يسعد مسائكم احبتي 😘😘
#ندبة_عشگ
#البارت_الرابع عشر
#اساور_الجابر 💕💕
💕💕💕💕💕💕💕💕💕💕
جانوا حاطين اغاني تخلي الميت يركص. والبنات كلهن يركصن
اتمنيت اركص وياهن بس كلت عيب انه العروس واعوضهه نشاءالله
وضليت تقريبا نص ساعه وفوگ كاعده اوزع ابتسامات
لحد مازفوه ودخل مسار
يومه يكتل خرررب هنيالي بجماله
اليوم راح يصير الي اني واني اصير اله
مستحيل مامصدكه
عيوني تضحك بجنون ورادت تطلع من مكانهه
من شافته جاي ومتقدم الهه
ايدي ترجف
وكلبي اعلن الموت بحبه
احس كل جسمي ديتجهه صوبه
اويلي الحب شسوي بالواحد
احس كل قطعه من جسمي دتهمس باسمه مسار مسار......
بوكتها جنت فرحانه واريد اهوس
هيه صح لحظات بس يروحلهه العمر فدوه .....
كعد بصفي وصرنا مكملين بعض
وضلوا ايصورون بينا جن (براد بيت وانجلينا جولي)
بس احنه احله طبعا
باوعلي بنظره غريبه ماعرف اعبر عنهه
وقرب شفته ع اذاني وكال:
مسار:طالعه تخبلين
اسراء:شكرا وانته همم طالع حلوو
اي صح طالع يموت ولابس بدله رصاصي ورباط اسود بس طالع اله بشده
مستحيل اوصفه
امه اجت علينه هيه ونهى حته يصورن وامي خواتي وحته صديقاتي اجو يصورون ويانه
لحوا هاي المره علمود نركص وصدگ هاي المره ركصنا
صعدنه ع الاستيج وشغلوا
اليسا عبالي حبيبي
انه حطيت تيدي بيده وايدي الثانيه عله چتفه وهوه ايدهه بايدي والثانيه لفهه عله خصري
وبلشنا نركص
جانت عيونه بعيوني
وجهه مكابل وجهي
وجنت قريبه عليه لدرجة اسمع نبصات گلبه من تدگ
حسيته استحه وصار وجهه احمر لان كلهه تباوعلنه وتصور
فهوه وخر ايدهه عني وشويه بتعد
مسار:هااا ارتاحيتوا ركصنا تردون شي بعد
امه:اي انه اريد حفيد منكم
وكلهه كامت تضحك
اني متت من الخجل
يومه اوميكاد مستحيل مدري شلون بيه بعد شوي اوووف
أنت تقرأ
ندبة عشگ
Romanceقصه من نسج الخيال ابطالهه من الواقع 😊....تتكلم عن فتاة عراقيه ساقتها الصدف لتحب شخص ليس من المفروض ان تحبهه لتدخل معه في تجربه لنرى اذ كانت ستنجح معه ام لا؟
