الفصل الثاني عشر
في ڨيلا عبد المجيد
زهيره : يا چميله چهزتي شنط الخلجات اللي هنبعتها ڨيلا عبد الكريم ؟؟
جميله : لاه .. ملميتش حاچه
زهيره : ليه يا بت چوزي .. هنعيدوه تااااني ؟؟
جميله : لا تاني ولا تالت يا مرت ابوي .. اني هچهزهم وابقاا ابعتهم ف أي وقت
زهيره : يا بتي خطيبك اتحددت وياا ابوكي وخبره ان الاوضه الچديده اتفرشت خلاص .. معيزينش نتأخروا احنا بقاا .. لازم نودي خلجات العروسه زينة بيت عبد المچيد
جميله : طيب يا مرت ابوي .. هقوم اهاه
قسمه : تحبي أساعدك ف حاچه يا چميله
جميله : لاه .. خليكي يا مرت اخوي .. بطنك قدامك مترين ليچرالك حاچه مهنخلصوش من چوزك
قسمه : علي راحتك
في الجامعه
شهد : يا جماعه في حد يعرف حاجه عن حنين ؟؟
دي من فتره كبيره جداا منعرفش عنها حاجه .. في حد منكم اتصل عليها
يرد احد زملائها : انا اتصلت بيها اكتر من مره تليفونها مغلق
زميلة اخري : وانا كمان اتصلت بيها مش بترد علياا ومش بتفتح النت خالص
شهد وانا كمان اتصلت بيها اكتر من مره ومش عارفه اوصلها انا هتصل علي مامتها اعرف هي فين وهبقاا ابلغكم
يستمع إلي كلامهم يوسف والشيطان محمود كانوا يجلسون علي المنضده المجاوره لهم في كافيتريا الجامعه
محمود يلاحظ توتر ادهم : هو انت عملت اييه ؟؟
يوسف : فأييه ؟؟
محمود : هيكون فأييه ؟؟ ف البت بنت الدكتور
يوسف : معملتش حاجه
محمود : هتخبي علياا انا بردو
يوسف : انت مجنون مش هينفع نتكلم هناا احسن حد يسمعناا نروح ف داهيه .. اقولك تعالي نمشي وهحكيلك كل حاجه
محمود : ماشي .. باله يا بروو
ويتحركوا معاً خارج الجامعه ويحكي له
يوسف : عملت اللي قولتلي عليه وبعت لأبوها رساله ييجي يآخدها وروحت العيد ميلاد والكل شافوني هناك وبعد ما خلص نزلت ورجعت المكان تاني وراقبتهم وانا في العربيه لحد اما نزلوا بيها من البيت ومن وقتها معرفش عنها حاجه
محمود : طيب .. انسي بقاا طالما اهلها استلموها يبقاا خلاص موضوع وخلص ولو حد من صحباتها البنات سألوك عليها انت مشوفتهاش ولا تعرف عنها حاجه
يوسف : ماشي
في مكان تاني وبالتحديد شقة عبد الرحمن
مني : يا عبد الرحمن .. شهد صاحبة حنين اتصلت بياا وسألتني علي حنين .. قالتلي بتصل عليها من فتره وتليفونها مغلق اغلب الوقت ولو اتفتح مش بترد علياا ..ومن يوم العيد ميلاد معرفش عنها حاجه .. هي كويسه ؟؟ وليه مش بتيجي الجامعه ؟؟
دي وحشتني اووي
انا معرفتش اقولها حاجه غير انها مسافره البلد عند أهل باباها ومش هترجع غير علي الامتحانات
أنت تقرأ
حنين
Storie d'amoreروايه رومانسيه اجتماعيه ( بقلم : نورسين محمد ) المقدمه وماذا نقول عن الحب حين لا تشعر بنا قلوب من نهواها .. اهو نار ننكوي بها ام انه جنه نعيش ونتلذذ بطيبها .. اااااهٍ علي قلبٍ احبك اااه علي قلبٍ احبگ وهجرتهُ .. فأنكوي بنارِ هجرگ فالهجَ...
