ابن الشيخ خطف قلبي

بارت 4

تقى: ههههه حمه ابن الشيخ
(اليوم بحثت عنك بالفيس وماكو)

رد
(ماعندي فيس ولا مره بحياتي مسوي فيس مادري ليش ماحبه اذا تريدين هسه اسوي علمودج 😌)

(اني اسويلك وادزلك الايميل والباسوورد حتى خاف تحاول تخوني الزمك)

رد

(يمه اعوذ بالله من كيد النساء بكيفج سوي الي يعجبج)

رحت سويت حساب جديد وضفت حسابي وسويته مرتبط بيه 💜💍
دزيته اله نزل الفيس وفتحه خلص الوكت واحنا نحجي لهناك وكال  كومي نصلي اذن
باجر نحجي من ارجع من العرس

ودعته وكمت صليت ونوره بعدها بغرفتي وهم لازمه موبايلها وتوزع بسمات
ولج كوومي ناامي شسالفتج كافي مبتسمه

نور: ها ومنو قبل شويه حلكه مشكوك من الضحك

تقى: انتي غير ...عفتها ونمت

07:09 الصبح

كعدت من النوم نور ماكو بغرفتي كمت قفلت الباب واخذت الموبايل دكيت ع رضا يدك يدك وماكو رجعت اتصلت رد بثكل مبين جان نايم

اسفه اذا كعدتك

لا عادي اصلا هو لازم اكعد عندي هواي شغل اليوم

عندك نت اريد اتصل فيديو ع الواتس مشتاقتلك

اي عندي بس لحظه اغسل وارجع

لالا خليك هيج مشايفتك من تكعد من النوم

ايباه ليسمعج يكول كل يوم انتي يمي

تقى: دنحجي واندك باب غرفته وصوت بنيه كللها عوفيها غدير تاخذها بعدين ..
منووو هاااي

شبيج عصبتي هاي حنين تريد تاخذ الصينيه مال العشه باقيه بالغرفه

وانت شكو تخليها تدخل غرفتك والله يعلم شيصير ميصير

شبيج انتي شهل حجي تره مالي خلك نتعارك روحي طالعه وراي الف سالفه

هاهيه عيني خليك يمها والله يالله وسديته
قفلته وكمت رحت اغسل وابجي خره عليهاا ماااحبها الحقيره
.
.
.

رضا: هاي شبيها سدته بوجهي خبال اريد اشوف بعد منو يحجي وياها شايفه نفسها ....

زهره: واكفه ع الطباخ اسوي ريوك واجتني حنينه تركض وتبجي ...ولج شمالج من الصباحيات تتبجبجين

:رحت اجيب صينية العشه وسمعته يحجي وي بنيه مبينه حبيبته انتي مو كلتي من ابتعد جم يوم وارجع راح يشتاقلي ويفتقدني شو هذا حب وحده غيري

:ولج غبيه ماتفهمين حب النت كله جذب وفاشل يومين يمل منها ويعوفها شمالج خايبه
كلهم الزلم هيج روحي جهزي الريوك وصعدي اله بيني اهتمامج بي حتى يحس بيج

:ها خوش راح اسوي ريوك واخذه اله ...
صبيت الجاي وطلعت جيس صغير بي حبوب خليت حبايتين ذوبتهن واخذته لغرفته
منتجي ع الجربايه ويلعب بالجهاز