رحاب..هههههههه لعقبالكن
انا..هههههه هي اطلعن
وطلعنا برا وقعمزت ع الكرسي
وجن لبنات والصبايا يباركن
وجووووو يهببببببببببل بككل بكل....
.......................................
ومر هاليوم وكان مش عادي
ف ليل بكل رن وسيم
وسيم..ها كملتي
انا..من بدري
وسيم..باهي هي اطلعي قدام الحوش قاعد
انا..هي
رحاب..جاء
انا..اها
رحاب..ياريت تباتي
نا..عارفه حني هئئئئئئئئئئئئئئئئئئئئئئئئئئئئئئئئئئئئئئئئئئئ
رحاب..عطك لي يفجعك عليش هالشهقه كنك
انا..حي علمناااااااا
رحاب..تي كنك عنجد اصلك
انا..الشهاده اليوم
رحاب قعدت تضرب فيا بالمخده
رحاب..عطك سحيقه ونار طليقه وصواريخ معيتيقه هيووا والله
نا..كنك خشيتي ع الخط الغرباوي
رحاب..عطك لي يفجعك ركبتيلي السكر من هالفجعه ي حقيره الشهاده الاحد
انا...ااااه باه باي
رحاب...رعشتني وبتعدي
انا..هههههههههههههه سلام
وطلعت سلمت ع امها
..........
وطلعت لوسيم
في الطريق
وسيم...ها شن جو البيان
انا..يههههههههبل
وسيم..يعني غيرتي جوك
انا..يس يس
وسيم..تمام وسكت
وسيم...جت نوران ماه
انا...شن عرفك
وسيم..مش صحبات انتي ونوران ورحاب
انا..اها
وسيم...معناها جت
انا..اهممم
وسيم..به
(وسسيم يحب نوران بكككل يموت فيها بس نوران تحب وسام صاحب سالم وحتي كان عترفلها عارف روحه مش حيتريح من ناحيه حنني وعماتي فساكت وخلاص)
وصلنا للحوش
خشيت لقيت عميمه وحني
حني...حمد الله ع السلامه باهي لي جيتي كان بتي خير
انا..ماه البيان طول شويه
حني..ااهاااااا قلتيلي باهي حطي لي في يدك وعدي اغسلي الفرش
انا بحتت ف الساعه
انا...بس ياحني الساعه 12 والفرش وااجد خليه بكرا
عميمه..كلمه هياااااااااا عدي كيف ماقلتلك امي
انا... عيوني دمعن
وخشيت للدار لبست توته
وركبت فوق السطاح لقيت عرررررررررررم فرش
بديت نغسل فيه وريييح قويه بكل وخايفه بكل ظلااام
غسلت غسلت
بعدددين
كملت خلاص
بحتت الساعه لقيتها 3 ونص
نشرت الفرش
ونزلت
خشين لفراشي بدبشي المبلول ماقدرتش نغير
وخشيت ف ساابع نومه
............
الصبح نوضتني عميمه الساعه 9
انا..امس رقدت 3 ونبي خليني راقده واللهي مريضه
عميمه..مرض جدي لي ماناض منه والي صبي دداء هيا
انا...باه
وصبي خشيت للحمام ولبست توته حسيت روحي ممرريضه ونرعش وصقعانه بكل
طلعت للمطبخ حسيت عندي شنيه في لوكال
طلعا وقعدت نضم ف الحوش لمضموم ههه
قعمزت في دار المعيشه جسمي يوجع فيا بنتريح
خشت حني
حني..كنك مقعمزا
انا..مريضه ياحني
حني...مافيك شي صبي نحنا طالعات للسوق حطي الغدء ع النار علي ماجينا
انا..حاضر
وهنا طلعن
ونا خشيت للمطبخ درت كسكسو
وكملت الحوسه
قلت خليني نرقد شويه
...............ورقدت..
بعدها انوض ع صوت هرجه وحد يضرب فيا
انا..ااا ياعميمه
عميمه. سهي .عمت عينك قلنالك ديري الغداء حرقتيه احرق مصارينك
انا..واللهي مريضه والله
عميمه..نعنك تموتي
حني..حرقتي الغداء شن بناكلو توا
عميمه قعدت تضررب فيا بكرعيها
انا..ااااااااااااا خلاص
وصبيت نجرري للدار و سكرت ع روحي بالمفتاح وقعدت نبكي ليييييييين رقدت
......
كملت يومي كله ونا راقده
نضت ع صوت باب داري
انا.نعم
حني...كنك مسكره الباب وراقده لتوا
انا...ماكني شي
حني..هيا نوضي افتحي الباب واطلعي كولي شي بلا علي حالك
انا..مانبببببببيش ا نشء الله نموت
عميمه..ان شاء الله
وخذيت بنادول ورديت رقدت
حسيت روحي اول مره نرقد رقده كيف هذي
....................
ثاني يوم الصبح
باب داري يدق
انا..ي جني واعيه ومانبيش نااكل
وسيم..انا وسيم
صبيت فتحت باب الدار وخش قعمز ع لسرير
وسيم سكري الباب وتعالي قعمزي
سكرتا وجيت قعمزت
وسيم..كنك
انا..شن
وسيم..امي قالت من امس مسكرا عليك الدار
انا...لاشي غيير مريضه شويه
وسيم...سهي ضربباتك
انا طبست راسي
وسيم..ساهل ساهل واللهي عارفه يااحلام ياما دويت وهزبت بس
انا..لاعادي تعودت
وسيم..تو تفرج
اانا.اهممم
وسيم..بكرا الشهاده اه
انا..اها
وسيم..باهي ان شاء الله بالنجاح وصبي توا اطلعي كولي
انا..واللهي ماعندي نيه
وسيم...ترديني
انا..لااااااا
وسيم...ههه معناها صبي كولي
انا..حاضر
وسيم..وننا طال شوي ونجي
انا..تممام
وطللع وسيم
ونا خشيت للمطبخ درت سندوتش
وكليته
خشيت عميمه سهي
عميمه سهي..ههه ودروحها تدلع اهي تسمسم
حني..هضا الدلع امتاع امها
انا خنقتني العبره وسيبت وكالي
وخشيت للدار
خشت حني
حني..تحسابي روحك بترقدي صبي ضمي الدييار
انا..تمام
وصبيت ضميت الديار كنست
............
ف العشيه رن عليا سالم
سالم..لومي شجو
انا...تمام شن جوك انت
سالم..كنك
انا..كني
سالم..صوتك مش تمام
انا..هه من كلمتين
سالم..تي حافطك انا كنك
انا..لااهو عادي شن جوك انت
سالم....ااهو ماشيه
انا...كيف حال منذر
سالم..تمام احلام
اناي..نععم
سالم..يابنتي شاغلتيني عليك قوليلي كنك
انا...عادي انت عارف لي يسكن هنا ييتريح
سالم..عارف وننتمنك تقعدي عندنا
انا..الله غالب
سالم..ااهوو باهي بنقولك حاجه
انا..شن
سالم...الشهاده طلعت
انا..هههههه بكرا
سالم..واللهي طلعت
انا...هئئئئئئئئئئئئئئئئئئئئئئئئئئئئئئئئئئئئئئئئئئئئئئ
سالم...عليك شهقه
انا..باهي شن صار فيا باهي فيسغ قولي
سالم..احمم احمم شن حقها
انا...وراس سالم نبي نبي ونبيي نبي اتقول
سالم..تي نجحتي يهبله مبروك
انا..هئئئئئئئئئئئئئ الحمد الله ياربي اخير واخيرا واخير
سالم..عليا الطلاق تقول بنيه عمرك 7 سنين
انا...ههههههه
انا..ونوران شن صار فيها
انا..الله باه ورحاب وسكتت
وسالم سكت
انا..ااا مش قصدي
سالم..لا عادي ربي يوفقها ف حياتها
انا..ان شاء الله
سالم...نجحت حتي هيا
انا...اها هيا خشت انتظار
سالم..هي سلام
(سالم ورحاب كانوو علاقه بس رحاب ماتريحتش مع سالم هياحبت عصام بس سالم لعند توا يحبها)
رحاب..مبرووووووك
انا..الله يبارك فيك مبرروك عليك
رحاب ..الله يبارك فيك الله قصدك توا بنخشو للجامعه وقانون واخيراااا
انا...لقد هرمناااااا
رحاب..مش غيررررررررررر
وهدرزنا شويه
ورنت عليا مماما ونوران باركلي
,,,,
بعدها سمعت صوت وسيم
طلعتلا
انا..وسسسسسسسسيم
وسيم..بسم اللله كنك
انا..نجحت
وسيم..م بكرا
انا..هئ طلعت ليوم نجححححححت
وسيم اضبطني
وسيم..مبروووووووك قصدك ددروحك كبرتي جامعه وجو
انا..هههههههههه
وسيم..مبروك ياهبله
انا..الله يبارك فيك
عميمه وحني ماعدلنش بكل حتي كلمه مبروك ماقالنها
......................
خشيت للدار ماعدلتش المهم نجحت
كلمت صحباتي يباركلي وجو سمح وفرحانه بنطير
...................
مرن أيام وعدن أيام
مر اسبوع واثنين وثلاثه
مرن شهووور 5 شهووور
ونا علي حالي لاطلعه لاخشا فلحوش كيفي كيف الخدامه نوض لي هزيبه نرقد علي ضربه وسيم كان مسافر ومحد يدافع عليا لي خاش ولي طالع يضربني ماما معش شفتها 5 شهور ماشفتش فيهن ماما وفوني كسراتا ليا عميمه شرالي وسيم بعد كم شهر فون جديد عادي
.......................
بعد مرور 5 شهور
جاء أول يوم ف الجامعه
كنت فرحاااااااااااانه وبنطير اقل نطلع من السجن لي انا فيه بس ماتوقعتش خشتي للجامعه يكون اكبر غلط درته في حياتي
....
اول يوم ف الجامعه
انا رني ع رحاب
انا...ها وينك انا قاعده ف الكفتيريا
رحاب..هي اني جايه
وقعمزت شويه
وحقي رحاب من بعيد جتني تجري
ونا صبيت نجري اضبطتها ونبكي ورحاب تبكي
وكلهم يبحتو فينا
انا..مراايفه عليكي بكل بكل
رحاب تبكي وتشهق
رحاب..5 شهوور
انا...5شهور
رحاب تبكي بعبرتها
.....
بعدها قعمزنا
رحاب..ياناعليا كيفف تحملتي 5 شهور في الحوش
انا..واللهي عذاب اسووود يارحاب وسيم مش قاعد عشان يدافع عليا انوض ونرقد ع الهزايب حتي فوني كسروه ليا اليوم شرالي واحد جديد
رحاب...وكنا هكي رايح جسمك وشوفي وجهك كيف رايح
انا..الهم كلاني وكال
رحاب...بس عمتك ردت لحوشها لها شهر المفروض تريحتي ف الشهر هضا
انا...ههه من وينلي الراحه مع حني
رحاب...ياااربي حسبي الله ونعم الوكيل في عيلتك كلها
انا..ااااااااه قهر وخلاص
وجت نوران
صبينا سلمنا عليها وخشينا للمحاضره
....... بعد ساعتين طلعنا
نوران..اول يوم ومش فاهمه شي
انا..ربي يستر م الباقي
انا..انتي شن جوك مع عصام
رحاب..تمام لحمد الله
انا..وانتي ووسام
نوران...اهوو
انا...كنك
نوران طبست راسها ودمعتها نزلت
انا ورحاب...بسم الله كنك
نوران..لاكني شي
انا...تعالي بس وقعمزنا
انا..احكي كنك
نوران..نهدرز معاه وجونا سمح توا يابنات بنسألكن كل علاقه نهايتها شنو
نحنا..زواج
نوران....بس هضا مافتحليش ولامره أي موضوع عالزواج
انا..تي مازلتو صغار تي راه م 90 هوا
نوران..وحتي وكان ع اقل يحكي مثلا نبيك انتي ليا او مراتي اوو أي شي
رحاب...تي نقنك بهيمه مالكمش 3 شهور بس
نوران..تي مش عارفه
رحاب...انتن صبن بس
نحنا..وين
رحاب..للكافتيريا شوفي فسخت احلام عمرها ماكلت حاجه صبن
انا..هههه
وصبينا خشينا للكافتيريا
............................
وبعدها حضرنا المحاضره وطلعنا
وجاني وسيم
وروحنا
...........
وصلت للحوش الساعه 5
حني.. شرفتي كيف هضا كله ف الجامعه
انا..اها ي حني
حني..اهاااااااااااااااا يعني مامشيتش هكي ولاهكي
انا..نعست
وخشيت للدار خذيت توته وكنت نعسااااااااانه بكل حطيت راسي ع المخده
خشت حني
حني...نوضي
نا..مازلت مارقدت
حني ..لا ياحنه جاايت صبايا نوضي ديري شي كيكه و بيتزا
انا..ياحني واللهي تعبانه وبعدين بنقرا
حني..صبي نعن مرض لي ياخذ
صبيت ودر كيكه وبيتزا
وجن الجارات استقبلتهن
ومررررت هالعشيه
....................
مرن ايام واسابيع ونا نمشي للجامعه ونجي ولاجديد يذكر كل يوم نفس لي قبله نجدا في بابا ان نعدي لماما وقال لا
