جواز بالاتفاق .....
الفصل الثالث عشر ....
تحدثت والدته بحزن ... يوسف انت متعرفش ملك
تحدث يوسف باستغراب ... اه طبعا ياماما دي ملك مرات كريم ....
دلف الدكتور سريعا ثم خرج جميعهم ينتظرون بالخارج
وبعد لحظات خرج الدكتور قائلا لهم ... الحمد لله هو بقي كويس جدا بس للأسف هو فقد الذاكره وفقد اخر جزء في حياته ياريت ياجماعه تاخدو بالكم انتوا عارفين اي غلطه ممكن تسببله فقدان ذاكره كامله وتأثر علي حياته
ارتمت ملك علي المقعد تبكي بشده قائله .. كنت مستنياه يقوم بالسلامه عشان افرحه بطفلنا كنت نفسي احضنه زيكم
اقتربت والدة يوسف بحزن قائله .. أهدي يابنتي عشان خاطر الجنين الزعل وحش عليكم
تحدثت ملك بانهيار ... اهدا ازاي ياماما وانا بالنسبة ليه مجرد مرات صاحبه
نظر لها كريم بغيره فهو مازال يحبها لم يعرف ماذا يفعل مابين حيره صديقه وحبيبته اقترب منها قائلا ... ملك ممكن تفكري صح كل اللي بتعمليه دا هيضر يوسف وهيضرك انتي اكتر ولازم نمثل قدامه اننا متجوزين
نظرت له بغضب قائله ... كريم ممكن تسيبني في حالي
تحدث كريم بمكر ... انا بعمل كدا عشان مصلحتك ومصلحة يوسف
تحدثت والدة يوسف ... معلش يابني سيبها دلوقتي
نهضت ملك سريعا ثم دلفت غرفه يوسف
حاولت تتماسك دموعها ثم اقتربت منه بهدوء
فتح عيناه ينظر لها باستغراب قائلا ... ملك في حاجه
تحدثت ملك بحزن ... لا مفيش بس كنت بطمن عليك انت كويس دلوقتي
نظر علي بطنها المنتفخه بابتسامه ... الحمد لله بخير و الف مبروك واخيرا كريم هيبقي اب علله يعقل شويه
ابتسمت بحزن قائله .... البيبي كمان شكله شقي زي باباه ثم اقتربت منه بتوتر وامسكت يده وضعتها علي بطنها لتنظر له بأمل يتذكر شيء
شعر يوسف بإحساس غريب لا يعرف ماهو ولكنه شعر بالاحراج ثم ابعد يده قائلا ... ربنا يباركلكم فيه اهم حاجه لو جه صبي تسموه يوسف
تحدثت ملك بخيبة أمل ... لا
دلف كريم قائلا بمكر ... هو ايه اللي لا وانا عندي اغلي من يوسف
تحدث يوسف ... تسلم يا كريم وع العموم انا بهزر ياملك ياريت متكونيش زعلتي مني
اقترب كريم منها يحاوطها بيده قائلا بخبث ... لا طبعا ملك حبيبتي متعرفش تزعل من حد انت عارف طيبه قلبها
نظرت ليده بغضب قائله بصوت منخفض .. شيل ايدك بدل ما اكسرهالك
دلفت والدة يوسف ثم نظرت له بغضب قائله .. كرررريم
