يسعد مسائكم احبتي 😘😍
#ندبة_عشگ
#اساور_الجابر 🌹🌷🌹
❤❤❤❤❤
وصرخت راااااااااااااااااااااااااااااائد بصرخه مو طبيعيه
حسيت انو الكون كلهه سمع صرختها وعرف بنهاية حب
رائد و زينب
.............................
وره مامات رائد وخلصت الفاتحه زينب صارت حالتها حييل صعبه ومابطلت بجي ولحد الان اذكر من جانت تنام وتفز اتصرخ باسم رائد وتبجي واحضنها واهديهه وتنام .....
حته جانت متروح للمدرسه ولاحتى تاكل ولاتشرب ذبلت مثل الورد لمن يذبل
وره مامات رائد حته ضحكه ماشفتهه تضحك مثل قبل
جانت بس كاعده بفراشهه واشكد اجن صاحباتهه علمود يطلعنهه من الحاله الي جانت بيهه بس ماكدرن ضلت حابسه روحهه بالغرفه ولابسه اسود ومكرفصه عله روحه بالفراش حته سبح متسبح الكل انتبهه عله حالتهه امي ابوي واخوي محمد وفاطمه الي جانت راح تموت من الخوف عليهه بس محد كلف عله روحه يشوف شبيهه لان كل واحد ملتهي بروحه.........
وره اقل من شهر طلعت من غرفتهه وداومت بالمدرسه وذبت الاسود وصارت هواي تكعد عله تلفوناتهه تقريبا 24ساعه وتضحك وتسولف ولاجنها زينب قبل شهر ومره من المرات جانت الساعه 11باليل سمعتها تسولف وي ولد بالموبايل
فاجيت عليهه
اسراء:معقوله زينب انتي شدسوين بروحج معقوله نسيتي رائد بهل السرعه؟ ؟
ردت وهيه تمشي للكنتور( لان جنه بالغرفه)
زينب:اووووف يعني اذا مات رائد اموت وراه بعدين شنو فايدة الحزن عليه واني اريد اشوف حياتي افتهمتي ولعلمج هذه الولد مو الوحيد الي اخابره عندي فوگاه 5
اني نصدمت تفاجئت حييل يعني كل هذه الحب وره ميموت المحبوب ينسي غريب احنه البشر بسرعه ننسى ....
اكيد زينب كايلتله ماراح انساك طول عمري اشو هسه نسته ل رائد وبشهر واختفى حبه ......
بس بعد مافكرت وطلت التفكير وشفت الموضوع من زاويه ثانيه عرفت ان الي دسوي زينب هوه غضب وتعبر عنه لهذا تسوي كل هاي الشغلات وتخابر بالولد علمود تنسه رائد بس مستحيل يجي احد ينسيها رائد............
...........................................
من سحلتني فاطمه وضلينا نركض واني عيني عله الولد الي جان منطيني ظهره وديكتل بعلاء لذالك ماكدرت اشوفه
ضلينا نركض لحد ماوصلنا لبيت فاطمه ونزعنا البوشيات
اسراء:عفيه فاطمه لتكولين لاحد عن الي صار اليوم
فاطمه:عوبه يعني المن اكول
(علاء بعد ماعرف باستشهاد رائد وره كم شهر من استشهاده كام يلحكني مرات بس مكام يوكف كبال المدرسه لان رائد كال للشرطه انهه توكف كبال المدرسه علمود تمنع ظاهرة التحرش بالبنات )
وهاي المره خلصت منه بس المره الثانيه شلوون صايره اخاف من علاء منو يخلصني منه وجنت احاجي روحي وصلت لبيتنا ووجهي مخطوف لونه امي لاكتني
امي:هااا يمه اجيتي من وكت
أنت تقرأ
ندبة عشگ
Romanceقصه من نسج الخيال ابطالهه من الواقع 😊....تتكلم عن فتاة عراقيه ساقتها الصدف لتحب شخص ليس من المفروض ان تحبهه لتدخل معه في تجربه لنرى اذ كانت ستنجح معه ام لا؟
