جواز بالاتفاق ....
الفصل الاول ...
فيلا عائلة كريم ....
يجلس مع والدته في غرفه الصالون
تحدث بانفعال ..ايه اللي بتقوليه دا يا ماما انا بحب ميراتي ومستحيل أطلقها
تحدثت بخبث ... خلي الحب ينفعك وانا هكتب كل الورث لي طارق اخوك وانت متجيش في الاخر وتعيط
تحدث بخوف ... طب ممكن تديني وقت افكر وهبقي ارد عليكي
تحدثت والدته ...فكر براحتك المهم تطلق الزفته دي وتتجوز منه بنت خالتك
بصلها بغضب وقال ... منه لا شوفي اي واحده تانيه غير البت دي مبطقهاش
تحدثت بسخرية ... عارفه ودا عقابي ليك يا كريم عشان روحت اتجوزت حتة بت ملهاش اصل ولا نسب من ورانا مش عارفه عاجبك فيها ايه لا هي من مقامنا ولا تستاهلك
تحدث كريم بنفاذ صبر ...حاضر يا ماما هعمل كل اللي تؤمري بيه بس محتاج شويه وقت عن اذنك
...................
ذهب لي بيته بعلامات الحزن علي وجهه
دلف الغرفه ليجد ملك زوجته نائمه
اقترب منها بحزن شديد فهو يعشقها
ثم ملس ع شعرها بحنيه قائلا ... مش عارف هقدر اعمل كدا ازاي
فتحت عينيها بفرحه قائله ... حبيبي انت جيت امتي
تحدث اكريم بتعب ... لسه جاي كملي نوم
أمسكت يده بسرعه قائله ... مالك
تحدث كريم ... مفيش بس تعبان من ضغط الشغل
نهضت ملك قائله ... لا دي مش حجة شغل في حاجه ومخبيها عليا
تحدث بحزم ... قولتلك مفيش ونامي
ترغرغت عيناها بالدموع قائله لنفسها ياتري مخبي عليا ايه يا كريم
.................
وبعد مرور يومين ....
تحدث كريم فى الهاتف ... يا ماما هو انا لحقت افكر حتي قولتلك محتاج شويه وقت الموضوع مش سهل عليا
تحدثت والدته بغضب ... وانا معنديش وقت ياترد عليا النهارده اخر الليل يا تنسي انك ليك ورث
ثم غلقت الخط في وجهه
...........
في مكتب كريم
دلف صديقه المقرب ليه منذ صغره
تحدث كريم بلهفه ... أتأخرت ليه بقالي ساعه مستني حضرتك
تحدث صديقه يوسف .... ما تستني المهم في ايه قلقتني
تنهد كريم بتعت ثم حكي كل شئ بالتفصيل .........
تحدث يوسف بانفعال ... انت مجنون عايز تطلق ميراتك عشان ورثك
تحدث كريم بحزن ... عايزني اعمل ايه اسيبه للاستاذ طارق ياخدوا على الجاهز
تحدث يوسف بخيبة أمل ... لا ازاي تطلق ميراتك اللي كنت هتموت نفسك عشانها هو دا حبك ليها
تحدث كريم بحزن أكثر ... ارجوك يا يوسف متذودش عليا وجعي كفايه اللي انا فيه
تحدث يوسف بجديه ... طب عندي حل ممكن تكدب علي والدتك وتقولها انك طلقتها لحد لما تاخد ورثك منها
تحدث كريم بسخرية ... شكلك متعرفش مدام مني كويس دي طالبه تحضر وانا بطلقها عند المأذون وهي اللي طالبه المأذون كمان يعني مفيش مهرب منها
تحدث يوسف بحزن ... طب ناوي تعمل ايه
ابتسم كريم بمكر قائلا ... انت اللي هتعمل يايوسف وتساعدني من الورطه دي
عقد حجبه باستغراب قائلا ... مش فاهم
تحدث كريم ... تتجوز ملك بعد ما أطلقها
صدم يوسف بحديثه ثم هتف فيه بغضب قائلا ... لا انت اكيد اتجننت رسمي
تحدث كريم بتوسل ورجاء ... ارجوك اسمعني الاول
تحدث يوسف بحزم ... اسمع ايه انت لو مش صاحبي مكنتش سكتلك ع كلامك دا
تحدث كريم بزهق ... مش مهم المهم تسمعني للآخر
انت هتتجوز أميره جواز مؤقت يعني عبقال انا ما اتجوز منه وساعتها اخد كل ورثي وبعدين أطلقها وارجع لي ملك انا ملقتش حد غيرك اثق فيه
تحدث يوسف بغضب .... طب وليه اتجوزها مابعد حضرتك تستلم ورثك ارجعلها تاني بسيطه
تحدث كريم ... مينفعش قدامي سنه عبقال ما استلم ورثي واكيد ملك مش هتفضل كل دا من غير جواز
تحدث يوسف بنفاذ صبر ... وانت ايه اللي مخليك متأكد كدا ملك توافق عليا
تحدث كريم بابتسامه ساخره ... هتوافق عشان انت صاحبي واكيد عايزه تغظيني بيك
تحدث يوسف بزهق ... تمام وانا مش موافق شوف حد غيري أو انصحك ارجع لي ميراتك احسنلك عشان متندمش في الاخر
تحدث كريم بعصبيه ... يوسف بقولك مضطر وبعدين انا بعمل كل ده عشانها عشان اعيشها عيشه محترمه
تحدث يوسف بنفاذ صبر ... صدقني ياصاحبي انت فاهم الدنيا غلط العيشه المحترمه انك تصون ميراتك وتراعي ربنا فيها
تحدث كريم بتوسل ... ارجوك يا يوسف توافق انا مش عايزها تضيع مني وانت الوحيد اللي بثق فيه
تنهد يوسف بضيق قائلا ... مستحيل يا كريم انا لا أخلاقي ولا ديني يسمحولي اعمل كده
اقترب منه كريم قائلا بتوسل ورجاء ... وانا مطلبتش منك تعمل حاجه حرام انت هتتجوزها رسمي بس علي ورق ولمدة سنه فقط وبعدين تطلقها الموضوع سهل يا يوسف وبعدين انت فاهم انا بعمل كده عشان اضمن متتجوزش حد تاني ارجوك فكر كويس انت صاحبي اللي ماليش غيره ارجوك تقف معايا
زفر بضيق شديد قائلاً بتأفف ... موافق
..........
رأيكم في الروايه عشان اكملها
