جواز بالاتفاق ......
الفصل العاشر .....
تحدث كريم ببرود .... جوازك من يوسف
نظرت له بغضب قائله ... ماتدخلش بيني وبين يوسف انا بحذرك ياكريم
تحدث كريم بسخرية ... طب لو قولتلك يوسف اتجوزك بأمر مني
تحدثت ملك بصدمه لا تصدق ... انت كداب ومستحيل اصدق واحد زيك وانا متأكده يوسف بيحبني انت بس اللي غيران
ضحك بسخرية قائلا ... لسه زي ما انتي بريئه وصدقتي يوسف وتمثيله بالحب عليكي بس العتب مع عليكي انا اللي غلط لما وثقت فيه
تحدثت ملك بدموع ... امشي اطلع بره انت كداب
اقترب كريم منها بحزن قائلاً ... صدقيني ياملك انا لسه بحبك وطبعا مكنتش هوافق يوسف صديقي يتجوزك افهمي بقا دا كان جواز بالاتفاق بيني وبين يوسف عشان انتي متتجوزيش حد تاني واضمن ارجعلك تاني
تسمع احاديثه كالصاعقة لها لا تريد تصديق هذا فهي بالفعل تحب يوسف كثيرا ثم تذكرت حديث يوسف
... ملك ممكن تثقي فيا واي حاجه كريم يقولهالك متصدقيش
تحدثت ملك بجدية ... وانا بثق في يوسف يعني تأليفك دا مش هصدقه وفر علي نفسك الكلام وامشي من هنا فوراً
نظر لها بصدمه قائلاً بحزن ... لحقتي تحبيه وتثقي فيه ياملك
تحدث ملك بابتسامة ... ايوا بحبه وبثق فيه وعمري ما هتخلي عنه عارف ليه لانه راجل اد كلمته
اقترب منها بغضب بيجز على سنانه ثم امسكها من ذراعيها بعنف قائلا ... وانا مش هسيبك ليه ايوا انا بعترف غلط وطلقتك بس دا كان عشانك عشان عايزكي تعيش حياة كويسه كنت مستني اخد ورثي وأطلق منه ويوسف يطلقك ونرجع لبعض وترجع السعاده لحياتنا
دفشته بعنف والدموع تنهمر من عينيها قائله ... مين قالك عايزه الحياة دي انا كنت راضيه اعيش معاك في عشه كنت هستحمل الفقر عشانك بس انت اللي مستحملتش ياكريم
اقترب منها بدموع الندم قائلا بهدوء ... ارجوكي ياملك تديني فرصه ثانيه واقدر اعوضك عن كل اللي حصل فاكره ياملك اول ما تعرفنا على بعض من اول يوم ليكي في الثانويه من ساعتها وانا حبيتك واتمنيت اقضي عمري كله معاكي
ضحكت بسخرية قائله ... بس انا نسيت كل حاجه بتفكرني بيك انا مسحتك من حياتي ومن قلبي يوسف بس اللي موجود فيه
جلس كريم ثم تحدث بمكر ..... تمام نستنا يوسف ونواجه بالحقيقه وهنشوف مين اللي بيقول بيكدب
شعرت بالتوتر والخوف من حديثه فهو يتكلم بكل ثقه ثم تحدثت بانفعال .. امشي اطلع بره
دلفت والدة كريم بعد ما سمعت كل حديثهم لكنها لم تبين بشئ ثم تحدثت بابتسامة زائفه ... اذيك يا كريم
