روايه #للازلت_طفله
الحلقه الثامنه
... سوري طولت عليكن واااااااجد عارفه كثرت بس واللهي ظروفي منعني اني نفتح
.................
انا..مؤيد كنك
مؤيد..لي اني ننحبك فهمممتي نحبكك
انا سكتت ونجلطت ودنيا تخلطت عليا
انا..نعم
مؤيد...نحححببببك نحبببببببببببببك
انا..اهدا بس انت انت انت
مؤيد..انا نحبك يا احلام
انا..كيف انت انت تقول هكي انت ليوم اجوزت
مؤيد..غلطت عمري
انا قعدت نبكي
مؤيد..واللهي تقتلي فيا لما تبكي عشان خاطري معش تبكي
ونا نبكي
انا..ليش يامؤيد ماقتلي من زمان ليش تخلي فيا عايشه في حياه سوداء
مؤيد..كيف
انا..يامؤيد انا
وسكتت
مؤيد..تحبيني واللهي عارف
انا..وليش ماقتلي باهي واللهي تعبتني اليوم واللهي موقفي لا يحسد عليه عارف اليوم تمنيت اني نموت وحق ربي تمنيت حد يجي يقتلني ولا نشوفك مع وحده غيري
مؤيد..ان شاء الله نا لي نموت
انا..لا بعيد السو فيا ولافيك
مؤيد..وليش ماقلتي انتي
انا..ماعرفتش وبعدها عرفت انك خاطب باهي ليش خطبت ليش تعذب فيا نا باهي وخطبت ليش قتلي توا توا لما قتلي قتلتني بزياده كان حب من طرف واحد اهون
مؤيد..لي مره كنتي تحكي عليه انا صاح
انا سكتت
انا.باهي ليش خطبت
مؤيد..لي واخذها بنت خالتي واللهي مغصوب عليها اقسم بالله مغصوب عليها
انا..كيف يغصبوك علي وحده ماتبيهش
مؤيد..خالتي وراجلها متوفيين وهيا عايشه مع عمها وامي خطبتها ليا وقالت مش راضيه عليك كان ماخذيتها
انا..سكتت
مؤيد.واللهي نحبك
انا دموعي نزلن
مؤيد..اسف
انا..المهم امك ترضي عليك
مؤيد سكت
انا...تصبح ع خير
مؤيد..استني بس
انا ..نعم
مؤيد..فهميني شن ندير انا مش قادر نعيش من دونك
انا..ولا انا نقدر نعيش من دونك
وقعدت نبكيي بصوت عالي
مؤيد..احلام خلاص واالهي تقتلي فيا هكي
انا مسحت دموعي
نا..هضا النصيب الله غالب لا انا لكي ولا انت ليا وياريت معش ترن وتعب فيا بزياده
وسكرت عليه
ورقدت تحت البطانيه
وقعدت نبكي ليين
#رقدت
........
ثاني يوم ينوض فيا وسيم
انا...هممم
وسيم..وقت عالجامعه
انا..وسيم مش قادره نعدي
وسيم..كنك مريضه نشيلك للمستشفي
انا..لالا بس هكي اصلا ماعندي شي مهم
وسيم..باهي تمام كملي نومتك
ورقدددددت
.......................
نضت الساعه 12
لقيت حني واعيه
خشيت للحمام توضيت وصليت
وخشيت للمطبخ ندير ف الغداء
...............
بعدها حسيت جنبي بككل يوجع فيا قعمززت ع الكرسي
هكي بعد شويه حول الوجعع
صبيت
وكملت باقي الغداء
ودرنا الغداء وتغدينا
ونا خشيت غسلت الماعين ومر روتين عادي بكل
...................................
ع المغرب كنت ف الدار
ونقرا بنلهي روحي ف القرايا بننسي مؤيد بكل
رنت ماما
انا..ايوا اهلين ماما
ماما..خيرات كيف حالك
انا..حمد الله كيف حالك انتي
ماما..حمد الله تمام
ماما.قتلك عرب نوران حددو لبيان يوم الاربعاء الجايه
انا..صاح كنهم مستعجلين
اماما..قالو هكي بس العرس مزال راه
انا..اها عارفه بعد سنتين
ماما.المهم بيش تجي بعد بكرا تطلعي معانا نجيبو دبش
نا..تمام
مماما..هي سلام
انا..باي
...........
ومر يوم عادي
ورقدت ع المغرب
............
نضت ثاني يوم بدري ولبست ونوضت وسيم وعددينا للجامعه
وخشيت للمحاضره
وطلعت
ولقيت رحاب
وقعدت نحكيلها ف لي صار كله
رحاب..حي علي ام مؤيد هضا كله طلع منه
نا..شفتي بختي
رحاب..بختك بخت
ورن وسيم
نا..وسيم برا باي توا وبيش تجي بعد بكرا اه
رحاب..اها اكيد
وطلعت لوسيم
وروحنا لحوش
ومر يوم عادي
وكنت قافله فوني عشان مؤيد
...........
ثاني يوم نضت بس ماعديتش للجامعه لبست وطلعت
لقيتت بابا وهله متغديين عندنا
ولقيت عيال عمامي الاثنين
مرات بابا..صح النوم تو الظهر نايضه
انا..اها
حني..كنك مامشيتي للجامعه
اماني..ولابططلتي
انا..تحسابيني كيفك لا ي حنه
وخش محمد بحت فيا وسكت
ورن سالم
انا..ايوه
سالم..برا انا
انا..هي
محمد..وين وين
انا.مايخصكش
وجيت بنطلع مسكني
محمد..ويين اانا قلت
حني..جاوبيه
انا حولت يدي
انا..وسيم مش قاعد بتاخذو راحتكم لاالا
حني..ووين مااشيه
انا..سالم خوييييييييا جاء واخذني لماما عشان بيان اختي بكراا
حني..بكرا هوا مش اليوم
انا..ماشيه للمحلات بنشري
ببابا خش
بابا..كنكم ووين ماشيه
انا..ماشيه لماما
بابا..ومن سمحلك
انا...بكرا بيان نوران
بابا..بكرا مش اليوم
انا..ماشيه نشري معاها دبش تمام
بابا..خشي مافيش مشي
انا..اولا ماسألتكش من باب الاحترام قتلك فقط لا غير
وطلعت مسك يدي بلحيل بباابا
بابا...قتلك اقعدي
انا حولت يدي منه
انا..معش تلمسني تمام
بابا..باتك ياحيوانه
انا..تي افهم بابا اسم بس اسمي احلام خالد خالد هضا زينه بس تي تحساب روحك بابا انت مش بابا راه عمو يوسف بااباا سلام
مسك يدي وضربني كف
بابا...ياحقيره خشي جووا
انا ..مارديتش عليك لي انك دروحك بابا بس تمام
بابا..روحني باتك مالا نا من ياست الحسن
انا..واحد دروحا بابا تي افهم البات يشري لبنتا يسألها شن تبي ناقصك شي تبي شي يمدلها فلوس كان ناقصتها حاجه يسأل عليها يهتم بيها لما تمرض يجي يشوفها لما تخش لمستشفي يجي يساول عليها لما فرروخ عمامها يضربوها يجي يهزبهم تي ..
ولد عمي ..نحنا فروخ ياكلبه
انا..ماكلب الا انت يا حقير اها وانت فرخ كيفك كيف محمدد كيف باقي فروخ العيله تي اصلا بعد سالم ومنذر مافيش رجاله
انا..وانت يابابا انت من ضاحك عليك وقالك انت بابا بس انا بابا يوسف عمو يوسف عارف ان منذر بس حتي لو بصاره بس يلعب معايا ولايكرني من شعري يقعد يهزب فيه عارف ان عمو يوسف مايتحملش فيا بزت الابرا تي أي بات انت تحكي عليه ونبي ترا خطوني
هي سلام توا ومش جايه اليوم راه
وطلعت وسيبتهم وولا واحد قدر يجي شوري
لقيت سالم ونوران وماما
انا..خير
وركبت
ماما...خيرات
وعدينا للمحلات
وبرمنا ف السوق برمنا برمنا
و شرينا دبشنا كله
وروحنا للحوش
وكنا تعباانين بكل
طووول رقدنا
..................................
ثاني يوم نضنا الصبح بدري
وضمينا الحوش وجن خالاتي وعمات نوران وعمامها الدنيا حوسه بكل
ونوران ف الكوفير
......
وكلمني سالم
سالم..هيا
انا..هي
ونزلت عشان بنعدي نلحق نوران
................
ولبست عبايتي وخذيت شكارتي وطلعت لقيت سالم ومعاه عيال عمامه
شيرلي نركب السياره فتحت باب السياره
لقيت مؤيد فنصت وبحتت ف سالم
سالم شيرلي نركب من لورا
وركبت من لورا
مؤيد..خيرات
انا..اهلين
مؤيد..كيف حالك
انا..تمام
مؤيد..كنك قاافله فونك
انا..لاشي
مؤيد بحت فيا
لقا دمعتي ف عيني
وبرم
مؤيد ..افتحي فونك
انا فاتحتا توا بس بنسكرا
مؤيد..خليه ليوم بس
انا..مؤيد واللهي نفسيتي تاعبه وانت تعب فيا بزياده حرام عليك
مؤيد..اليوم بس كان تحبيني صاح افتحي اليوم
انا..سكتت
وجاء سالم
وعدينا للكوفييير
..........
وووصلت
لقيت الكوفير قريب تكمل لنوران
نوران..هي تعالي
انا..نبيش اندير شي
نوران..غصبن عن فسختك اديري
وقعدت الكوفيره ادير ف شعري ومكيجتلي
وانا كنت لابسه فستان قصير ازرق ملكي ومبوج وكندره ورديه وكيف الفيونكه الورديه
ونوران لابسه فستان طووويل اورنج وهيا بيضه وشعرها قصير كستنائي جا عليها خيااال
...
انا..نعليااا محلاكي
ورنت ممااما
انا.زها
ماما..تي هيا
انا..هي نكلم سالم
ورنيت ع ساللم
ولبسنا عبايتنا وبعد شويا جاء
...
وطلعنا للحوش
ونقلب زغاريت والدنيا مليانه بكل
وسلحنا
وطلعنا للجنان
البيان مدايرينا ف الجنان
وقعمزت ع الكرسي
وبعد شووية جاو عربها
ولبسوها
بس وسام ماخشش لي ان مش قاري الفاتحه
ومر الوووقت حلوووو بكل وعيلتهم راقيه حلوه
..............
وكمل هاليوم
ونا روحت للحوش لي ان كان عندي ثاني يوم امتحان
وكنت واكله هم الامتحان هه مانندريش ان القرايه حتكون اخرررررررررر همي
.......
مرن ايام ونا في فتره امتحانات لا طلعه لاخشه
وقعدت حاسه بوجع غير عادي ف بطني بس متحمله
اما مؤيد يرن يرن ومانردش عليه
::::::::::
جاء يوم اسوووء يوم ف حياتي
نضت الصبح ونحس في بطني بكل
صبيت مع السرير
طلعت نبي أي حد
مالقيت حد ف الحوش فاااضي بكل
قعدتت نتألم من جنبي بشكل مش طبيعي ونعيط ونبكي وجاني مسج من مؤيد
(احلام كان تحبيني وتبيني نعيش والنبيي ردي عليا توا واللهي كان مارنيتي عليا حنعتبر اني خسرت حياتي خسرت لومي ل نحبها وحنموت راه كان مارديتي)
انا خفت بكل بس نفس الوقت ماكانش عندي رصيد
وهوا رن رديت ونبكي
مؤيد.احلام بسم الله كنك
انا..انت كنك شن الدوا هذي
مؤؤيد..بيش نخليكي تردي عليا عارفك مش حتردي
ونا نبكي بصوت عالي بعبرتي ونعيط ونتألم
مؤيد..احلام احلام كنك
انا..معش نققدر نا خلاص
مؤيد..كنك خوفتيني
انا..يامؤيد بنموووت
ونبكي بكل
مؤيد..تي كنك فهميني
انا..مش عارفه بطني وجنبي نتألم بكل فش حد ف الحوش واللهي ماعاد نقدر نا
مؤيد..اهدي بس ورني علي سالم
انا نبكي بصوتت عالي
انا...خلااص معش نقدر حسني بنموووت انا
مؤيد....تي مععش تدوي هكي
انا...واللهي نحبك
مؤيد..تي اسكتي
انا طاح من الفون وقعدت ماسك بطني ونعيط
مؤيد..احلااام احلاام ازف ردي عليااا تي راه نجيكي تي ووينك انتي
وهووووب طحتت نا
مؤيد سمع صوت الطيحه
مؤيد نكلب ويعيط ف الفون
مؤيد..احححللاااام احلاام ازف
وخش وسيم يججري
ورفعني فيسع حتي بدون وشاح
وطلعنا طوول للمستشفي
,,
وصلنا
وخششوني للدكتور
ومعش طلع الدكتور
عند وسيم برا رن فونه #ماما
ماما..خير وسيم
وسييم..خيرات
ماما..كيف حالك
وسيم..الحمد الله
ماما..وسيم ف الحوش انت نرن ع احلام ماتردش
وسيم..اا لا
ماما..كنك عطيها ليا
وسيم..قتلك مانبيش نخوفك بس ف المستشفي
ماما..حي عليااا كنها
وسيم..خشيت للحوش لقيت مغمه عليها والدكتور مزال ماطلع
ماما..ف أي أي مستشفي
وسيم..1200
ماما.هي اني جايه
............
عند وسيم طلع الدكتور
علي جيت ماما
ماما... حي عليا بنتي كنها
الدكتور احمد طبعا
الدكتور..درنالها عمليه بس
وسيم..عمليه عمليه شن
الدكتور..منفجرا فيها الزايده بس راه مش عارف كيف نقولها لكم
وسيم..كنها شن في
ماما..حي عليا كنها
الدكتور..لااله الا الله
مماما ..قعدت تبكي
ماما..حي علي كنها
الدكتور..لازم تطلع برا
وسيم..احمد ازح فهمني كنها
احمد..تعال ياوسيم شويه
ماما.لا بنتي واحكي هنا
وجاء سالم ومنذر
سالم..كنها البنت
منذر..كنههاااا كنها
احمد..البنت اهمل مابعدا اهمل
سالم..فهمني بس كنها
احمد..درتلها عمليه الزايده منفجرا فيها
سالم..باهي يعني مش هالمرض الخطير
احمد..لبنت لازم من زراعه كليه
سالم..كيف كيف
احمد..عندها فشل كلوي
ماما..حي عليا بنتي عليااا نا مازلت صغيره
احمد...والبنت بنيه جسمها ماتحملش ولما توا درنالها غسيل كلي
سالم..احكي اززف
احمد..اسف بس خشت ف غيبوبه
ماما..شن شنووو بنتي بنتي كنهااا انا حي عليااا
سالم مسك الدكتور وبيضربا
سالم..كيف كيف انت عارف البنت جسمها هكي كيف اديرلها هكي انت
جا وسيم حزها بيناتهم
قعمزت ماما وتبكي بعبرتها
ماما..حي عليااا نا بنتي مازلت صغيره
سالم طبس عليها واضبطها
سالم...اهدي بس وراسك انتي مايصيرلها شي
وهيا تبكي وخلاص
.........
بعدين في ليل بكل
جاء بابا ومحمد بكل صاحت وجهه
وماما كانت ف الغرفه لي ان اغمي عليها
بابا..خير
وسيم..خير
عمو يوسف ومنذر وسالم ماعدلوش عليه
بابا..كنها هذي
وسيم..هذي قتلي
وسيم..هذي لي تقول عليها قاعده في العنايه وفي غيبوبه
بابا..كيف كيف غيبوبة شن
محمد..مغير دلع فرخات
منذر..احترام نفسك خيرلك
محمد...شن دخلك انت اختي
منذر ..اختي انا ي حقير
وجاء بيضربا
حزها عمو يوسف وطلعا برا
.................................
وسيم وسالم
سالم..قتلك انت تعرفه الدكتور صح
وسيم..اها يكون صاحبي ليش
سالم...باهي وين غرفتا
وسيم...هي تعال
وخشو علي احمد
سالم..السلام
احمد..وعليكم السلام
وقعمزو
سالم..ممكن تحكيلي وضعها بلكامل وشن صايرلها ومن شنو
احمد..اول شي انت من
وسيم..يكون خوها
احمد..انت منذر
سالم..لا ساالم شن عرفك
احمد..لا عارف قصتها بلكامل من قبل لما جتني مضروبه
وسيم فنص
سالم.كيف
احمد..سكت
سالم...احكي
وسيم..احكيلا
احمد..من قبل ديما سالم يجيب فيها ليا مابين الحياه والموت نعرفها احلام وديما تشكيلي من وهيا صغيره وديما نعالج فيها وديما تحكيلي عليكم
(نعرفكم ب احمد ....م 83 بس لي يشوفه يقول هضا م 90 صغير طول ف عرض جمالللللللل ربي فيه لحيه لي تهببل والعيون الزرق وللبس يعني مافيش غلط فيه)
سالم طبس راسه وحط يديه ع العيونه وقعد يهز بكراعه وراقيلا
سالم مسح وجهه
سالم..وتوا فهمني كنها شن صايرلها
احمد.. تو نحكيلك بلعاميه
احمد.. منفجرا فيها الزياده وف نفس لوقت فشل كلوي توا مثلا كان صارلها انفجار الزايده بروحها والكلي بروحها يعني كل وحده في وقت بروحها راه عادي درنالها غسيل كلي وحصلنا متبرع ودرنا العمليه
سالم..باهي وليش الغيبوبه
احمد..الغيبوبه لي ان صارللها عمليتين في عمليه ف جسمها معش تحمل ومش معروف امتاه تنوض منها
وسيم معش تحمل
وسيم بصوت عالي..استغفر الله لعلي العظيم
وطلع براا بكل وطبق الباب
سالم عيونه دمعن
سالم..فهمني احلام حتعيش ولا
احمد..كل شي ف يد الله اول شي توا لازم نحصلو حد يتبرع بالكليه
سالم..انا انا عادي
احمد..غير استني لازم نديرو تحاليل ليبو يتبرعو
سالم..باهي نطلعوها برا ولالا
احمد..قبل بنقوللكم طلعوها بس فيه دكتور الماني جاي االاسبوع الجاي ونا كان قلتلكم اطلعو حندزا لكم بس هوا كويس بكل نرجو للاسبوع الجاي ونا وياه نديرولها العمليه بس
سالم..بس شنو
احمد.. سكت وطبس راسه
سالم..بس شنو احكي
احمد..بعدين ساهل
سالم..احكي اختي وبنعرف عنها كل شي
احمد..مرات يسببلها اضرار مش متوقعينها
سالم..كيف شنو
احمد..طبس راسه ورقتلا
احمد..العقم
سالم..كيف نعم
احمد..وادعي ان شاء الله يكون العقم بس
سالم..كيف كيف شن فيه اصلا بعد العقم
احمد...العقم ومرات يصيرلها تلوث ف دم وكان صارلها الشي هضا ف
سالم..شنو
احمد سكت
سالم..شننن
احمد..ف ربي يستر بس كان كان صار شي هضا التلوث ف دم يقتل واحتمال 80% يصير
سالم..لالا مش حيصير شي احلام حتقعد عايشه
وصبا طلع
وسكر الباب بلحيييل بكل
وطلع برا
وقعد مقعمز براا ويبكي
جت.....
