صباح الخير احبتي 🍒😘😍 اتمنه تابعون هاي البنوته وتضيفون اكتابهه
#ندبة_عشگ
#البارت_السابع
#اساور_الجابر
🌷🌷🌹🌹🌹🌹🌹
بقيت واگفه
مرت من يمي سياره وجان الولد الصاعد بيهه نفس الولد الي انطيته المفتاح قبل كم يوم الولد ابو عيون وجانت كاعده يمه بنيه حلوه وشايله طفله وداير وجهه عليهه ويضحك
بوكتها اتضايقت واختنكت حييل
اسراء:معقوله اول حب بحياتي يطلع مزوج ولا عده بنيه اوووووف 😭😭
اجت خالتي عليه
خالتي:شبيج وجهج مخطوف؟
اسراء:ماكو شي يله خل نمشي
صعدنه بالسياره وطول الطريق انه افكر وسرحانه بغير عالم
دخلت البيت وصعدت لغرفتي ونزعت الشال والعبايه
وتمددت ع الجربايه ودفنت وجهي بالمخده ونزلت عليهه دموعي والوم بنفسي وارزلهه
اني شگد غبيه يعني شنو حبيته وشنو اول حب بحياتي اصلا انه ماحاجيه وياه بس مره وحده ووكعت عيوني بعيونه وجانت بس لحظات زين هسه ليش متالمه اووووف اوووف من نفسي الي بسرعه تهوه
رحت مسحت المكياج وفتت سبحت ونمت .......
الصبح حظرت الريوگ وگعدنه انه وخالتي نتريگ ونسولف شصار امس بالعرس وحجتلي عن وحده شافتهه بالعرس وخطبتني من عدهه وتحدت خالتي وكالتلهه اخذهه اخذهه (تقصد عليه 😎)
واني بس اسمع بوحده خطبتني افطس من الضحك واحسها نكته لان وجهي مو وجه زواج 😂
وره يومين لميت غراضي وجنت اريد اروح لاهلي لان رجل خالتي راح يرجع وابوي كال لازم اجي
وانه همين ردت اروح اشتاقيت لاهلي ولخواتي واخواني
ودعت خالتي ورجعت للبيتنا الي جان موكلش بعيد عن بيت خالتي تقريبا بيه مشي نص ساعه او ربع الساعه
وصلت لبيتي ودخلت وفاطمه اول ماشافتني گبل حظنتني وچني ماشايفتهه خمس اسنين مو خمس ايام وسلمت عله امي وزينب الي چانت توهه كاعده من النوم
ورجعت للتنظيف والدورات والدراسه بعد الاجازه الي گضيتهه ابيت خالتي
وره اسبوع بده الدوام وبدات المدارس ورجعنه لرحلات الدراسه واطونه نتائج نصف السنه وانه طلعت ناجحه ومعدلي 86وفاطمه صديقتي ناجحه ومعدلهه 79 وچنه حيل فرحانات بالنجاح ودعينه انو تكون درجاتنه بالبكلوريا مثل هيج وبعد اعلى
وفاطمه اختي ناجحه ومعدلهه 93جانت طبعا حييل فرحانه بمعدلهه وانه كلش فخوره بيه
رجعنا للبيت وسوينا حفله وكيك واغاني عله نجاحنه وضلينه نرگص اتلاثتنه واخوي كرار ويانه
وهم خالتي تصلت عليه وكتلهه وباركتلي وهواي فرحت بنتيجتي
وره تقريبا نص شهر جنت داسمع زينب تخابر
زينب:جعفر شبيك دفهمني والله ماكدر اسويها يعني شلون اطلع وياك لبيتكم والله ماكدر فدوه لاتزعل اذا اكدر والله اسويهه بس
وهيه كالت بس ...
انسد التلفون بوجهه
اسراء:زينب (وانه حييل مستغربه) منو هذه جعفر اول مره اسمع بيه ضلت تبجي وتكول
زينب:خاااب اسراء هذه ولد اعرفه من زمان وچنه بس اصدقاء وقبل اسبوع اعترفلي بحبه وانه هم جانت عندي مشاعر باتجاهه حييل يفهمني ويعرفني
أنت تقرأ
ندبة عشگ
Roman d'amourقصه من نسج الخيال ابطالهه من الواقع 😊....تتكلم عن فتاة عراقيه ساقتها الصدف لتحب شخص ليس من المفروض ان تحبهه لتدخل معه في تجربه لنرى اذ كانت ستنجح معه ام لا؟
