قصّة حبـّي أنــا ♥♥منــال♥♥

بــــاغتي 11 💖

بـاغتي 11

كي لحق تورنا باش نعقدو حنا...دخلت انا و معاي خويا و عمي و هو مع خوه و باباه ..ريحنا و انا حاكمة قلبي بيدي ميتة بالخوف و التوتر كلي ليلة الدخلة.... خزرت فيها لقيته متوتر بصح مخبي هاداك التوتر بهدوء وابتسامة كبيرة ومبعد دورت وجهي لخويا لقيته شاف فيا كلي فاقلي بلي راني مييتة ههه...حط يديه على كتافي زعما باش يديرلي الكوراج...تبسمت مع وسيم و خزرنا مع بعض في هاداك السيد....هو بدا يحكي و من بعد سقساني...انا حسيت قلبي طاح بين رجليا...شفت مع وسيم لقيته غمض عينيه و مهبط راسه حتى لوين سمعني قلت نعم ثلاث مرات بش طلع راسه بضحكة كبيرة ف وجهه و انا رجعتله بابتسامة تاع حشمة مخلطة بفرحة اومبعد دور وجهه عند هاداك السيد ...كي سقساه جاوبو تم تم كي الملهوف ههه و هو دار سقسى الشهود و من بعد اعلنا زوج و زوجة مدلنا سنيينا و عطاني ليفريدفامي كي حكمته حسيت بقشعريرة و سخانة و رجفة مشاو ف يديا احساس ماتقدروش تتخايلوه غير كي جربوه و الضحكة ماحبتش تفارق فمي حسيت فمي بلوكا ف الضحكة ههههه

وقفنا للزوج ..سلمت على عمي و خويا اومبعد على باباه و هو كيفي... خلاهم هوما يباركو لبعضاهم و دار لعندي..حكمني من ذراعي وجبدني ليه و قرب باسني من جبيني لمدة طويييلة و من بعد حضني وفمهكان توال وذني قالي بصوت واطي

-رجعتي مرتي و لمنا ليفري واحد....مبروك علينا عمري

انا مت بالحشمة بصح طلقت الحرية لمشاعري و فرحتي مدام ف الحلال و قتله

-يبارك فيك حبي

اومبعد جبد روحه عليا وشاف فيا بابتسامة كبيرة و عينيه يبرقو من الفرحة و حكمني من يدي و خرجنا و تبعونا لي كانو معانا...كي شافونا لي كانو برا باركولنا اومبعد مد باباه لعمي دراهم العشا و خرجنا ركبنا في الطونوبيلات و تفرقنا لديارنا

طريق كامل وانا حاكمة ليفري و نتفرج فيه و الضحكة لصقت حلفت لا تبعد من فمي و دمعة هبطت من عينيا مش مصدقة هاذ اللحظة وليت حضنته و بقيت نشوف مع الكارو تع الطوموبيل حتى لحقنا

لقينا عماتي و عمامي ونساهم و خالاتي و خوالي و نساهم و اولادهم و بناتهم الله يبارك لمزية دارنا شوي كبيرة و معاها جردة مغطية مستورة مع دخلنا بدو يزغرتو و يسلمو و يباركو حتى دخت جبدتني اسما و داتني لاشومبغ لو تبعونا البنات 5 برك لي قراب ليا لي مداصرتهم صفية و سارة بنات خالتي توأم و ختهم اسيل و بنات عماتي دنيا و ليلى نحيت حجابيو لبست روبة خفيفة و بقينا نشايخو و حكيتلهم كيفاش عقب العقد اومبعد تفرقو هوما راحو يكملو معاونة و انا فرزت شمبرتي حتى لقيت تيليفوني يصوني لقيته وسيم 😍💕😊

-سلام عليكم

-وعليكم السلام

-منيش مأمن بلي وليتي نتاعي ..نحبك