اوجاع فتاة

البارت 9

اوجاع فتاة💔
للكاتب/رانيا شكسبير
البارت التاسع🥀🎻

هناك اشخاص .. يدخلون على حياتنا فجأة ومن غير مقدمات ..

لكي يلونوها بألوان حبهم وحنانهم .. الذي لم نكن نراه او كنا نتجاهله من قبل ..
💕💕💕

... دا ناكل باوع عليه فهد وگال ..
فهد...هاي شنووو لابسه دشداشه ياااب تخبل عليج

اني...اووووو فهيدان لتحجي هيج
فهد...فهيدان منو ولج

اني..انت هههههههههههه ضحكت من كل گلبي يعني حيل ارتاحيت

فهد....لك ياااابه تعال شوف بنت اخوك اشتعلت العشيره ولج ضحكي ..

من گال بنت اخوك .. دمعت عيني ..
اني...كافي خلي اكل فهد .. حتى بضحكتي اكو غصة وهم شكبره ماتلوگلي الضحكه ابد ..

فهد گام يسويلي لفات صغار وينطيني ..
اكلنه وخلصنه ودخل علينه ضابط نقيب ووياه 2 والدكتور والممرضه ..

اني بصراحه خفت ولا عبالك عائلتي كلها ضباط ومتعوده عليهم..

بس الضابط من دخل دخلته تخوف ..
لزمت بفهد حيييل .. ولزم ايدي صار كدامي حتى ميشوفني الضابط ..

كله فهد...تفضل
الضابط...صباح الخير وياك نقيب صباح من......

... المستشفى بلغو بحالة الاخت وانفتح محضر ولازم اخذ كم سؤال وجواب منها لكن وصوني ان اكون وياكم متساهل لان اعرف بالحاله كامله ..

فهد...شدتخربط ؟ يا حاله ؟ ومتسألها بكيفك هي ..
منو سمحلك ؟

واني وياك النقيب فهد حيدر عيسى من ......
الضابط...حياك الله اهلا وسهلا
فهد...الله يسلمك

فهد...سديت الموضوع اني اخويه وانحل كلشي

الضابط...اخي لوما انت بنفس السلك وتعرف القانون ..

فهد...يا قانون ؟ وين القانون ؟ اذا القانون موجود خلي يفهموني شلون اختفه شخص بهيج سرعه ..

صارلي 11 يوم اركض بالجنايات والجرايم ادور بالمطار على شخص وكبرت السالفه وديطمون السالفه حتى مااعرف اذا مسافر لو ببغداد بعده...

اخويه توكل ومتاخذ اي جواب منها لو مااعرف شيصير واليوم اجيك للمكتب ونتفاهم ..

الضابط...ماشي انتظرك...اسمحلي اكون وياك
واساندك...انت اخوها

فهد....زوجها اني بعون الله

الضابط...كفو منك ..

وسلمو على بعض وطلع الضابط

فهد يالله غاليه نطلع .. حظري روحج
اني جمدت بمكاني .. كتله ووووين ..
فهد...لتخافين ابيت اهلي يالله امشي