ابن الشيخ خطف قلبي

بارت 22

مثل كل يوم انتظرها تطلع من المدرسه واتمشى وراها الى ان توصل للبيت بأمان وانه ارجع
هيج خلصت سنيني وانه احبها ومقرر بس اكبر واشتغل اخطبها
وبيوم جانت امتحانات وطلعت وحدها وظهر
ف كلت اي هاي فرصتي حتى اعترفلها..

حوريه:اليوم امتحان احياء والحمدلله سهل خلصت وسلمت الورقه وطلعت
ومثل العاده قيصر ينتظرني مرات اسأل نفسي هذا ماعنده شغله عمله غيري من اروح للمدرسه ومن ارجع هو وراي
المهم طلعت من الامتحان وجان ظهر واكو ناس بس كلش قليل

قيصر: تقربت منها اريد احجي وياج ضروري

حوريه: اباوع منا ومناك خاف واحد يشوفنه
اي احجي بس بسرعه حباب خاف واحد من اهلي او كرايبي يشوفنه

قيصر: حوراء انه احبج واعتقد انتي تدرين بهل شي لان اساسا تصرفاتي وخوفي عليج فاضحاتني

حوريه:خجلت ودنكت اااي اعـرف

قيصر: اريد منج بس تنتظريني علما اخلص دراسه واتوظف واخطبج

حورايه: ان شاء الله يلا هسه لازم اروح
رحت امشي وهو وراي بمسافه وصلت للبيت
دخلت

قيصر:دخلت لبيتهم وانه رحت للمدرسه
اليوم امتحان رياضيات اكيد هم راح اصفن بالورقه

سيف:لازم الكتاب وخايف اكيد هم راح ارسب السنه شفت قيصر راحت وراه تعال فهمني المسائل

قيصر:  انه لو اعرف جا فهمت روحي دوخر عني

سجاد:طلعت من البيت وشفتهم يمشون ويسولفون ولكم لحكولي الرياضيات نـ.... عرضي من البارحه لليوم محتار شدرس وشخلي

قيصر:شلون شله تعبانه واحد افشل من الثاني انت سويجد مو اخوك مدرس غير يدرسك

سجاد: ايباه لو تشوف اخوي محتار بروحه وبنسوانه...

احم صار لازم تعرفوني اسمي قيصر عمري 18 وذوله اصدقائي من الطفوله هذا سيف وهذا سجاد نفس عمري
انه احب بت السيد حوريه احبها من جانت طفله واليوم مثل ماشفتوا اعترفتلها
ويارب تصير من نصيبي ...

حوريه: رجعت للبيت والفرحه مبينه بعيوني
تلكتني امي تعاي سلمي ع عمتج
دخلت سلمت عليها
ورحت سبحت وبدلت وتغديت
يوم ثاني جان عندي امتحان رياضيات
بدلت وطلعت للامتحان وقيصر يمشي وراي بمسافه جان الشارع فارغ اجه يمي

قيصر: صباح الخير شلونج حوريه

حوريه:صباح النور بخير انت شلونك

قيصر: اذا انتي بخير انه بخير

حوريه:نمشي وهو بدأ يخفف من مشيته
باوعت واشوف اخوي الجبير جاي من المحل
المهم سرعت من خطواتي

كاظم:ها حوريه رايحه ديري بالج ع روحج وركزي زين جاوبي اول ع سهلات وبعدين رجعي ع الصعبات