الحلقه 15
مسلسل ارل طفله
ومر يووم اخر عادي
..
مرن ايام وعدن أيام ونا نفس الرووتين ملل في مللل
.............
جاء اول يوم العيد
الصبح نضت الساعه 7
لقيت احمد يلبس ف داري
درت روحي راقده
لما كمل نضت
انا...صباح الخير
احمد...صباح النور كل عام وانتي بخير
انا..وانت بخير
احمد. ..هي نعدي لصلاه العيد وونجي نلقاك واتيه بيش نعدو لهلي
انا...حاضر
وصبيت من سريري
جيت بنطلع هوا رد عليا
احمد. ..اووو اسف والله نسيت
انا..شنوو
احمد. ..ماطلعتكش نشريلك دبش العيد
انا بابتسامه...لا عادي متعوده
احمد...كيف
انا...قصدي عمري ماشريت دبش عيد
احمد...كيف ليش
انا بابتسامه...عارف انت
احمد حسيته وجهه تغير
انا مسكت يدا وحبيت عليها
انا ..كل عام وانت بخير واسفه كان زعلتك
احمد استغرب مني
أحمد باسني ع راسي
احمد...وانتي بالف خير
وطلع
.....
خشيت درت حمام واستشورت شعري
طلعت قفطان طويل نمري ومكان الصدر فيه دانيل وجاكه قهويه عليه ووشاح بطاطي ودرت ميك اب
احمد خش
احمد...هيا
انا..هي
وجيت بنطلع
احمد...لا البسي عبايتك ضنا عمي كلهم مملتمين
انا..حاضر
وخشيت لبست عبايتي
وطلعنا بس علي كرعينا
وعدينا لحوش عربي
....
خشينا سلمت عليهم كلهم وعيدت عليهم
وقعمزنا نهدرزو
جن تلايا بنات عمه وعمته اول مره ندوي معاهن
روبا...كيف حالك
انا..تمام الحمد الله
نهي....توا انتي مواليد كم
انا...95
يقين ...اصغر من ايه
انا رقتلي
نهي غمزت ليقين
انا...وأنتن م كم
نهي...انا95
يقين..ونا 96
بلقيس...ونا94
وروبا ساكته
انا..وروبا
روبا.95
انا...بطولت عمركن
روبا...انتي وأحمد مش علاقه صاح
انا...تعتبر بداية علاقه
يقين ..كيف
انا...هكي شافني ف المستشفي بس كيف بدينا نكلمو حبيته وحبني وجاب هله طول
( طبعا انا ندوي واحمد مصبي جنب الباب يسمع فينا
يقين...الله تحبيه صح
انا...اكيدإ نموت فيه
روبا...كيف علاقه ةاقليش عليها
انا....كبيف لازم يقولك يعني
نهي ..احمد وروبا ديما مع بعضهم وتوقعنا احمد ياخذ روبا بعد ايه يعني استغربنا فيكي
انا...ليش انتي واحمد في شي بيناتكم
روبا...اها ياحلوه فيه ومتأكده مزال لتوا يحبني بس بابا مايعطيش بناته الا بشهاده ونا هذي اخرلي سنه متأكده يشبع منك ويعزقك
انا وجهي مايتفسررش
يقين...روبا خلاص
نهي...ليش ع كلام الحق
بلقيس ...سادكن قفطاف فاضي
خش احمد
أحمد...لوما تعالي شويه
انا...هي
يقين..اووو لوما
بلقيس...هههه اتحشم منا
احمد....هههه تي الحب هذي
.....
وطلعت انا وياها
في الممر و
ونا نرعش مع بعضي ووجهي اصفففررررر تقول ليمه
احمد...بسم الله كنك
انا...لا مشي
احمد مسك يدي ونا نرعش بكل
أحمد. ...بسم الله اهدي بس كنك ترعشي
انا....اا لا
ودمعتي ف عيني
احمد مسك وجهي
احمد...كنه وجهك اصفر
انا...لا بلكي شويه برد
ودمعتي نزلت مسحها ليا
احمد...كنك
انا...لالا مافي شي نعدي نعدي نساعدهم ف الغداء
وطلعت للمطبخ لي برا واحمد ورايا
خشيت
عميمه...بسم الله كنه وجهك اصفر
انا...لا عادي
روبا تبحت فيا وخلاص
مرات عمه...بلكي حامل
انا تقول ميه مصقعه نزلت عليا
انا...هههه لا مزال
مرات عمه...شدي حيلك بنشدو وليد احمد
انا...قريب دخت الدنيا كلها خشت في بعضها
وأحمد برا يسمع ف الكلام كله
خشيت وقعدت نساعد فيهم ع الغداء
وروبا تعزق ف الكلام
...........
كملنا وحطينا الغداء
ومرر الوقت
....
وجت العشيه
وكنا مقعمزين نشربو ف قهوه ف جنان
جو عيت عمي
صبينا سلمنا عليهم وعيدت ع عمي واحمد يستنا ف مصعب شن يدير
بس سلم عليا عادي
....
وقعمزنا نهدرزو كلنا
وصبيت انا ويقين نديرو في قهوه لعيت عمي
يقين.احلام ماتعدليش عليها روبا
انا...باإهي صاح كان في شي بيانتهم
بقين...كان قبل حتي ايه
انا سكتت
انا.. احمد يحب ايه واجد
يقين سكتت
انا..جاوبيني
يقين ...الصراحه العيله كلها تعرف بيها وكان عاطي فيها كلمه
انا...ومن شن توفت
يقين...حادث سياره
انا.اها باهي نشبهلها واجد
يقين...مش واجد الصراحه انتي احلي غير هكي عيونك وجسمك طشه يعني الهيئه متاعك بس نقشك احلي منها
انا سكتت
يقين. ..هي نشيلو القهوه
وطلعنا مدينالهم القهوه
وقعمزنا
........
عالمغرب احمد قالي هيا نعدو نعيدو علي هلك
......
طلعنا
في السياره
احمد...كنك اليوم كله مش طبيعيه
انا..لا بلكي مريضه شويه
احمد سكت
ووصلنا لحوش هل بابا
انا...احمد شن جابنا هنا
احمد...عيب يااحلام علي اقل عشان خاطر وسيم
انا سكتت
احمد...هي تعوذي م الشيطان وانزلي
اناا.بس يااحمد
احمد...باهي عشان خاطري انزلي
ونزلنا م السياره
ودقينا الباب
فتحلي وسيم
خشينا اضبطتا زيييين
انا..رايفت عليك بكل
وسيم...واللهي الحوش مظلم من دونك
وخشيت لقيت بابا وهله وباقي عمامي وعماتي ملتمين كلهم
وقعدو وسيم واحمد ف المربوعه
ونا ف وسط الحوش مع العيله
قعدن يهدرزن ودين ام القصقصه
انا..حني
حني..شنو
انا...يسلم عليك عمو علي
كلهممممم انصدمو
بابا..شن قلتي
انا...يسلم عليكم ويعيد عليكم كلكم
عميمه...وانتي وين شفتيه
انا..طلع راجل خالت احمد عميمه امال تقعد خالت احمد
كلهم سكتو
انا همست لنسرين ف وذنها
انا...تعالي معايا شويا
وخشينا للمطبخ
نسرين...كنك
انا. ..سألني عليك مصعب
نسرين عيونها دمعن
نسرين...وكيف حاله
انا..قاعد علي حاله انتي كنك قاعده هنا مش اجوزتي
نسرين. ..لالا عمه توفي اجلنا العرس لبعد سنه
انا..ان شاء لله خير
وطلعنا
خش وسيم
وسيم....احلام قالك احمد هيا
انا...هي
انا..مع السلامه توا
حني..استني احلام
وطلعت معايا
حني وهيا تبكي
حني..كيف حاله علي
انا...مرايف عليكم بكل يوم لي شافني قعد يبكي
حني وهيا
تبكي
حني ..سلميلي عليه
انا..حاضر
وطلعت عيدت علي احمد
وطلعناااا لحوش هلي
............
وصلنا لقيتهم كيف للشي ملتمين كلهم غادي عيدت عليهم
وقعدنا شويه
......
وروحنا للحوش اااه وأخيرا
...
.خشيت لبست توته
وطلعتت ل ممطبخ درت عشاء خفيف
وقعمزنا نتعشو
وكملنا
واحمد قعد يتفرج ونا كملت الماعين ودرت شاهي
وقعمزنا ف صاله
قعدت ماسكه صبعي ونلعب بالدبله متاعي
واحمد يبحت فيا
احمد..مضايقتك
أنا. .شنو
احمد...الدبله
انا ...هئ لالا
احمد سكت
احمد..كنك مبدري ترعشي وتبكي
انا...لالا عيوني دمعن بروحهن شكلي بنمرض بس
احمد ...صدقتك
انا بحتت فيه وماعدلتش
انا..احمد
احمد بحت فيا
احمد...شن
انا...قعدت ساكته
احمد...احكي كنك
انا..لاشي تصبح علي خير
وخشيت للدار
ورقدت ونا نبكي وخلاص
لييين رقدت...
......................
ثاني يوم نضت ع صوت احمد ينوض فيا
احمد..صباح الخير
انا. .صباح النور
احمد...هلي كلمو قالو قاعدين في المصيف من الصبح يستنو فينا
انا..تمام
وصبيت خشيت توضيت وصليت ولبست قونه وبدي وجاكه ووشاح ودرت ميك اب
طلعت ل احمد
انا..احمد بايتين غادي
احمد..احتمال مش اكيده انتي شيلي معاك احتياط
انا..حاضر
وحطيت دبشي وحطيتلا حتي هوا دبش
....و
وطلعنا
وقفنا ع محل
خذا شوكلاطات ومكسرات وقزوزه
وعدينا للمصيف
........
اول ماخشينا للمصيف قعدت نبحت ف البحر ومبتسمه
احمد...كنك
انا..تصدق اول مره نجي لبحر
احمد...من جدك
انا..والله
احمد...قصدك ولا مره بكل حتي وانتي صغيره
نا...هئ لالا
احمد ..
ووصلنا تلا الشاليه
كان كبيييييير بكل
وخشينا لقيت بنات عمهم وروبا قدام خلقتي واميره وكلهم قاعدين
سلمنا عليهم
....
احمد...شن خطرها عليكم البحر
اطارق...لكبيده خاطرها فيها
اميره غمزت ل اماني
اميره...لنقنك م الاخير ي كبيده خاطرنا فيه البحر
يقين ...م اسمعو ياقوم قصدي يا طارق واحمد ومهند
نحنا بناخذو راحتنا يعني محد يقول لا تمشن هكي وعومن هكي
نهي...اها طروحكم فكونا منهن
مهند...شن رايكن توا نحلفو مافي وحده تعوم
بلقيس ...انا مادويت شي مؤدبه الحوت عليا
نحنا...هههههه
عمت أحمد. ..كيف حال امك يااحلام
انا. .الحمد الله تمام
طارق..تي باهي لي سمعنا صوتك ياعوينك بيها هاديه مش
اماني...مش من
طارق...تي مشي
احمد...بيش تعرف خوك
طارق...حلومه اطلقي فيها شويه
احمد ضربا ع راسه
احمد..حلومت عينك
روبا...تي هيااا بنعومو
مهند ...ارتزعن هنا علي ماعدينا درنا الخيمه
وعدو احمد ومهند وطارق
انا...عميمه وين عمي
عميمه...بعيد عنك مايحب البحر بكل
عمته...قعد هوا وباقي الشياب غادي ف الحوش
انا.اها
اميره...هي نعدو كملو داروها الخيمه
عميمه...واللهي حتي نا بنطلق كرعيا بس اثنين منكن يقعدن يديرن قهوه
انا..تو نديرها انا
روبا...تو نقعد معاها حتي انا
انا قلبي جمد
وخشيت للمطبخ وقعدت ندير ف قهوه
وهما عدو وروبا تلبس جوا
طلعت
روبا..ماتبيش تعومي
إنا. .لالل نعرفش
روبا...هابا
.....
عندهم ع الشط
احمد..وين احلام
يقين ...هيا وروبا يديرن في قهوه وغمزتلا تبيه يعدي
احمد..باهي نعدي نلبس شورتي ونجي
.....
عندي انا وروبا
روبا..احلام قتلك
انا..نعم
روبا...يعني انتي واحمد كم لكم علاقه
انا...احمد نعرفا ليا فتررره بس صداقه مش علاقه بعدها اطورت علاقه وحبيته وبعدها خطبني
روبا..غريبه مش داويلي يخيه غلايا مايبنيش نزعل عموما نصيحه مني خوذي منع حمل تطلقي فاضيه خير ما مليانه
انا نصب ف القهوه ونرعش
خش احمد
احمد..احلام
انا..نعم
احمد..جبتيلي شورتي
انا...اهاقاعد ف شنطتي ف الدار
وخش لبس وطلع
احمد..هيا
وخذا القهوه في يدا
احمد..روبا سكري الباب
روبا..حاضر مادي
مسك في يدي وحس اني نرعش
احمد...كنك
انا.. لال شي
وعدينا للشط
وحطينلهم قهوه
وقعدو يشربو
والبنات خشن يعومن
وخشو مهند ولد عمه ومراته يعومو واميره وراجلها وطارق ومراته
وخش احمد يعوم والبنات تلا بعضهن
عدت روبا تلا احمد
منظرهم كلهم حلو كأنه بحر العشاق يهبلوو بكل انا نبحت وماسكه في يدي بنت اميره
صاح غرت لما شفت احمد مع روبا يعوم بس حسيت لو نا مش في حياتهم راه هكي حالهم...
عميمه...كنك ماتخشي تعومي
انا...مانعرفش
عميمه...افتكيتي منه انا هالبلوات وخايفه عليهن
انا ابتسمت
......
عند احمد طلع
احمد...هي تعالي خشي
انا..نعرفش
احمد..غير صبي هيا
عميمه ...تي خلي الوليه في مكانها
طارق طلع
طارق ..كنها الكنه جديده تدلع تي صبي خشي
انا ..واللهي مانعرف
طارق خذا مني بنت اميره وحطها عند عميمه
عميمه...حي عليا البنت عبيتها اميه
احمد يكر فيا من يدي
وطارق من ظهري
انا...يا احمد ما نعرفش
وقعد طارق يرش عليا اميه
انا...تي مصقعه
طارق..تو تسخن
احمد خذاني وخشينا جوا
انا قعدت ماسكه في رقبته
انا...مصصقعه طلعني والله تو نغرق
احمد...تي شن تغرقي قاعد معاك
انا قعدت ماسكه فيه زييين
احمد بحت فيا
احمد...كنك مبدري ترعشي
انا...نندريش بلكي شويه برد
احمد. ..ماتكذبيش عليا
انا...ماكذبتش
احمد.مبدري نسمع فيك انتي وروبا
انا سكتت
احمد...حتي امس سمعتكن
انا طبست رأسي ع صدرا
اول مره نقرب منه لدرجه هذي لاصقه فيه بكل
احمد بحتي فيا
انا بحتت فيه
احمد..ليش ماقلتيلي
انا...مانبيش ندير مشكله بيناتكم
احمد..هضا عليش امس وجهك لونه مخطوف
انا سكتت
احمد...وانتي صدقتيهن
انا..كلهن قالن نفس الكلام حتي لما تدويلي يعني واثقه ان سنه وبتسيبني انت
احمد..وبه وسنه وسيبتك
انا طبست رااسي ودمعتي نزلت
انا بحتت فيه ودموعي ينزلن
انا..باهي كان تحبها ليش خذيتني اوكي ايه متوفيه بس باين انك انت ور وروبا تحبو بعضكم شن ذنبك انت تاخذ فيا
احمد مسحلي دموعي
احمد. .باهي خلاص معش تبكي
انا طبست راسي
انا...اسفه خربتلك حياتك
احمد سكت
انا بحتت فيه
انا..نسألك
احمد. .شنو
انا..تحبها روبا
احمد سكت
احمد.باهي انتي تحبي مؤيد
انا نصددددددددمت
انا..نعم
احمد..جاوبي
انا..انت شن عرفك بمؤيد
احمد...مؤيد قالي انه يبيك وكانت واضحه لما كنتي ف غيبوبه كيف خايف عليك
انا سكتت وقعد قلبي يدق بسرعه
احمد...لهدرجه سمعتي اسمه قلبك بيطلع من مكانه
انا...مش هكي يااحمد انت فاهم غلط
احمد..كيف
انا...مؤيد متجوز كان يبيني بس هوا اصلا فاتحتا مقريه
احمد...تحبيه
انا..كان من قبل ونا صغيره واعجاب بيه بس
هوا لي يجري ورايا انا عمري ماحبيت حد او درت علاقه او شي بعدين هوا متجوز
( ماقدرتش نقول اني نحبه )
انا..احمد جاوبني بس .
احمد..شن
أنا. .تحب روبا صح
احمد...شن تفرق معاك انتي
انا طبست راسي
انا...صح مشي انا
فكيت يديا من رقبته
طحت في الميه
رفعني فيسع
قعدت ماسكه في رقبته زيين ونكح ودموعي ينزلن
انا...احمد طلعني
وطلعت انا وياها
وصلنا للشط
احمد...خليك هنا نجيبلك منشف
انا مسكت يده
أنا. ..لاخليك ونبي
احمد..تي ماتخفيش
وطلع جابلي منشف وغطاني
وعدينا للشاليه
خشيت درت حمام
وطلعت لبست
...
وطلعت للجنان
انا...احمد تعال دير حمام
أحمد ...هي
وخش دار حمام
ومديتلا دبشه
وطلع
....
وجو باقي العيله ولي هضا دار حمام
وبدوو في الشوايات
وشوو وكملنا غسل الماعين ولي هذي عدت اتمشي مع راجلها
وقعدنا مقعمزين نحنا
بعدها جت اميره وخدت بنتها وروحت
ومهند ومراته روحو
....
وصبيت انا عديت انتمشي بروحي
جني البنات
يقين .كنك اتمشي بروحك
انا...لا شي
بلقيس..وين احمد
انا...تهيالي عدا يجيب في دخان
نهي...اها
انا...انتي مخطوبه
نهي..اها
انا..وامتاه عرسك
نهي...بعد عيد الاضحي
انا...اها
يقين...وانتي مش حامل
روبا...ووه بعيد السو يابتي
انا...هئ لالا احمد يبي بس قلت نكمل ع اقل السنه هذي قرايتي
يقين .انتي قانون صح
انا...اها وقفت قيدي التهيت بفرحي وهكي
بلقيس...كنكم ماطلعتو شهر عسل
انا...لي ان بعد فرحي مرضت واحمد عندا شغلا وعياده وقصه
يقين...اهاا
نهي...روبا تعالي معايا غادي شويه
روبا...نستنا ف احمد بنتمشي معاه
انا حنقتني العبره
نهي...تي احمد مش هارب تعالي بس
روبا...باهي لما احمد يجي قوللي
وعدت
بلقيس ...ماتعدليش عليها
يقين..والله فوتيها كان مايحبك راإ ماخذاك
اناا ابتسمت
بلقيس . .يقين تعالي شويه بنكلم غطي عليا وراس أمك
يقين...الله غالب بنت عمي صايعه عن اذنك
انا...خوذن راحتكن
وعدن
هنا عدن انا قعدت نبكي بكل بعبرتيي نبكي
عديت تلا البحر وقعدت نغسل في وجهي ونبكي
رن فوني
انا..ايوه
احمد..وينك
انا...ع الشط
احمد..به
سكرت منه مافكرش انه يقول قاعده بروحها ولا يهزبني ولا شي
وقعمزت ع الشط
نحق في طارق واماني مقعمزين بعيد ويهبلللو بكل يموتو في بعضهم علاقتهم تهبل كلها ضحك وبصاره وطارق مايتحشمش قدلم هله ويقول ل اماني حبيبي وروحي وكبييدتي واماني تموت فيه
صبيت بنعدي
لقيت احمد جايني
وصلت فيه
احمد..كنك بروحك
انا..اهوو
وعدينا للشاليه
وخشينا لقيتهم كلهم راقدين
واحمد قعد برا
.
خشيت للدار ولبست توته
وخشيت لسريري ورقدت
خش احمد ورايا
وغير دبشه
وخش معايا للسرير ورقد
.....
انا مدايره روحي راقده بس واعيه ونفكر في دوتي مع احمد في البحر
صح كنت نبكي وشبه اعترفلي بحبه لغيري بس لما كنت بين يديه كنت نتمني نقعد بين يديه ومعش يطلقني
وقعدت نفكر ف كلام العيله يبو ولد احمد وانا عقيمه
وكيف احمد وروبا يبو بعضهم ونا فرقتهم
بعدها فكرت كله علي بعضه حله الطلاق
قعدت نبكي بدون صوت وماسكه دبلتي ونبكي
احمد...احلام
انا مسحت دموعي
انا..نعم
أحمد برمني عليه
احمد..كنك تبكي
أنا. .لالا عيوني بس يدمعن اكيد حساسيه
احمد...مش عليا الحركات هذينا
انا طبست راسي
احمد..كنك
أنا. .لالا مافي شي
احمد سكت
انا..احمد
احمد..نعم
انا...عارفتك تحب روبا وهكي بس صاح لكلام لي قالتا ليا
احمد..شن
انا...ان بعد سنه بتاخذها وبتطلقني
احمد...وانتي شن تفرق معاك
انا دموعي ينزلن
أنا. ..تي ياااحمد
وبرمت وجهي
وحطيت مخده ع وجهي ونبكي
احمد..احلام
انا..خليني ف حالي
وقعدت نبكي لين اغمي عليا ورقدت
ثاني يوم
نضت الصبح لقيتني راقده في حضن أحمد
بحتت فيه كان يههببل كيف راقد ولحيته تهبل منظره كيف الملاك وهوا راقد
رديت رقدت
كنت نبي نقعد طول الوقت هنا
.....
نضت لقيت احمد يلبس
احمد...صباح الخير
انا..صباح النور
احمد....البسي ولمي دبشنا بنروحو توا جاني اتصال م المستشفي
انا..تمام
وهوا طلع ونا لبست ولميت دبشنا كله
وطلعنا
......
ودعناهم وروحنا
......
وصلنا للحوش
احمد...أنزلي
انا...ليش انت مش نازل
احمد...لا ماشي للعياده دغري
انا..تمام
احمد...تغدي وتعشي ماتستنينيش
انا...حاضر
ونزلت
......
خشيت وسكرت الباب
ولبست روب للحوسه وضميت الحوش وغسلت الدبش وولعت بخور
........
وخشيت درت حمام ولبست توته
وطلعت نتفرج ع tv
وقعدت اليوم كله ونا مقعمزه في هالشقه
ونفكر في حياتي بدون احمد حسيت روحي بديت نتعلق فيه و
ورن فوني
.....
انا.. ايووه
المتصل. .
انا.. الو من معايا
المتصل. .أنا
انا جمددددددت
