حنين

جزء ١٧

الفصل السابع عشر

في بيت عبد الرحمن
مني : حمدلله علي السلامه .. عملتي اييه ف الامتحان ؟؟

حنين : الحمد لله تمام .. هو بابا لسه مرجعش ؟؟

مني : اتصل وقال ف الطريق .. غيري هدومك وانا هجهز الاكل علي ما ييجي

حنين : ماشي
تتوجه حنين لغرفتها لتبدل ملابسها وينتابها القلق من رد ادهم .. تتمني ان يوافق علي ان يقيم ف بيتهم وفي نفس الوقت ينتابها القلق من انه سينام بجوارهاا حيث لا يوجد مكان غير غرفتها

يصل عبد الرحمن .. تخرج حنين مسرعه ..بابا كلمت ادهم ؟؟

عبد الرحمن : وعليكم السلام ورحمه الله وبركاته .. مالك قلقانه أكده لي ؟؟

حنين : لا .. انا مش قلقانه ولا حاجه .. انا بس عاوزه اعرف رده اييه ؟؟

عبد الرحمن : وافق انه ييچي يقعد معانا وهيأچر اوضه للسواق ف اي مكان .. ارتاحتي اكده ؟؟

حنين : تحرك رأسها بنعم ولكنها قلقه مما سوف يحدث

تنتهي سريعاً امتحانات حنين ويصل ادهم القاهره لإستكمال العلاج
عبد الرحمن : حمدلله علي سلامتك يا ولدي

ادهم : الله يسلمك يا عمي

حنين بإبتسامه .. حمدلله علي سلامتك .. أتأخرت ليه ؟؟
ادهم : انا هنا من بدري بس عديت علي الدكتور عشان يحدد مواعيد الچلسات .. ان شاء الله يومين ف الاسبوع الاحد والخميس
حنين : بالشفاا ان شاء الله ..

يساعد ادهم عبد الرحمن والسواق حتي يستلقي علي فراش حنين .. يستأذن عبده في الانصراف

عبده : ان شاء الله هتلاقيني عند حاضرتك يوم الحد الساعه تسعه الصبح

ادهم : ان شاء الله .. بالسلامه انتاا
يخرج عبد الرحمن من الغرفه ويترك ادهم وحنين بمفردهم

ادهم : ما تقربي شوي .. قاعده بعيد ليه ؟؟

حنين : لا .. مش بعيد ولا حاجه .. انا جنبك اهوه

ادهم : لاه .. بعيد قربي هقولك حاچه

تقترب حنين منه .. يمسك يدها ويقبلها .. وحشتيني اووي .. تبتعد عنه

ادهم يشعر بتغيير من جانب حنين
انتي زعلانه من حاچه

في ڨيلا عبد المجيد
قسمه غاضبه
بدر : مالك يا قلبي ليه زعلانه ؟؟ في حد مضايقك ؟؟

قسمه : لاه .. بس هما كان نفسهم ف الواد

بدر : بس انا راضي برزق رابنا وفرحان بيها كمان .. البت رزق يا عبيطه

تضحك قسمه : يعني هتعملها سبوع ؟؟

بدر : هعملها احلي سبوع .. المهم انك تكوني راضيه

قسمه : انا راضيه بيك وبحبك وبكل حاجه بتربطني بيك يا حبيبي .. ربنا ما يحرمني منك ولا من حنيتك .. انت الرزق اللي ربنا رزقني بيه ..