مسلسل لازلت طفله
الحلقه 22
نا...سامحني
احمد..كنك
حولت من عليه
نا..لا شي
احمد...كنك بكيتك هذي مش ع نوران احكي
نا....لا تعبانه شويه
احمد....احكي قلت انا شن فيه
انا حطيت راسي ع كرعيا وحاطه يديا ع راسي ودنيا خاشه في بعضها
قعدت نبكي وخلاص
رفعلي راسي ويمسح ف دموعي
أحمد. ..كنك ياعمري شن فيك
انا...هءئ مشي
احمد..أحلام كلمه هياا احكي عارفتيني مانحبش نعاود كلامي مرتين
انا...اااااه
احمد..احكي
انا..تسمعني للأخر وماتقطعنيش
احمد..احكي
انا.. (قعدت نحكيلا لي صار مع مؤيد كله)
نظرلي نظره كرهت روحي
انا ونبكي...واللهي مش بيدي يا احمد عارفني نحبك واللهي منه هوا
صبا وولا حرف طلع طبق باب الحوش بلحيل وعدااا
...
انا قعدت مقعمزه ع سريري ونبكي بعبرتي وحاسه روحي المره هذي فقدت احمد بجد
بككيت بكيت ليييين رقدت
......
عند احمد طلع من الحوش
وقعد يسووووق بسرررعه بكككل
ووصل قدام حوش مؤيد
لقاه كيف جاي
احمد نزل م سياره وعدا يجري يضرب فيه
وجو عرم يحزوو ف العركه
وططبعا ماغباكن ف كلام لي بيناتهم وشتائم
بس في كلمه استفززت أحمد
مؤيد...كنك راجل راك صاين مراتك مش قاعده من مكان لي مكان
هنا احمد انكلب
وقعد يضرب فيه بكل......
..........
انتهت العركه وروح ع ساعه 5 الفجر
لقاني راقده ع لوطا وراسي ع سرير
ومازالت بقفطاني
قعد يبحت فيا ومتشتت بين كلام مؤيد وكلامي
جاء رفعني وحطني ع سرير وغطاني
وطلع رقد ف دار اخري
.......
عند ميسم ومؤيد
ركب فوق وميسم كانت طالعه من دار
ميسم..بسم الله شن هضا
مؤيد..فوتي دين امي توا
ميسم...بس كنه وجهك هكي
عدا خش مؤيد غسل وجهه
وطلع لقا ميسم مقعمزا
مؤيد...كنك مارقدتي
ميسم..انت كنك طولت
مؤيد..مش شورك
ميسم قعدت مقعمزا وتهز ف كراعهها ودمعتها في عينها
مؤيد...خشي ارقدي
ميسم...يامؤيد تي انت كنك معايا كرهتني في حياتي
مؤيد...ميسم خشي انخمممدي
صبت
ميسم...مؤيد تي هضا مش حل ماتبينيش طلقني اما نقعد نكذب ع ناس ونقول حامل وانت بلأساس مالمستنيش لااا مانقعدش كذابه ف عيون خالتي انا طلقني يااامؤيد تعبتني وررراك خلاص قريب نموت منك
وخشت لدار بكت لين رقدت
.........
عند مؤيد قعد مقعمز ويدخن وخلاص
......
ومرررت هاليله وكلها رعايش
.
ثاني يوم الساعه 9 الصبح
نضت مالقيتش احمد جنبي
ومازالت بقفطاني
صبيت طلعت م دار
وخشيت لدار الاخري لقيت احمد راقد
طلعت ودرت حمام ولبست روب
طلعت صليت
وحاسه جنبي يوجع فيا وااجد بكل
خشيت علي احمد لقيته مزال راقد
استغربت عمرا ماطول هكي
جيت تلاه لقيته يررعش
وساخن بكل
نفجعت
انا....حبيبي
احمد...
انا..احمد
احمد..اا ها
انا...حبيبي نكلم طارق يشيلك للمستشفي
احمد. .خليني ف حالي
صبيت وجبت اميه ومنشف
وقعدت انديرلا ف كمادات وقعدت نمسحلا ف دم ل ف وجه لين خفت الحراره هوا كيف بدا ينوض
انا..ها حبيبي احسن
احمد...امم
انا...كنه وجهك هكي
احمد...اطلعي بنرقد
انا...تعاركت مع مؤيد
احمد..اطلعي خير ماننفصل
صبيت ودمعتي ف عيني ومش قادره ندوي لي ان معاه الحق مهما يدير
.......
طلعت وخشيت درت #شربه_خضراء لي احمد
رن فوني رقم غريب
رديت
انا...ايوه
ميسم...اهلين
انا..هلا من معايا
ميسم...ميسم انا
انا...اهلين ميسم كيف حالك
ميسم...حمد الله كيف حالك
انا...اهوو تمام
ميسم...احلام شن صار امس بين مؤيد واحمد
انا..وواللهي ماني عارفه جاءرقد وناض مريض هزب ورقد
ميسم...باهي شن سبب عركتهم
نا..(حكيتلها لي صار بيني وبين مؤيد)
ميسم دموعها ينزلن
نا...واللهي ف حاله يعلم بيها ربي خايفه اني نخسر احمد واللهي متعلقه بيه أكثر منروحي
ميسم..باهي انتي تحبيه هه انا نكذب ع روحي وع العيله عارفه قتلك حامل وهوا أصلا لا لمسني لا جاء ش
شوري
انا...حسبي الله وخلاص
ميسم..كيف حاله احمد
انا...درتلا كمادت بعدها هزبني تي معاهالحق مهما يدوي
ميسم...سلام توا مؤيد جاء
انا...باي
وسكرت
استغربت من وين جابت رقمي
صبيت حطيت الغداء
وخشيت ع احمد
لقيته مقعمز ع لاب توب
جيت وحطيت الغداء
وطلعت
..
خشيت لداري خذيت دوايا لقديم معش تحملت جنبي
ورقدت
...
تغدا احمد وطلع م دار
خش للمطبخ لقا طنجره كيف ماهيا عرف اني مش متغديه
خش عليا ف دار لقاني راقده
غير دبشه وطلع للعياده
...
نضت ع العصر
طلعت لقيت احمد مش قاعد
قعدت نضم ف حوش
....
عند حوش حني
كانو عيت عمو علي عندهم
نسرين كانت مصبيه ف المطبخ
خش عليها مصعب
برمت لقاته قدامها
قعد قلبها يدق فيسع ومرتبكه
مصعب...أهلا
نسرين شهقت بلحيل اامته جيت وكيف و
مصعب...اصالحو
نسرين..اا
مصعب ...رايفت عليك
نسرين بحتت فيه
مصعب وعليكم كلكم
نسرين..ااها
مصعب..قالو اجوزتي
نسرين هزت براسها بمعني لالا
مصعب.أحلام قالت
نسرين...لا اجلنا بعد سنه
مصعب...اها
مصعب...ههه عليك دنيا من قال تاخذي غيري
نسرين دموعها ينزلن وخلاص
مصعب..معش تبكي
طلعت وسيباته
.......
عندي انا وصلني مسج من احمد (طارق شوي وجايك يجيبك وتي روحك)
خشيت لبست عبايتي
وبرمت ع وجهي ولبست وشاحي
رن الجرس
طلعت لقيته طارق
ركبت معاه
طارق..كنك ان شاء الله خير
انا...لا غير مكان العمليه رد أخري
طارق..عمليه شن
انا...زراعه كلي
طارق...اووو قويه هذي
انا....وانفجار زايده
طارق...كيف
انا.احمد دارلي عمليتين ف عمليه خشيت ف غيبوبه بعدها حصلنا متبرع نضت
طارق....ههههه خويا لبز وااجد
انا.ههههه
انا...كيف حال اماني
طارق...تمام تعاني مع الفرخه
( بنتهم اسمها هنادي)
انا...هههه محلاها ي خيه رايفت عليها
طارق....بكرا تعالو عند هلي
انا...اها جايين
وصلنا قدام لمستشفي
انا...سلام سلم ع ا اماني
طارق...يوصل هي سلام
وخشيت للمستشفي
ركبت فوق خشيت لقسم
الممرضه ..حاجزه باسم من
انا..بدون حجز ما
الممرضه..اسفه استكفينا ليوم
جت ممرضه اخري
ممرضه..وووه عليك تعب تي كم مازال حاله
الممرضه ...حالتين اخري
ممرضه2..هذينا 3
الممرضه...لالا هدي بدوم حجز
ممرضه...معليش ياماما تعالي بكرا
انا...بعد مايكملن هن الاثنيم قولن لدكتور
وعديت قعمزت
خشن حالتين
بعد كم وقت
فوني رن
احمد. ..وينك
انا...ف المستشفي
احمد..باهي خشي
صبيت وجيت بنخش
الممرضه...قلنا استكفينا
انا حطيت يدي ع جنبي
انا...معليش شويه
الممرضه ...تي بيش تفهمي انتي
ع طلعت احمد
احمد...كملنا ليوم
الممرضه..اها بس هذي مابتش تعدي
احمد...لاهذي تكون المدام خلاص روحن انتن
بحتت فيا
احمد...كم لكي هنا
نا..ساعه هك
احمد. ..ليش ماخششتنها
الممرضه..اسفه ماقالتش أنها مدامتك
احمد...خلاص به
وخشيت نا وياه لغرفه
احمد..ليش ماخشيتي م بدايه
انا...قلت تكمل شغلك لأول بعدين انا
احمد..اها
حطيت يدي ع جنبي
احمد يوجع فيك توا
انا..تقول ابرا تبز فيا
احمد...باهي صبي
صبيت ورقدت ع السرير
ودارلي صوره قعد يبحت ووجهه تغير
انا...في شي
احمد مسحلي بطني ونزلني
احمد...خليكي شوي وجاي
وعدا
نا خفت من شكله وكيف تغير حسيت فياشي ومايبيش يقول
بعد شويه خش عليا
ومنظره بكككككل
لين عيوني دمعن خفت من جدي
انا..احمد كنك
جاب كرسي وقعمز تلايا
انا..كنك شن في
احمد...انتي توثقي فيا
انا...اها اكيد
احمد...نحكي جد واثقه فيا
انا...تي اكيده بس شن
احمد..باهي كان قتلك ديري عمليه بكرا صبح عادي
انا..نعم
احمد...بدون سؤال
انا...حاضر تمام
احمد..شن واكله
أنا...اااها واكله
احمد...ع من تكذبي
انا وجعتني كلمته صح مثلا بصاره او هكي بس مازلت متحسسه من موضوع مؤيد
احمد..شن
انا عيوني دمعن
انا..هئ مشي
احمد... باهي صبي معايا
وصبينا وخشينا لغرفه
انا...كنك
احمد...حتباتي هنا اليوم
انا..ليش
احمد...عمليتك 9 صبح ولازم تقعدي هنا
انا هزيت براسي
احمد....طالع تو نجيك
انا.امبه
طلع وحولت عبايتي ووشاحي كنت لابسه طرف قهوي كم خفيف واسترتش اسود
طلقت شعري وخشيت تحت لفوطه
حسيت رووحي مممممممصصصقعه بكل خذيت عبايه وحطيتها فوق الفوطه ووشاحي حطيتا ع كتوفي م صقع
قعدت نرعش م صقع لييين رقدت
...بعد شويه خش عليا أحمد
لقاني راقده وخاشه ف بعضي
حط سفره العشاء
وعدا جاب بطانيه وغطاني
لقاني نررعش
حول لبطانيه ورقد تلايا حطني ف حضنه
انابرمت عليه وندوي ونا راقده
انا.صقعععانه
احمد...تو تدفي
اضبطني زييييين ويدفي فيا
ويفكر في لي صار بيني وبين مؤيد وفي الغلط لي داره ف عمليه لي احتمال يقتلني
........
ثاني يوم نضت ع صوت فوني ل اذان الفجر
طفيته
وخشيت ف احمد بزياده وكان نلقا معش نتحرك من حضنه
قعد مضبط فيا زين وخايف انه يفقدني..
