قصّة حبـّي أنــا ♥♥منــال♥♥

باغــتي 07 ♥

راقدة و شعري مرمي على المخدة منحبش نلمو كي نكون حنرقد نحب نحله و نمشطه و كي نحط راسي على المخدة لازم نجبدو من تحتي و نرميه على المخدة الله غالب فيا عادة و بالاك هادي عادة اغلب البنات راقدة على جنبي ليمن و متكمشة كي وضعية الجنين و الغطا مغطيلي من كرشي و اهبط و رجل واحدة تطل ههههه هاي باينة الشعب الجزايري كامل منين جيه الفطنة لازم يخرج رجل من الغطا هههههه

حتى نحس بنيفي ياكل مرة زوج عرفتها كش ذبانة تخنتش عند جدي خخخ فتحت عيني لقيت خيال وجهه مقابلني على المخدة

- زعما وليت نشوفك ف منامي و في واقعي تاني ههه

قلتها بصوت مسموع و مبحاح بصح واطي و ابتسامة بريئة ف فمي (خخخخخخخ كثرت نشكر روحي بززاف ) حتى سمعت صوته

-يسما شفتيني ف منامك .قوليلي وش نمتيني؟

فجأة اختفات الابتسامة من فمي و عينيا تحلو على وسعهم نشوف فوجهه مقابلني محطوط على المخدة بينه و بين وجهي شي 15سم وتخطفت من بلاصتي و نعيط  عيذة واحدة طبب جيت طايحة على ظهري تحت السرير و رجليا بقاو معلقين فوق السرير مخبلين ف الغطا

-ااااااااي ظهري احححح راسي اممما دخخت

حتى سمعته يضحك بصوت عالي و خارجة من قلبه طلعت راسي بوجه مصدوم

-شششراك دير هنا؟؟؟ماما شافتك؟؟؟؟

-الناس يقولو صباح الخير

-وشمن خير يرحم والديك ننوض نلقاك قاعد ف شمبرتي بكل بساطة .هبلللت؟؟كفاش دخلت؟ وقتاش دخلت؟؟؟؟

نعم يا سادة انه وسييم لقيته قاعد مترحرح ف الأرض و حاط راسو على المخدة لي كنت انا راقدة عليها و ابتسامة عرييضة ف فمه

-يا مهبولتي دخلتني ماماك و زربت خرجت قاتلي راح عليها الحال و مقبيل وانا نستنا فيك محبتيش تنوضي

-ماما دخلاتك لدار و خرجت و خلاتك وحدك؟امبوحااال

-سي باسكو جات نوضاتك يا المهبولة و قاتلك بلي راني هنا و بلي رانا خارجين

-اوووو وكتااش(و هنا تولهت بلي انا البقرة ديما كي ينوضوني و نكون مش شابعة نوم يقولولي الحاجة و ننساها و صراتلي شحال ن مرة حبس حبس قالي خارجين؟؟)

-وش قتلي دكا؟

-رانا خارجييين

-وشنو؟شكون؟

-انا و نتي. رانا خارجين ندورووو و ماماك قبلت

-اااااع مكاش منها قبلت ماما ياااااس والله دارتلي القنطة خدمة دار دار خدمة ماغسي ماغسييييي بوكووووو