يسعد مساكم
#ندبة_عشگ
#ل _اساور_الجابر
🌷🌷🌹🌹
اسراء
توني راجعه من الدوره مال الرياضيات انه وصديقتي فاطمه وصلتهه لبيتهم وبعدين دخلت لبيتنه لكيت امي كاعده ع التلفزيون بالصاله طبيت
امي:هايمه اسراء اجيتي
اسراء:اي يمه اجيت (وانه بكلبي اكول لا بعدني بالطريق ههه)
نزعت شالي كدام المرايه بالصاله وطبيت للغرفه نزعت ملابسي وبدلت ولبست دشداشه مال البيت
اسراء: يمه هاي زينب لحد الان مكاعده
امي :روحي ندهيها ولج اخاف ميته
اختي فاطمه: لاتخافين يمه العار ميموت رحت للغرفه مال محمد اخوي وجانت اختي فاطمه بيهه
اسراء :ولج انجبي هاي اختج الجبيره احترميهه اشويه
فاطمه :ولج والله تقهر يعني هيه ساهره لحد الصبح كاعد اتراسل بصحبانهه ومخليهه التنضيف كله علينه وانتي خطيه سادس علمي واني ثالث متوسط شلون يعني منقره
اسراء :حقج يعني بس هاية اختنه لازم نتحملها
فاطمه وهيه تتأفأف :اهووو خلي اقره احسلي
رديت :خوش اقري احسن طلعت من الغرفه
امي :روحي كعديهه
رحت گعدتهه طفيت المكيف وفتحت البردات ولج كعدي يعني رحت لمحاصراتي ورجعت وانتي بعدج نايمه 😠...
زينب:واني شفت منشور وعلقت ووصلن الرد ل200رد وتعرفت عله ناس جدد وانتم نايمين 😊وكامت تباوعلي وتضحك ....
خررب حظي هاي اشبيه الابنيه يعني متحس كل همهه الونسه ومواقع التواصل والطلعه والملابس وبس يعني متفكر بالحياة شنوو هاي من بشر عفتهه وطلعت
وصاحتني فاطمه:فدوه اسراء تعاي قريني رياضيات ....رحت الهه وقريتها.....
احنه عائله متكونه من ابوي متقاعد وراتبه يادؤب مكفينه واخوو اسمه محمد يشتغل بمحل مال ملابس ودايمن بره يعني ميجي للبيت اله للنومه😂
واخت جبيره اكبر مني اسمهه زينب طالبه خامس ادبي مسائي عمرها20سنه
هيه همهه الوحيد الولد تموت 😂وكل اسبوع عدهه واحد يعني گلبهه صاير كوستر ياهو اجه طب بيه بس هيه لقاءات وصور وسوالف تعبانه ماعدهه يعني مكتفيه بالحجي وياهم والشقه،،واني اسمي، اسراء، طالبة سادس علمي همي الوحيد الدراسه وشلون اجيب معدل عالي ارفع راس امي وابوي بيه لان اخواني الاكبار الي همه محمد،وزينب،ماجانوا زينين بالدراسه يعني محمد خامس ابتدائي وترك وزينب مگضيتهه رسوب ودور ثاني وخمسينات للذلك اني احب اقره علمود احصل كليه زينه صدك اني كولش احب الابراج وماكوون صداقه وي شخص اله لمن اعرف برجه هههه يعني علمود اعرف اتعامل وياه اني برج الاسد. 😎اويلي هيه بس فخامة الاسم تكفي ههه واخوي برجه الثور خرب حظي مانتوالم ابد هههه وبرج اختي زينب الجوزاء بس باخر اياام اني وياهاا حييل مقربات يمكن علاقتي علاقتي بيهه احسن من علاقتنه وي فاطمه كلبهه طيب حييل بس هيه مشكلتهه الوحيده الادمان على مواقع التواصل الاجتماعي ماتكدر تعيش يوم بدون متكنك والصراحه حقهه لان احنه بنات محبوسات بالبيت لاطلعه ولاطبه بطرگ التلفون جاشنسوي نتونس بيه ...وعندي اخت وراي هيه فطومه اختي دودة الكتب ونهار كله تقره انگس مني تريد تصيرر دكتوره ولامو اي دكتوره تريد طب نفسي هههه اختي تموت عله المخابيل امثالهه والله صدك هيه شاطره بس هيه بيها جان برغي وفلت البرغي وضلت خطيه ههه هسه لو تشد عقلها بلسانهه الطويل جاصارت زينه اي اختي فاطمه لسانها اي اختي فاطمه لسانها طويل بعد برج العقرب ملسنات بس هيه ماكوو احن منها صدك شكد تتعارك وي زينب بس من يكعدن هيه وياها تنكلب الكعده لمسرحية عادل امام ويوصل ضحكنه لراس الشارع هيه طالبة ثالث خطيه جانت تريد اطب دورت رياضيات بس علمودي ماكدرت لان ابوي جان يادووب يكفي راتبه لراس الشهر مصرف للبيت واخوي محمد مرات يطي ومرات يغلس بس هوه كال: خوش انطي فلوس الدورات ل،اسراء،وخل تدخل وبعدين هيه سادس علمي اصعب مني واني من استعصب شي اجي الها...
خطيه فاطمه دايمن اتسوي نفسها مامحتاجه شي ولاتطلب شي من اهلي ولاتثكل عليها عكس زينب الي مايمر اسبوع اله وهيه طالبه من امي فلوس علمود تشتري شغله وهذه الاسبوع طالبه تشتري فون جديد تكول تلفوني قديم اريد واحد جديد وتريد تنطي تلفونها ل(فاطمه)هدية علمود يصالحان لان صارلهن اسبوع متعاركات وهاي اطول مده هنه ميتحاجن واني صايره بين الاثنين هاا صدك كبل لاانسه اخوي واخر العنقود، كرار، عمره خمس سنين وكح حييل ماينحمل بس هوه الي محلي البيت يعني من يروح لبيت كرايبنه عصريه احنه حييل نفتقده ويصير البيت هدوء هاي كل عائلتنه ☺
أنت تقرأ
ندبة عشگ
Romanceقصه من نسج الخيال ابطالهه من الواقع 😊....تتكلم عن فتاة عراقيه ساقتها الصدف لتحب شخص ليس من المفروض ان تحبهه لتدخل معه في تجربه لنرى اذ كانت ستنجح معه ام لا؟
