ندبة عشگ

البارت الثامن

يسعد مسائكم 😘😘
#ندبة_عشگ

#البارت_الثامن

#اساور_الجابر 🌹🌹🌹
طبعا انه راح اثبت عله وقت واحد الي هوه الساعه بال(9:00)ومن الاربعاء لحد الاحد 🌺🌺
.....................................................
اسراء
رحت جبت الشاحنه واجيت وحطيت تلفون نهى ع الشحن
اسراء:يله انه استاذن لازم اروح
وطلعت
ووره 10دقايق هنه راحن
وانه بدلت ملابسي ورحت للمطبخ زينب:علمود اكل لان جنت جوعانه حميت الاكل
وامي اجتني وبس تباوع بيه
اسراء:هااا يمه شو صافنه بوجهي صاير شي؟

امي:لاماكوشي بس كاعد اشوفچ شلون كبرانه وصايره مره وتخبلين وراح تزوجين
انه جنت اغسل الماعون ومن سمعتهه حجت هيح ذبيت الماعون بالحوض
اسراء:شنووو؟ازوج يمه فدوه شصاير فهميني لان كلشي مافهمت فهميني؟

امي سحبتني من ايدي وگادتني للغرفه مالتهه وكعدتني
امي:شوفي يمه انه ماراح الف ودور عليچ وراح احجيهه الج بوجهج هذني النسوان من شافنج انعجبن بيج وخصوصا ام مسار وهسه من طلعتي من الاستقبال حاجتني ام مسار تريدج لابنها

اسراء:يمه بس هيه مو جانت تريد زينب اشجابهه عليه
امي:يمه زينب كالت ماتريد تزوج هسه ومن شافتج ام مسار كلش حبتج وخطبتج لابنها
انه نصعقت ومادري شصار بيه يعني معقوله تخطبني ام حبيب اختي والله مادري شحجي
امي:اسراء لاتستعجلين وعله كيفج فكري وبعدين انطيني جواب بس الصراحه مسار شاب مايتعوض يعني طالب جامعي ومهندس والسنه الجايه يتخرج وابن عائله محترمه ومعروفه وحالته زينه وماعنده بس اخو واحد واخته نهى مزوجه يعني بيتهم فارغ وتلعبين بيه براحتج واخلاقه مبينه خووش وماجذب عليج انه موافقه تزوجينه وابوج اكيد راح يوافق وبعدين لاتنسين انتي السنه الجايه كليه ومصاريفچ راح تزيد اكثر وتعرفين حالتنه فاذا ازوجتي هسه السنه الجايه راح تلبسين لبس وتدللين دلال بعمرج مشايفته احسن من ترفضيه وبعدين تتندمين .....
امي طلعت وانه رحت لغرفتي لكيت زينب نايمه
اسراء(لنفسي):زينب نايمه وماتدري شراح يصير بيه اووف والنوب امي كلش موافقه واكيد راح تقنع ابوي بزواجي من مسار
بس انه شنو راح يكون موقفي كدامه (اقصد مسار)وشلون امه راح تخطب اخت حبيبته معقوله هوه موافق والله راح انجن اووف وين منين طلعتلي هاي يعني اخلص من سالفة علاء تجيني سالفة مسار
يارب فدوه ساعدني
انه خليتهه عله ربي ووكلت امري بيده وهوه يحلها ونشوف شيصير بعدين

بالليل
وامي كاعده ع التلفزيون وكل دقيقه تباوعلي وانه جن ماشوفنهه
شردت من نظرات امي للمطبخ بحجة اشرب ماي ووكفت بالمطبخ وخليت ايدي عله كصتي وضليت افرك بيهه باطراف اصابيعي
فتحت عيوني ولكيت فاطمه اختي تباوعلي بنظرة شفقه وحب وتريد تبجي

فاطمه:اسراء تره انه اعرف بالصار اليوم والحجي الي حجته اليوم الچ امي واعرف بعلاقة زينب ومسار