اوجاع فتاة

البارت 10

اوجاع فتاة💔
للكاتب/رانيا شكسبير
البارت العاشر 🥀🎻

بعدما الطريق كله يحاول فهد يخليني اضحك وانسى ..وصلنا للمول نزلنا من السياره ..

گتله فهد..عفيه هاي العبايه الاسلاميه ممتعوده عليها هي حلوه بس ممتعوده ..
فهد...تتعودين امشي يالله

اني...يالله

دنفوت ولزم ايدي بأيده اني رجفت صار عندي رد فعل غريبه وجسمي اقشعر .. رأسا جريت ايدي بخوف ..

فهد...اسف اني اعتذر نسيت والله( قصده نسه عندي رد فعل من الحادث )
اني...ها لا بس...

فهد...لا اني غلطان حبيبي

ودخلنا للمول گبل اخذني لمحل ملابس فساتين محجبات واخذلي 3 فساتين اسود قستهم حيل حلوات بس اني قزمه گتله طويييل ...

ضحك ..وگال اي اني اخذهن للخياط اسويهن عادي ..

دفع الفلوس وطلعنه لمحل جنط كال اخذي شيعجبج

اني...لا مااحتاج

فهد...شنو ما احتاج؟ اكو بنيه متتحتاج الجنطه

وجرني لجنط لونهن اسود يبووووو يملخن

بس اني استحيت لأن ممتعوده احد يصرف عليه غير بابا حبيبي الله يرحمه وهمام اووووووف همام ..

اخذتني الصفنه ورحت الايامنا ..الي كنت لما اطلع بيها وي همام . اخذ كل الي يعجبني وهو يدفع ومايشكي ابد ..

فهد..ها وين صفنتي
اني..اريد هاي السوده
واخذتها
كال...بعد اخذي ويه الفستان الوردي
هو اشترالي فستان وردي لاخ عجبه رغم اني حزينه بس گال يجي يوم تلبسيه ..
اخذت هم وحده لخ ..
واخذت حذائين وشالات 3
دنطلع
فهد...وين ؟
اني...ها للسياره خلصنا
فهد ...لا اوكفي انتظر ولد يجيني هسه دينطيني ظرف
كعدنه بكافتيريا...وطلب عصاير وگعدنه
اني...شكرا فهود
فهد...اشتعل ابو فهد ولج فهد مو فهوود ولج رجال شكبرني وشطولي تاليتي اصير فهود
اني...اووو راح تظل لازمها عليه
دنسولف وقاطعنه ليث
السلااااام
اني...حبيبي ليث
ليث..شلون الحلو
اني ..زينه حبيبي
فهد...شخبصتينه حبيبي وحبيبي 😡
اني...صخام
فهد..اي صخام
ليث....تعاركو تعاركو
فهد....وين الوصيتك بي
ليث...هاك هاااااك ولك حتى شغلي مخلصته
انطاه ليث علاكه هيج حجمها وسط
وفتحها فهد طلع باكيت تلفون ايفون
گله وين الخط ؟
ليث...بي الخط خليته وبي رصيد
فهد...تفضلي يا گمر
اني...الي ؟
ليث...لا الجدي يمعوده خلصوني دا اجيب امي اليوم يمكم واطلع عندي خفر اليوم
فهد...روح يالله هوينا
ليث...استغفر الله خوووش ابن عمي بسيطه
فهد..وين متريد فلوسك
ليث...ديالله هي بقت على فلوس التلفون هههههه بعدين اودعناكم ..
وراح ليث
گتله لفهد...مااعرف شلون اشكرك هواي اليوم ونستني
فهد...وكل يوم هيج
اني...ربي يديمك اليه
فهد...بس الج ؟؟
اني...شنو قصدك 😒
فهد...يعني مثلا بس الج وحدج
اني...استحييييت گتله خلينا نرووح راح تجي ماما اشتاقيتلها ..
فهد..يالله