كعدت من النوم غسلت ونزلت كلت اسويلي شغله قبل لا يجون العمال وبعد يمنع عليه الخروج واني دانزل وسمعت عمي وعلي يحجون
علي: صدك بويه منو هاي لبنيه جانت بالمطبخ
الشيخ: هاي الفصليه اجت البارحه
علي: هاا ومنو راح يعقد عليهاا انت؟
الشيخ: رضا يعقد عليها!!...
علي: بس رضا ما صار اسبوع من اتزوج شلون يعقد ع الثانيه
الشيخ: مو هيه فصليته احنا ليش فصلناهم غير هو اللي انطك
علي: والله بعد مادري
تقى: صعدت لغرفتي ،،قفلت الباب وكعدت بالكاع ابجي بحركه ،،سووها صدك وراح يخلونه يعقد عليهاا ..كمت جريت جنطة السفر من فوك الكنتور فتحتها وطلعت ملابسي
وراها اخذت موبايلي واتصلت ع محمد
غدير: غافيه واسمع تلفون محمد يدك كعدت
شفت المتصل (تقى) كعدته محمد اكعد هاي تقى تخابر
محمد: انطيها رفض ونامي
غدير: انطيتها رفض ورجعت تغطيت ونمت
ام محمد: داسوي ريوك لابو محمد وهو كاعد ع الطاوله دك موبايله
ابو محمد: هاي تقى تتصل رديت عليها الو بنيتي شلونج
تقى بشهكه بابا هسه تترك شكو بيدك وتجيني اني بعد دقيقه وحده ما ابقى بهل مكان
ابو محمد: خير بنتي شصاير فهميني
تقى: بابااااا بسررعه تعااال
ابو محمد: ماشي يلااا بس مسافة الطريق
تقى : سديت الخط
ام محمد بخوف: شبيها تقى
ابو محمد: ماعرف يمكن متعاركين
غدير: نايمين ودك عمي الباب ويصيح اكعد محمد اختك مادري شبيها
محمد: يااا اخت
ابو محمد: اختك تقى خابرت تبجي وتكول تعالوا بسرعه
محمد: طفرت من الفراش ويين ملابسي
غدير: وخرت البطانيه ذني هدومك
محمد: لبستهن ورحت غسلت
غدير: يعني هسه انتم وين ترحون
محمد (وهو يلبس الحذاء تكرمون) لبيت اهلج غير
غدير: اروح وياكم عادي؟
محمد : شسوين رايحه
غدير: اريد اشوف اهلي
محمد: ماشي بدلي ع السريع وها ترجعين ويانه مو تبقين هناك
غدير : اي خوش هم مبارك اشوفهم ،،بدلت وغسلت ولبست عباتي وطلعت وياه
ام محمد: ها خير هاي وين رايحه
أنت تقرأ
ابن الشيخ خطف قلبي
Literatura Femininaانت مجبور تختار وحده منهن!! انتي سامعه نفسج شدتحجين انتي دتخيريني بين اختي وحبيبتي!
