ابتديتك صُدفة،و صارت قصتكِ قصة.💗
:قررت ابادلك المشاعر...
محمد: ههههه مشاعريش اني اصلاً ما احبج!
غدير: اعرف انت تحب وحده وياك بالكليه وانه اخذتني بس لان رضا تزوج اختك ..
محمد وهو يترك العلاليك ويتمدد ع السرير اي بله كملي
غدير بدموع: شكمل هو بقى شي حتى اكمل
محمد دكملي منو هاي اللي احبها؟
غدير : عبالك ما ادري اصلا بيوم العرس جانت مخليه رساله بسترتك وانه شفتها وقريتهاا ها بله هم راح تنكر
محمد: ها زين خل اسولفلج وبعدين انتي احجي واخذي الموقف اللي تردينه واذا تريدين اوديج لاهلج هم عادي بس اول سمعي مني وبعدين قرري..
غدير: تمام يلا احجي انه اسمعك
محمد: بيوم العرس طلعت قبل اهلي واصدقائي حتى اوصل من وكت علمود اخذج من الصالون بس جان اكو ازدحام وماعرف شنو صاير حادث اعتقد المهم يعني هل سالفه ماتفض اله بعد ساعات واني مستعجل ف رحت بطريق ثاني طريق شبه صحراء يعني ارض ترابيه لا تبليط ولا شي
وكفت السياره من وحدها، ،نزلت حاولت اصلحها بس ماكو ماصارت وجان ظهر وجو حار
انتظرت سياره تعبر وماكو رجعت دخلت بالسياره وانتظرت ساعه كامله وراها نزلت قفلت سيارتي ورحت امشي وامشي وامشي دكيتها مشي ساعه او اكثر بس هلكت من التعب الى ان وصلت طريق سيارات
وكفتلي سيارة حمل يعني تشيل سيارات اذا تعرفينها
غدير: اي كمل
محمد: اي سألني انت وين رايح ف جاوبته كال ع طريقي صعدت وياه اله ملابسي تدمرت دهن سيارات من سيارته بس اهم شي وصلني
اي من وصلت وحالتي حاله نزعت سترتي واخذت سترة صديقي، وحتى اخوج علي كال اخذ سترتي بس جانت سوده واني لابس ابيض اي ف الرساله جانت لصديقي مو الي
بنيه تحبه وكتبتله الرساله ها هسه توضح سوء الفهم
غدير : ها هيج السالفه زين والرسايل بالتلفون من البنات شنو معناها
محمد: مفتشه موبايلي ولج
غدير: لا من دخلت الرمز ذيج المره وصلنك رسايل من بنات
محمد: شوفي احنا بالكليه مسوين مجموعه يعني اصدقاء وكذا واكو بنات بس والله والله ما احجي وياهن ع كد السلام وبس، اصلا اني ماعندي وكت لهيج سوالف وخلص تزوجت ف احب زوجتي وعائلتي وانتهى الموضوع ماله داعي احب من الكليه وماعرف شنو
غدير: تحب زوجتك؟ منو كبل شويه كال ما احبج
محمد: جنت اشاقه وكلت اشوف ردة فعلج ،ماعبالي راح اطلع خاين ونسونجي
غدير: ها يعني انت تحبني
محمد: لو ما احبج مجان تزوجت ،،يعني ليش اتزوج وحده ما احبها واكبر مني ممجبور بس لان احبج وخفت اخسرج وياخذج ابن عمج
أنت تقرأ
ابن الشيخ خطف قلبي
ChickLitانت مجبور تختار وحده منهن!! انتي سامعه نفسج شدتحجين انتي دتخيريني بين اختي وحبيبتي!
