اوجاع فتاة

البارت 17

                   "اوجاع فتاة"

..الى ان بيوم .. دخل عليه ليث وگال...خيتي لتضوجين والله ميستاهلج والله يجيج اللي يقدرج ..

الله ينسيج يا ربي
لج لتقهرين روحج اصلا هو لايگ لنور واخذها

اني...يعني شنو اخذها ؟
ليث.. اليوم مهرهم
اني...كذب

احلف عليك الله
ليث...والله هسا فاتن گلتلي
اني...ولكم هذا مو صاحي وربي مو صاحي ..
ليث...عوفي غاليه الي باعج بيعي وبالرخيص هم ..

اني...لا الا اروح وابارك ..
ليث..شتروحين شبيج انتي
اني...اروووووووووح
ليث ..خلص نروح
اني .ساعه شگد ؟
ليث....المغرب بقاعة.....

اني...گوم وديني صالون..واني طاگه روحي اريد انفجر وكلبي معصور عصر ..
ليث...صالونيش يولي شبيج تخبلتي ..
اني ..توديني لو اروح اني ..

ليث...خلص امشي امشي ..

اني الك فهد والله دنعل ابو الحب لابو حظي لابو ساعة السوده الي عشگتك بيها ..

اخذني ليث للصالون ..

سويت شعري وسويت مكياج سهره وعدسات وسويت تاتو مؤقت على ايديه وعلى رگبتي ..

ورجعت للبيت لبست تنوره قصيره سوده وبدي احمر ناري الردان مالته شيفون وبي فتحات ولبست خلخال من ماما وحذاء كعب ..

وخليت ملح على جرحي ودست على نفسي ورحنا اني وماما وهمام وليث ..

اهلي يباعولي مصدومين اذا اني صاحيه لو لا
وصلنا القاعه ودخلنا لگينا الهوسه عمامي كلهم ونسوانهم وبناتهم واصدقاء فهد وايهم ونسوانهم

تلگتنا خالة ام فهد وسلمت علينا ..

وبقت ..تصلي عالنبي عليه ودمعتها بعينها وهي تگلي...يا يمه والله اني اللي خسرتج والله فهد حرجنه وخطب نور من ابوها بدون ميحجيلنا ..

واني متت والله متت بداخلي نار تسعر ..
كتلها...لا خاله عادي باجر يجيني اللي يحبني ويقدرني ..

ورحت سلمت على فهد ونور
واني اتمايل بمشيتي ..
وهو يباوع عليه .. وعبالك دا امشي ع گلبه مو ع الگاع ..
من شافني .. جمع اديه ع شكل قبضه ..
وبينت عروگ اديه ..

للحظة حسيت راح يگوم يضربني ..
وصلت يمهم ..
اني...الف مبروك فهد

فهد...يباوعلي وساكت بس عيونه حمر ..
نور ..الله يباركلج وتخوزر بيه ..
واصلا هي محلوه ومخليه طن مكياج ع وجهها ...

مااعرف شنو الي شافه فهد بيها ..

شفت الكل يرگصون وهووووسه ..
والعيون من گرايبنه بس تراقبني ناس تبسبس عليه وناس تباوع ..

رحت هيج اكو غرفه جوه بالقاعه بيها الديجي سألت فاتن گالت هاي ..

رحت گتله خليلنه چوبي وشغل حسام الرسام چوبي