يسعد مسائكم احبتي ✌🍒😚
#ندبة_عشگ
#اساور_الجابر
🍇🍇🍇🍇🍇🍒🍒🍒🍒❤❤
بعد مارجعنا من السوگ طبيت ريحت بغرفتي ونزعت ملابسي ولبست دشداشه قصيره لجوه الركبه ونزلت للخالتي اساعدها بالمطبخ
طبيت للمطبخ وجانت خالتي كاعده ع الكرسي وتثرم
انه كعدت يمهه وضليت العب بتلفوني بعد ماسالتها اذا تريد اساعدهه وهيه رفضت
واني جاي اكلب بالانستا شفت استوري مال زينب جانت منزله ستوري مال محادثته هيه ومسار كايل بيهه احبج وهيه راده عليه احبك
وعرفت اختي انهه كدرت واخيرا تحب شخص من صدگ .........
انه رديت ع الاستوري
اسراء:هاااااا عزه 😂😂
زينب:شعندج فاتحه حلكج عادي اعترفلي بحبه واني اعترفت همين بحبه
اسراء:هااا حبيتيه يعني 😉😉
زينب:يمكن 😏😏
اسراء:شنوو يمكن؟ ؟
زينب:احس نفسي معجبه بيه وبتصرفاته بس هوه بااارد
اسراء:امممممممم خوش الله يجيب الي بيه الخير
زينب:صدگ ليمت تجين ؟؟
اسراء:ماادري
زينب:خااب ابوي سال عليج وكال ليمت تجي اسراء
اسراء:خاب اريد اروح للعرس مال ام حيدر
زينب:ولج ابوي يريدج ترجعين ومايرضه تروحين للعرس
اسراء:ااااففف لعد شلووون
زينب:كلي لخالتي خل تحاجيه وتخابره وتكله وهوه اكيد ماراح يفشل خالتي اذا طلبت تيقين وياهه بعد اجم يوم
اسراء:خرب يومج ام الخطط
زينب:شعبالج انه ام الزوز مو اي كلام 😎😎
اسراء:احبج باي
زينب:وانه اموت عليج بنيتي 😂باي
رفعت راسي لخالتي الي جانت كاعده كدامي
اسراء:خاله تكول زينب ابوي يريدني ارجع وهم مايرضه اروح للعرس ففدوه خاله اريدج تخابريه علمود ابقه يمج
خالتي:خوش راح اخابره
اتصلت عليه
خالتي:هله ابو محمد شلونك خويه؟
ابوي:هله ام مهند انه بخير شلونج انتي؟
خالتي:زينه الحمد الله جايتك اليوم بطلب
ابوي:امري شنو طلبج ؟
خالتي:مايامر عليك ظالم خويه بس اريد تبقه يمي اسراء مادام ابو مهند مسافر ووالله البيت خله عليه البيت من بعده واسراء ملته عليه اريد تبقه سراوي يمي بعد جم يوم
ابوي:غاليه والطلب رخيص خليهه يمج وشوكت ميعجبج وديهه
خالتي: مشكور خويه هواي فرحتني يله في امان الله سلمنه
ابوي: يوصل في امان الله
انه باوعت لخالتي وضحكتي ماليه وجهي وحلكي واصل لاذاني
اسراء:هاا خاله شكال ابوي
خالتي: وافق
انه ضليت اكمز
اسراء:يعني راح اروح
خالتي:اي بس تره ابوج مايقبل وانه ماكتله بس ديربالج ابوج يدري تره ميخلج تجين لهنا ابد
اسراء:لاااااااا لاااا شنو يدري اصلا منو يكله
خالتي:خوش
اسراء:الله خاله راح اروح لعرس اصلا صارلي هواي مرياحه لعرس وانه كلش احب الاعراس احسها تونس
خالتي:اي الاعراس حلوه يوم اشوفج احله عروسه كولي امين
اسراء:اااامييين بس وره التخرج من الكليه
خالتي:فديتج بنيتي الطموحه الي مومثل باقي البنات توهه طبت متوسطه وتريد تزوج وانتي وره التخرج عفيه عليج تره الدراسه كلش مهمه وتفيدج الى بعد الحدود وفوگ ماتصورين انه كدامج كملت دراسه وانه مزوجه وجنت سنه ثانيه كليه وابو مهند تقدملي وتزوجت وكملت كليتي وتعينت معه ان جان ابو مهند مامحتاج ان انه اشتغل بس ومعه هذه دعمني وساندني علمود اشتغل واعتمد عله نفسي
اسراء:واووو اتمنه كل الزلم نفس ابو مهند
خالتي:نشاءلله تلكين واحسن من ابو مهند بعد
وره الغده رحت نمت وراهه غسلت ملابسي ونظفت غرفتي ونظفت البيت وخالتي تلح عليه وتحلفني ماسوي شي
بس انه عنيده حييل وماسمعت كلامهه وكملت تنظيف البيت وانه الصراحه من هواياتي تنظيف البيت كلش استمتع وانه انظف خلصت تنظيف
وواذن الاذان ووصلينه انه وخالتي وكعدنه نقرا قراءن وتفسرلي الايات الي تقراهه
خالتي شخصيه كلش مثقفه وعدها هواي كتب ومن اجي الهه اخذ كم كتاب وروايات يكونن كلش عظيمات واقراهن واستمتع بيهن
كتبها مختلفه وكلهن مو نفس النوع او نفس الاختصاص جانت مكتبتها مثل المشتل الي بيه انواع الورود مختلف تماما يعني عدها كتب بالفلسفه وبالكيمياء وبالدين وعدها كتاب الانجيل وحته التوراة وكتب لكافكا وتولستوي وشيخوف ودوستوفسكي وحته سارتر ونيتشه وكل هؤلاء عدهه من كتبهم فيعني اذا ناقشتهه بموضوع مستحيل تفوز بيه لان دايما هيه الي راح تفوز وتخسر اكبر محامي بالعالم من خلال مناقشتهه باي موضوع ومن خلال اسلوبهه وكلامهه عرفت شلون الكتب تقوم لسانك وتعدل اسلوبك فليهذا انه ضليت اقره مثلها وقبل لاانام اخذت كتاب من مكتبتهه جان اسمه المسخ لكافكا مترجم للعربيه وجانت قصته ان رجل الي هوه (غريغور)تحول بصباح احد الايام الى صرصار وجان هوه المعيل لاهله وبعد التحول قاطعوا اهله وكالوا هذه مو ابنه وجانت روايه تخبل ناقش بيهه غرابة الحياة وتفاهته تقريبا كملته ب3ساعات وبعدها نمت
أنت تقرأ
ندبة عشگ
Romanceقصه من نسج الخيال ابطالهه من الواقع 😊....تتكلم عن فتاة عراقيه ساقتها الصدف لتحب شخص ليس من المفروض ان تحبهه لتدخل معه في تجربه لنرى اذ كانت ستنجح معه ام لا؟
