اوجاع فتاة

البارت 2

اوجاع فتاة💔
للكاتب/رانيا شكسبير
البارت الثاني 🥀🎻

من گال مدير القناة . غاليه انتي الي حتطلعين مباشر انصدمت وخفت لأن الصراحه اول مره اطلع ع الهوا ..

شفت نفسي بالمرايا .. مرتبه وماكو شي .
اخذت نفس سريع حاولت استرخي واكون هادئة وابعد التوتر عني ..

سمعت الكادر صاح دقيقتين وندخل الجو ..
بسرعه رحت گعدت لبسوني المايك كانوا مقابيلي 3 مصورين وإضاءة ومهندس صوت ..

بعدت عني التوتر وكأنه ماكو شي امامي بس اني والكاميرا ..تخيلت نفسي گاعده بغرفتي ووحده وبهدوء ماخليت شي يأثر عليه ..

سمعت حجوا وياي من الاستوديو بالسماعه ..
جاهزة ست غاليه ..

اشرتلهم براسي . بمعنى اي ..

صاح المخرج .. 1 2 3 .. الجو الج غاليه ..

عزاااا حسيت حرارتي ارتفعت ..
طلعت شارة الاخبار ..

وبدأت بالنشرة . استقبلت المشاهدين بأبتسامه خفيفه وگلت ..
اهلا وسهلا بكم بأخبار السابعه من قناة.....

وبديت النشره .. الله نطاني القوه والثقه وكنت مستمعه واني اقدم النشره رغم الخوف الي سيطر عليه بالبدايه ..

أستمرت النشره حوالي ساعه الا شويه وختمتها ..
كانت هذه نهاية نشرتنا لهذا اليوم اعزائنا المشاهدين التقيكم على خير .. والى اللقاء .

قطعوا البث .. اخذت نفس عميق وگمت..الاستوديو كله صاح ..

صلواااااات غاليه ماشاء الله عاشت ايديج شنو هالثقه واللباقه ..
ممعقوله ممتدربه .. والله اكو احد مدربج من قبل ..

غاليه .. ابتسمت . هههه والله هاي اول مره اطلع وممتدربه من قبل ..

المخرج .. كان القاء رائع موفقه غاليه ..

فعلا فرحت للأطرآت الي حصلت عليها ..

وحسيت بديت بخطوات النجاح . وتحقق حلمي .

كان شعور رائع ولايوصف .

سلموا عليه كلهم . وصار بوجهي المدير ..گال ..
احييج ع شجاعتج غاليه ..

گتله . شكرا استاذ ..

ارتاحيت شويه . ودا اشرب مي اتصل ليث عليه ..

فتحت خط ..
الو ..هلو ليث

ليث : لج دخيل ربج شنو هالجمال .

غالية : هههههه اسكت ليث غير ردت اموت .

ليث : اي ياعيني غير تحجين تگولين حتى نتابعج من البدايه ..

غاليه : والله صدفه اني هم انصدمت وماصدگت من گلولي راح تطلعين ع الهوا ..