ابن الشيخ خطف قلبي

بارت 11

تقى: رجعنا من المستشفى بعد محاوله فاشله للأنتحار المهم اخذني محمد نمت بغرفته
صرت اكره غرفتي او بالأصح اكره البيت كله بس غرفة محمد فوك بالسطح ف نمت هناك
..الصبح نزلت رحت لغرفتي محمد نايم بيها فتحت الكنتور طلعت ملابس ورحت سبحت وطلعت لكيت بابا وماما كاعدين محجيت وياهم رحت للمطبخ صبيتلي كلاص جاي
وكعدت افكر شويه وكعد محمد اجه يمي هم صبله جاي وامي مسويه بيض تريك وراح يمهم كال اني اليوم اروح لبغداد عندي شغل ابقى 10 ايام وارجع

امي كلتله تروح وترجع بالسلامه وبابا ما حجه شي
واني رحت كلتله اروح وياك نزلني ع بيت خالو سالم لعبانه نفسي من هل بيت
بابا من سمعني هيج حجيت راح طلع ..

محمد: ماشي ومن ارجع امر عليج وارجعج وياي كومي حضري ملابسج

تقى: رحت طلعت جنطتي حطيت ملابس واشياء احتاجها ولبست شال وعبايه اسلاميه
ومحمد راح ينزل جنطته وراها صاحني يلا كملتي ف كلتله اي يلا امشي

محمد: يمه اني رايح البنات يبقن امانه يمج مو ارجع الكاهن بيهن شي

الام: شبيدي يايمه حاجي ابوك

محمد: يمه تدرين بيه من احجي وياه مايسمع الحجي ويخليني افقد اعصابي انتي انتبهي عليهن اني رايح اشتغل علمودهن علمود اجيب مصرف الهن ماكدر ابقى كاعد وساكت تدرين راتبه مايكفي شي

الام: ميخالف يايمه انتبه ع نفسك ولا تفكر بالبنات ماعليهن شي

تقى: رحت للبنات ودعتهن وطلعت وي حمود
نمت بالسياره وكعدني محمد كال وصلنه بيت خالو ف نزل شال جنطتي ودك الباب واني وراه
وره شويه فتح حسوني الباب
سأله محمد منو موجود عدكم ف كال محد ابوي بالشغل وامي راحت للجيران شويه وترجع ف اني دخلت ومحمد راح
دخلني حسوني وفرحان بيه واخذ جنطتي ضمها بكنتوره ...نزعت العبايه والشال ميته حر رحت سبحت وبدلت ..

محمد: وصلتها لبيت خالو واني راجع للسياره اجاني راغد سلم عليه رديت بثكل ف كال ..

راغد: شبيك لا تبقى كالب خلقتك راح نتناسب

محمد: نتناسب هه اصلا تحلم انطيك اختي ومتاخذها اله ع جثتي فهمت ولو تبقى اخر شخص ع الكره الارضيه هم مراح انطيها الك اخذها كلمه مني وحق الحق اختي مو الك وماتصير الك ماطول اني عايش ويلا روح من خلقتي تركته وصعدت

راغد: ماشي بسيطه نشوف شراح تكدر تسوي ابوها وامها قابلين انت مابيدك شي

الساعه 11 الظهر:
تقى : سمعت باب بيت خالو يندك يمكن رجعت مرت خالو وحسوني كال نعسان ونام غفى
ف كمت ورحت افتح الباب والصدمه! !!

رضا: تقى انتي هنا !!

تقى :بدون وعي جريته وقفلت الباب ..جلبت بدشداشته ودموعي صبت

رضا: حضنتها حيل وهيه تبجي ع بجيها دمعت عيوني لا تبجين تقى شو باعيلي

تقى ودموعها تصب: رفعت وجهي اباوع بعيونه مشتاقتلك رضااا
ماريد اعوفك ماريد غيرك ماريده