الحلقه 10
روايه #لازلت_طفله
رحاب.هي سلام
عزو..تي اين سلام بنخش معاك
رحاب...والله حيلزوك ممنوع بكرا تعال
عزو..اكيده
رحاب..ههه اها
عزو..قصدي اكيده بديري العمليه اتحملي الاضرار
رحاب..اكيد ههه انا اضراري مشي قدام احلام
عزو..كيف
رحاب..انا احتمال احتمال مش اكيده العقم بس احلام احتمممااال كبير العقم وفوقها احتمال 80% تلوث الدم
عزو..كيف كيف هضا يقتل
رحاب..ههه هضا ليش مش معدلا ونقول اللحمد الله
عزو..ربي يستر وتنجن انتن لاثنين
رحاب..ان شاء الله هي سلام
عزو..سلام
...
ونزلت وخشت للمستشفي
وقعمزت تالا الغرفه متاعي
وفتحت فونها
لقت عرم مكالمات من عصام معدلتش
جاء سالم
سالم..اهلا
رحاب..اهلين
سالم..امتاه جيتي
رحاب..مبدري شوي
سالم..اها
سالم..هي تنزلي نتمشو شويه
رحاب..به
ونزلو هم الاثنين
وقعدو يتمشو لوطه
سالم..رحاب
رحاب..همم
سالم..مش خايفه
رحاب..من شن
سالم..م العمليه
رحاب..هئ
سالم...راه قريت عليها وفي لي يموتو منها
رحاب..لا عادي
سالم..والاضرار
رحاب..لما تقارن اضراري ب اضرار احلام انا مانجي شي تالاها
سالم..واللهي ياعوينها احلام بيك
رحاب..حتي هنا 13 سنه مش هوينات
سالم ابتسم
وفون رحاب رن عصام
سكرت عليه
سالم..كنك مارديتي
رحاب..لا مش مهم
سالم..اها
رحاب..قتلك
سالم..شن
رحاب..كان صارتلي حاجه
سالم..اسكتي مش حيصير شي
رحاب..هه شن عرفك الاعمار بيد رببي وكان صارتلي حاجه سامحني
سالم..ليش نسامحك شن مدايره
رحاب..سامحني وخلاص اسفه ع كل شي درتتا فيك وف روحي
سالم..كنك
رحاب دمعتها نزلت ومسحتها
رحاب..مشي
سالم قعمزي بس
وقعمزو ع المقعد
سالم..نسألك
رحاب..شن
سالم..كنك عزقتي لدبله
رحاب..فسخت
سالم..كيف وليش
رحاب..اهوو اصلا مش متريحه معاه
سالم..بسبب العمليه
رحاب..هه عادي والله
سالم سكت
فونها رن اخري دارتا سايلنت
سالم سكت
وهيا ساكته وتهز بكراعها وتاكل ف اظافرها
سالم حول يدها
سالم..تي شن مقايلك عليها العاده الزفته
رحاب..ههههه
سالم..هبله هذ
ورن فونها اخري
رحاب..يييه
وردت صبت
رحاب..نععم
عصام..توا
رحاب..نعم قلت
عصام..قالولي جبتي دبشك اليوم
رحاب.اها
عصام...وبه يعني معش تبي
رحاب..انت من جدك بعد الكلام لي قلتا ليا تي راني متحملا معاك واجد ساد كلام امك لي زي سم ينزل علي قلبي ونسكت
عصام..امي اخر مره تدووي عليها يا... و... وز..
رحاب سكرت عليه
وقعدت مصبيه وتبكي
ججاها سالم
سالم.كنك
رحاب..ماكني شي
مسحت دموعها
سالم..كنك مكملتيها بكاء
وقطعت دوتهم جتها رساله فتحتها
من عصام فيها كلاام اسود انود وانه حينشر صورها
رحاب انصدمت وقعدت ماسكه الفون وترعش
سالم..بسم الله كنك
وخذا منها الفون
شاف الرساله
قعمزت ع الكرسي وقعدت تبكي
خذا منها
سالم..هالفاسد ل .... و.... وكلام عرم
قعدت رحاب حاطه يديها ع وجهها وتبكي
جاء قعمز تالاها وحولها يديها من وجهها
سالم..خلاص معش تبكي والللهي مايقدر يدير حاجه انا نصرف معاه
رحاب..,واللهي تعبت معاه وحق ربي تعباانه ليا كم وف حاله مايعلم بيها الاربي
سالم..باهي احكيلي بلكي اتريحي
رحاب...تي كل عركه كل كلمه يهدد فيا بالصور تي انا شن درت ف حياتي
سالم..وانتي عليش ادزي ف الصور
رحاب..تحسابني هبله انا مره وحده دزيت صورتي الاحلام ونسيت مامحيتهش هوا عندا الباس وورد عدا خذاها عندا وديما يهدد فيا بيها
وحطت يديها ع وجهها
رحاب..واللهي من زمان بنفسخ بس مانقدرش واللهي ماقدرت اليوم فسخت لي ان عندي امل اني نموت بكرا
سالم..تي اسسسس اسكتي معش تدوي هكي بعيد السو
رحاب..مش بعيد السو انا بنموت شن نبي ف الحياه عليش عايشه
وقعدت تمسح ف دموععها وصبت
سالم..وين
رحاب..لغرفتي تصبح ع خير
وعدت
رحاب .سالم
سالم..نعم
رحاب.سامحني
وعدت ركبت فوق
....
خشت للغرفه متاعها وقعدت مقعمزا ع السرير وخايفه
خش عليها الدكتور احمد
احمد..السلام
رحاب..عليكم السلام
احمد..ها جاهزه للعمليه
رحاب..ان شاء الله
احمد..ربي يحفظكن انتي واحلام لعند توا ماشفت صحباتك كيفكن وحده اضحي بحياتها عشان الاخري
رحاب..نحنا خوات مش صحبات بس
احمد..ان شاء الله تنجن انتن الاثنين
رحاب,,ان شاء الله بس امتاه العمليه
احمد..بكرا الساعه 10 الصبح توا الساعه 11 بعد الساعه 12 لاتاكلي لاتشربي
رحاب..تمام
.............وطلع الدكتور
وهيا لبست توته وقعدت راقده ع السرير ومتغطيه وتفكر وخلاص
.....
باب الغرفه دق
هيا قعمزت ولبس وشاحها
رحاب..تفضل
خش سالم
سالم..نخش
رححاب..تفضل
وجاء قعمز ع الكرسي
وهيا سقمت وشاحها
سالم..ها توا احسن
رحاب..اها
سالم..باهي تمام
رحاب سكتت
سالم..رحاب ممكن سؤال بس ماترديني
رحاب..لا تفضل
سالم..عليش انا بالذات تقولي سامحني
رحاب طبست راسها وسكتت
سالم..ماتردينيش قلت
رحاب..لا بس
سالم..بس شنو
رحاب..لي اني ظلمتك وظلمت روحي بخطبتي
سالم ..كيف ظلمتي روحك
رحاب..هئ مشي عادي مش مهم
سالم...تي قلت ماتردينيش
رحاب..وراس سالم خلاص توا احكيلي
سالم..شن
رحاب..مافيش وحده ف حياتك
سالم..هههه لالا
رحاب..تي غير احكيلي مرات نكونو هذي اخر مره ندوو فيها مع بعضنا
سالم...تي مش قتلك معش تدوي هكي
رحاب..الاعمار بيد الله انظار نطلع منها ولالا ههه وبيني وبينك نتمني احلام تعيش ونا ياخذني ربي
سالم..تي انتي كنك عارفتيني مانحبش لفال الشين
رحاب..عادي
سالم..باههي انا جاوبتك وقتلك لا نسألك تجاوبيني
رحاب..همم
سالم..كنك
رحااب..شن
سالم..كنك مهمومه
رحاب..ههه لا عادي مش مهمومه
سالم..عشان خاطري احكي
رحاب طبست راسها ودمعتها نزلت وبرجفة صوتها
رحااب..هئ لا
وحطت يدهها ع جبهتها
سالم..رحاب تبكي
رحاب.هئ لالا
سالم حول يدها من وجهها
سالم...عشان خاطري احكيلي
رحاب ..شن بنحكي
سالم.كنك شن فيك
رحاب تنهددت
سالم...احكي
رحاب.ليا انا وعصام شهرين مخطوبين صح
سالم..وبه
رحاب..تصدق شهرين زي السم مشن عليا
سالم..وانتي اصلا ليش وافقتي
رحاب..اهو نصيب
(مابتش تقولا علاقه)
سالم سكت
سالم..وباهي
رحاب..ههه اصلا عادي هوا هكي ولعقم لقاه سبله فعادي
وجتها رساله ع فونها
فتحتها من عصام مكتوب فيها (يا ....تحسابيني مقهور منك ولاشي هههه تي اصلا ححتعيشي حياتك ندم اصلا من بيقبل بوحده ماتجيبش في عيال عقيمه عنسي عندك يا... وبكرا استقبلي صورك ع الفيس)
....
رحاب طفت الفون وعيونها دموع ينزلن تقول شلال
سالم ..كنك
رحاب دموعها ينزلن
وقعدت تفك ف الفون وطلع الشفره وتكسر فيها ماقدرتش حطت يديها ع وجهها وقعدت تبكي
سالم صبا وقعمز ع السرير
قعد يفكلها ف يديها من وجهها وهيا تبكي بعبرتها
سالم..اهدي بس
ورحاب تبكي وخلاص
سالم اضبطهااا زييييييين
سالم...خلاص ياروحي اهدي
رحاب ماسكه فيه زييييين ماسكه في فانيلتا وتبكي
سالم...بس فهميني شن صايرلك ماكنتش هكي
رحاب ماسكه فيه وترعش
رحاب..ان شاء الله نموت ياربي نمووت ياربي خوذني عندك
سالم حول من عليها
سالم..قسما بالله تدوو هكي اخري ماعاد ندوي معاك
رحاب قعدت تمسح ف دموعها
سالم...فهميني كنك وشن صار
رحاب..دزلي رساله
سالم..عصام
رحاب..اها
سالم...وباهي
رحاب..قالي من بيقبل بوحده عقيمه وصورتك بكرا تلقيها ع الفيس
سالم..خلاص انتي اهدي واللهي مايقدر يدير حاجه
رحاب...ياربي انا واللهي كان دار حاجه كان بكرا مامتش انا نقتل روحي
سالم..تي خلاص معش تدوي هكي
رحاب سكتت
وفطنت ان وشاحها محول من عليها
ومطلوق شعرها
سالم اضبطهاا زيييييين
سالم...ااااااااااااااااه هضا وين تريحت
رحاب قعدت ف حضنه ومستغربه
سالم بحت فيها وه مضبطها
بحت فيها ومسحلها دموعها
سالم..عويناتي معش نبيهن يبكن
رحاب ساكته
سالم ..واللهي نحبك ومانقدر علي فراقك
رحاب حولت من عليه
رحاب..لالالا
سالم..كنك
رحاب..لالا تعلقش فيا
سالم..كنك
رحاب..عارفه انا تو نموت بكرا والله تو نموت وانت تقعد هكي لالا تعلقش فيا
سالم..تي انتي كنك من قالك بتموتي
رحاب..حتي وكان عشت حنكون عقيمه ومنبيش نظلمك لالا
سالم مسك يديها
سالم..رحاب اهدي شويه
رحاب...همم
سالم..توا الموت حوليه بكل من بالك العقم قالك احتمال مش اكيد تي انتي كنك تسبقي ف الاحداث
رحاب..ماه انا عارفه
سالم.ياستي وكان عقيمه يافرخه انا نحبك
رحاب سكتت ودموعها نزلن
سالم..كنك
رحاب..اسفه والله اسفه اني ضيعتك من بين يديا واللهي من ال ماسيبتك ونا كأني مش عايشه
سالم اضبطها
سالم.به اسس توا خلاص مش ذنبي لا ذنبك
(سبب ان رحاب سيبت سالم ان ولد خالتها شافهم مره مع بعضهم كنا ماشيين للمول ومعايا رحاب شافهم بروحهم وعرف بعلاقتهم وحلف لو ماتسيبه يقول لخوها وباتها وباتها معرووف ناار وااعر ولما سالم قال لا ونا نصرف رحاب رفضت وخافت من هلها وسيبت سالم)
رحاب..انحبك يا سالم ومازلت نحبك وكل يوم كل دقيقه وانت ف بالي واللهي ماعمري نسيتك
سالم...خلاص باهي اهدي معش تبكي
سالم...حد يديه ع وجهها ومسحلها دموعها
سالم..تي ياهمي واللهي نحبك
رحاب..هههه وانا نموت فيك
سالم.. تي هههه نعليا ايووه اضحكي هك نبيك
رحاب ..
................
عند مؤيد
قعد مقعمز قدام المستشفي يدخن وخلاص
رنت عليه #ميسم خطيبته
ميسم..اهلا
مؤيد..نعم
مؤيد..قاعد ف المستشفي
ميسم..كنك شن فيي
مؤيد..اخت صاحبي ف المستشفي
ميسم...هيا اخت صاحبك شن تبي انت غادي وف الوقت هضا
مؤيد..تي شن خصك انتي
ميسم...تي شن شن خصني ونا شن نقعد مش مراتك
مؤيد..تي حلي ازح
وسكر عليها
...............
مر الووقت
وقعد سالم معاه رحاب ليين رقدت
............
ثاني يوم الصبح
خش سالم ع رحاب
لقاها مقعمزه وتقرا ف قراءن
سالم..تقبل الله
رحاب..منا ومنك وحطت المصحف
سالم..ها جاهزه للعمليه
رحاب..ان شاء الله
خش عليهم الدكتور
الدكتور..هيا تنزلي للعمليات
رحاب..هي اني نازله
وطلع الدكتور
رحاب صبت
رحاب..وين هلي
سالم..جو بس ممنوع توا وقت الزياره من الساعه 3 يبدا
رحاب..اهمم
سالم..هي ننزلو
رحاب..هي
وقبل ماتفتح الباب
رحاب.سالم
سالم..عيونه
رحاب صبتت ع اطراف صوابعها (سالم طويل )واضبطتا زييييييييييييييييين
وهمستلا ف وذنه
رحاب..سامحني ونحبك
سالم رفعها
رحاب..ياهبل
سالم..معش تدوي هكي وننمووت فيكي وباسها ع خدها
ونزلها
سالم مسكها من يدها
سالم..هيه
رحاب..هي
....... ونزلو
وخشو للعملياات...
وسالم قدام غرفة العمليات
......
وجو هلي وهل رحاب وهما مازلو ف العمليات
.......
نوران كانت تصلي ف المصلي تحت
طلعت لقت مؤيد
مؤيد...تقبل الله
نوران...منا ومنك
مؤيد. .مازلو ماطلعو
نوران..لا
مؤيد. .تنهد
نوران. .مؤيد نبيش نزيدها لا عليك ولا عليا بس شن خصك
مؤيد..كيف شن خصني
نوران...احلام اختي ونعرف عنها كل شي عمرها مادست عليا شي
مؤيد .باهي
نوران. .رراه أنت في نهاية متجوز وانت هكي تزيد تعذب فيها
مؤيد.به شن ذنبي انا
نوران..هوا لاذنبك لاذنب احلام الله غالب نصيب كنت تقدر تقول لا
مؤيد. .عارفإ امي انتي
نوران..نصيحه من اختك بس خلاص لعند هنا ويكفي مش لازم اتعبها واتعب روحك وراها خوذ مراتك واهتم بيها ع فكره حتي ميسم مش ذنبها
مؤيد.بس
نوران. ..راه اكبر حرام اتعذب ميسم وراك لا بات لا ام ع اقل خليها تحس عندها راجل اعفس ع قلبك كيف مااحلام حتعفس ع قلبها
مؤيد..لا اله الا الله
نوران..الله غالب هضا النصيب لا انت لها ولا هيا لكي اه حتي كان طلقت ميسم مستحيل احلام تبني سعادتها ع تعاست بنت غيرها
...
مؤيد. ..ان شاء االله خير
وعدت نوران تلا غرفة العمليات
.......
بعد شويإ طلع الدكتور
سالم..ها
الدكتور. ..الحمد الله نجحت العمليه
كلهم فرحو وقعدو يضبطو فبعضهم
........
سالم ووسيم خذو احمد ع جنب
سالم..واحلام
احمد..كنها
وسيم...متاع التلوث ف دم
احمد...لا الحمد الله
وسيم....الحمد الله ياربي
سالم...تعبناك معانا
أحمد. ..ههههه شغلي وبعدين احلام خيتي الصغيره
سالم...تسلم نعنك ماتغيب
........
نزلو كلهم للكافتيريا
....
ومر الوقت ساعات
وكلهم روحو
.........................
في ليل بككككل
طلعونا انا ورحاب م العنايه
..بس كل وحده ف دار
.......................
ثاني يوم ..
نضت وحطيت يدي ع جنبي
خش عليا .
....................................
