كثيرا ما قيل ان البدايه حكايه تبداء من نهايه أخري قد تكون نهايه سعيده وقد تكون مأسويه ولكن المؤكد أن الحياه لا تعطي كل شئ ولا تأخذ كل شئ فأذا أكرمك الله بالعشق فعليك ان تدفع زكاته يا صديقي ولكن اعلم ان الله لا يضيع من بين يديك ما هو خير لك فكل ما يذهب خير
*************************
قد أتي الليل انه الوقت المحدد لاستيقاظه ليبداء يوما جديدا نعم يوما جديدا فمنذ ان تركته او منذ ان فرق القدر بينهم وقد انقلبت حياته رأسا ع عقب لا يستطيع ان يأكل ملثما كان يفعل لا يستطيع ان يبتسم لا يستطيع ان يفعل اي شئ بعد رحيلها لا يستطيع التنفس يقسم ان الحياه تعطيه انفاسه لكي يستكمل عذاب عشقه. الحياه باهته بارده بطيئه تمر عليه كالدهور
صوت رنين مزعج يعود من جديد ليوقظه من احد احلامه التي يعيشها معها فهي الان مجرد احلام ليس الا احلام
الصوت يتكرر بشكل متواصل كأنه يريد ان يوقظه من راحته المؤقته ع واقع مرير قام بفصل المنبه وقام يستغفر الله وع وجهه ابتسامه حزينه يسعد بتلك المشاهد التي تزوره ف احلامه لكي تزكره بالتي لم ينساها يوما رغم مرور سبع سنوات علي ما حدث الا انها مازالت عشقه الاول والاخير كانت بدايه كل ما له مذاق خاص ف حياته
قام وتوضئ لكي يصلي فرضه انها الثامنه مساء وعمله يبداء ف التاسعه اذا لديه وقت كافي ليقوم بمهاتفه عائلته
:أنت صحيت ياعم بقالي ساعه بصحي فيك عشان تقوم تاكل لقمه قبل ما ننزل
كان ذلك صوت حمزه زميله ف السكن وابنه خالته ف نفس الوقت
: ما انا قولتلك متصحنيش غير الساعه 8 انت اللي عيل رزل اعملك ايه يعني
وكان هذا رد عمر الذي ابتسم ع ضيق صديقه الطفولي
حمزه:طب يلا بقا عشان نصلي ف الجامع انا مستنيك عشان ننزل مع بعض
عمر:حاضر يا حمزه هغير واجي وراك
قام عمر بتغيير ملابسه وذهب الي المسجد ليقوم بتأديه نداء ربه مع ابنه خالته
وبعد تأديه فرضه وجد هاتفه يصدر صوتا دليلا ع وصول مكالمه ابتسم عندما وجد اسم والده اخذ نفسا يستعد لما ستقوله والدته
عمر : السلام عليكم يا امي عمله ايه طمنيني عليكوا
والدته عائشه :الحمد لله يا عمر يا حبيبي كلنا كويسين وبخير انت عامل ايه
عمر: بخير يا امي الحمد لله
عائشه:بخير ازاي يا عمر وانت لا بتنزل اجازتك ولا عايز تريح قلبي وتستقر وانا مش قولت تيجي عشان تشوف العروسه مجتش ليه ها
عمر:يا امي قولتلك كان عندي شغل ومعرفتش انزل وحكايه الجواز ديه بأذن ربنا مش بأدينا دا نصيب
عائشه: نصيب ولا مش قادر تنساها يابن بطني انا عايزه افرح بيك يابني دا انت اول فرحتي
رد عليها عمر لينهي هذا الحوار سريعا لقد مل منه كثيرا
عمر: حاضر يا امي المره الجايه هنزل ونشوف موضوع العروسه ده حاضر
عائشه:بجد يا عمر طيب هستناك ياقلب امك
عمر :مضطر اقفل دلوقت بقا يا امي سلميلي ع بابا واخواتي لا اله الا الله
عائشه :حاضر يابني محمد رسول الله مع السلامه
وانتهت المكالمه وعمر يفكر ما الحجه القادمه لكي يفلت من قبضه امه ويهرب من عروس الغفله
سمع نداء صديقه ليذهب اليه متوجهين لعملهم
*********************
ف مكان اخر تحديدا ف الاسكندريه ف منزل عائله المسيري عفوا فلنقل قصر عائله المسيري فهذا اقل ما يقال عنه
:لازم تهربي يا صفا مفيش حل تاني غير كدا نهايتك هتبقا ع اديهم
:اذاي بس يا تالا دول حطين حراسه جهنم ع الباب بره انتي هبله
تالا:ياستي هنلقلها حل بس انتي لو فضلتي هنا يا حببتي دول ممكن يموتوكي لو مرضتيش تتجوزي وليد
صفا:ماشي ههرب اروح فين انتي عارفه اني مليش حد دا غير ان هما عرفين كل الناس اللي اعرفهم
صمتت تالا قليلا تفكر الي اين تذهب صديقتها لتهرب من بين انياب هؤلاء الذئاب ثم طرقت ع رأسها فكره
صفقت بيديها كالاطفال وهي تقول
تالا:لقتها لقتها
صفا :الله يخربيتك هتفضحينا وطي صوتك
هدائت تالا قليلا وقالت بصوت خفيض
تالا: انتي هتروحي بني سويف
اتسعت مقلتي الاخري لتقول ف ذهول واستغراب
صفا :بني سويف ازاي يعني دي بلد عمري ما روحتها ومش عارفه حد فيها اصلا
رد تالابكل بساطه
تالا: بس انا اعرف ودا اللي اقصدوه افهمي بس
لتنتبه حواس الاخري وتستمع لخطته تلك المجنونه عفوا صديقتها ف الجنون
تالا:انتي هتروحي لقرايب ماما الله يرحمها هناك انا بكلمهم بس انتي عارفه من ورا بابا لان زي ما انتي عارفه المشاكل اللي بنهم انتي لو روحتي هناك هيبقا اكتر مكان امان ليكي هما ميعرفوش حاجه عنهم ودا هيبقا ف صلحنا
فكرت الاخري قليلا نعم هذا فعلا حل مناسب ولن يخطر ع بال احدهم انها ذهبت لهناك اذا فلترضي بذلك الحل يا صفا حتي يأذن الله بالفرج من عنده
صفا:اوك يا تالا انا موافقه وحكايه الهروب انا هعرف اعملها بس قوليلي امتا
تالا: تلت ايام بالضبط وتكوني هناك ع ما اكلم خالو ابراهيم عشان يبقا فاهم كل حاجه بس مش هقولوه ع الحقيقه متقلقيش
صفا :شكرا بجد يا تالا ع كل حاجه
وفجأه يفتح بابا الغرفه لكي.................
********************
دا كان اول حاجه واول فصل والبدايه واول تجربه ليا قولولي رأيكوا
السلام عليكم ورحمه الله💜💜
أنت تقرأ
غارقه بطوفان عشقك
Romansaابجديات العشق لا نتعلمها من الروايات او سطور الشعراء ولا من ألحان الموسيقه الهادئه الحب لحن يصنعه قلبان لايصير لاحدهما ان يعزفه منفردا يظهر نشاذا غريب اذا ابتعد احدهما عن الاخر وحاول ان يألف قلبا اخر الغرام هو الغرق ف عشق ليس له نهايه ولكن ننساق لذ...
