قصّة حبـّي أنــا ♥♥منــال♥♥

مقدمة

سلام هاذا اول كرونيك ليا

ان شاء الله يعجبكم و اذا عندكم اراء او اقتراحات حطوها ف التعليقات

...

انا منال من الشرق الجزائري حشامة منحبش المخالطة بزاف صحبتي لانتيم اسماء جداتها اخت جداتي  حبيبتي و صديقتي من لي كان عندي 11 سنة عايشة ف ولاية خلاف 

عندي 29 سنة عندي ماستر تسويق خدمي و كي العادة مالقيتش خدمة نتمرمد من خدمة لاخرى حتى لقيت بوست مليح كمساعدة و مترجمة و سكرتيرة اساسية و مهمة في شركة ****** نتعامل مع الاجانب في الصين تركيا الهند اسبانيا...

عايشة مع ماما ماكثة ف االبيت..عندي 2 خواتاتي مزوجين و اخ واحد مزوج ساكن وحده عمره 40 سنة  عقليته فوووربصح يقلق بزاف هو ولي أمري و كلمته لي تمشي ف الدار..بابا توفى من مدة طويلة و والفنا حياتنا وحدنا بلا ببيه

بدات قصتي كي كان عمري 21 سنة كنت نقرا سنة ثانية جامعي جامي مشيت جامي عرفت دراري هاداك العام درت فيس جديد منعرفش نمشي بيه مليح  اجوتيت واحد(تسبيق الاحداث) تعرفنا على بعض و قينا نحكيو حبينا بغضانا و توافقنا كي تخرجت من الجامعة جا طلب يدي و خويا بقى يماطل يماطل حتى رجعله قاله بلي ماقبلش غاضتني روحي بزاف بيسك خويا ف الزواج يشوف مولات شي هي لي تقبل ولا لالا زادو جاوني خطابة موراه والو قلت غير هو لي نديه و خويا مش لاهي بالخطابة طول غير يليكيدي فيهم بلاما يقول لنا على سبة قريب عام بش قالي علاش.... على جال صاحبه و جارنا و عشرتنا ..*وسيم*.. لي هاجر لانجلترا عنده عامين و راه يستنا بش يخدم كواغطه تم ..

ف ديك الفترة انا تهاوشت مع لي كنت معاه قالي موقفتيش معايا و كنت لازم تواجهي خوك تقوليله نحبه و غير هو لي نديه

 و انا تربيتي متسمحليش بهاد الشي كاامل..مالا تسيبارنا كل واحد راح لحاله و بطبيعة الحال قبلت بصاحب خويا احتراما لخويا و فتحت معاه و بقيت على هاذ الوضع لغاية اليوم لي ....

...

ديرولي نجمة بش نعرف شحال راه متبع قصتي

10 نجمات نحطلكم البارتي 2...