جواز بالاتفاق ......
الفصل الحادي عشر ....
وبعد مرور شهرين
في فيلا كريم
يجلسون على مائدة الطعام
تحدثت مني والده كريم بتأفف ... منه انجزي خصلي فطار وتروحي لدكتور نساء عايزه حفيد باسرع وقت
تحدث منه بحزن ... بس ياخالتو احنا مكملناش حتي ثلاث شهور جواز عشان اروح للدكتور
تحدثت مني بغضب ... وهما ثلاثة شهور دول شويه ياختي انا اعرف ناس بتتجوز من هنا وتحمل علطول انا بس خايفه يكون عندك مشكله في الخلفه
نظرت منه للأرض بحزن
تحدث كريم بغضب ... ماما قولتلك اقفلي عن السيره دي
تحدثت مني بانفعال ... يعني انا غلطانه اني عايزه مصلحتك
تحدث كريم ببرود ... ياماما لسه بدري ع موضوع الخلفه دا نأجله شويه طيب
تحديث مني بحزن زائف ... يابني انا نفسي اشوف ولادك قبل ما اموت
تحدثت منه ... بعد الشر عليكي يا خالتوو خلاص انا هروح للدكتورة النهارده
نهض كريم بغضب قائلا ... انا كان ناقصكم انتوا كمان ثم ذهب بغضب
تحدثت مني ... ولد اتكلم بإدب
.......................
في فيلا يوسف
فاقت من نومها لتري يوسف مازال نائم
نظرت له بحب تداعب أنفه بأصبعها بمرح
ثم فتح عيناه بنوم قائلا بابتسامة .. صباح الورد وبعدين مش هتبطلي لعب في وشي
عقدت حاجبيها بحزن قائله ... يعني دا بيضايقك
نهض يوسف ثم حاوطها بيده قائلا ... يضايقني ياخبر دا احلي لحظه بتعدي عليا في اليوم كله
التفتت له ثم تحدثت ... طب متتأخرش النهارده في الشغل عشان ماما وبابا جايين يسهروا معانا
تحدث يوسف بمكر ... لا مش هينفع عندي اجتماع متأخر
نظرت له بغضب قائله ... ماشي يا يوسف براحتك ثم نهضت
امسكها من خصرها سريعا قائلا .. تعالي هنا وانا اقدر مجيش دا اهلك يولعوا فيا وخصوصا بعد موضوع كريم الزفت دا نيلها اكتر
تحدثت ملك ... بس انا مستغربه مكنتش متوقعه كريم هيبعد عننا بالسهوله دي
تحدث يوسف بغضب ... في داهيه تاخده انا لسه مش مرتحله المهم اقفلي الموضوع دا ويلا ننزل
...................
دلف كريم مكتبه يجلس وعلامات الغضب على وجهه
دلفت السكرتيرة قائله ... كريم بيه في واحد منتظرك بقاله كتير اسمه علي
تحدث .. دخليه بسرعه
