قصّة حبـّي أنــا ♥♥منــال♥♥

باغتي 09 😍

باغتي 09

وصلنا عند سمر استقبلتنا بفرحة هي و راجلها (اسمه سمير ناس ملاح و ليد اصل متربي و كالم ما شاء الله و عندهم 2 بنات راوية 8 سنين و رقية 4 سنين)

حطتلنا القهوة و العصير و الفاكية تقهوينا قصرنا حكينا اومبعد راحت هي دير العشا و سمير و وسيم ف الصالون و انا توضيت و صليت و رحت توال سمر

-سمر كشما تحتاجي معاونة

-لا يعطيك الصحة راكي ضيفة عيب نستغلك معليش دك نكمل بالخف

-ياااه لاه انا ضيفة؟ والله كي العسل نعاونك حبيبتي بلا مزيتي

-اوك هايليك السلاطة اخدميلها لاصوص بيسك خلاصتلي الواجدة

-اوك

خدمت لاصوص و تبلت السلاطة و زينتها ف طبسي لقيت سمر كملت عشاها بديت نوجد طابلة و عيطت لوسيم و سمير قعدنا تعشينا كي كملنا الرجال راحو للصالون و انا لميت الطابلة جيت نغسل حلفتلي سمر عليهم قاتلي بلي راجلها خرج عيطله سيد ايرجون و قاتلي بش نروح نقعد مع وسيم نحكيو شوي هههههه

رحت توال وسيم لقيته يصلي رحت انا صليت و رجعت تواله و قعدت لقيته شاف فيا بابتسامة اومبعد هز تيليفونه و اتصل بعمته لي ف الانجليز ههه دارها اكسبري مسكين كلي كان يستنا فيا هههه

**

(يخي قتلكم ف بداية القصة بلي فاميلتو كامل ف الانجليز بحكم ماماه الله يرحمها تعرفت على واحد من الانجليز باباه كان يقريها ف المدرسة اللغة الانجليزية خطبها و زوج بيها و راحو عاشو ف الانجليز و جابو وسيم و سمر توأم و ياسين لي كي زيداتو ماتت وسيم و سمر جاو عند جداهم تع امهم رباتهم و كي كبر وسيم كمل جامعة تاعه ف الانجليز و بقا خدام تما و سمر زوجت بحبيبها سمير بقات تطلع للانجليز و تهبط بيسك راجلها ماقبلش يعيشو تما على جال خدمته و والديه و ياسين حكماته جداته تاع باباه تربى تما ف الانجليز و قرا تم و كي كبر ولا يطلع و يهبط ف ليفاكونس برك بيسك مزاله ف الجامعة)

**

نرجعو لقصتنا وسيم اتصل بعمته ف الفايبر و بقا يحكي معاها و دور لاكام ليا على اساس يوريها خطيبته و لاني منعرفهاش يعني اول مرة نحكي معاها و الحمد لله كس نعرف نهدر انجليزي سو هدرنا انجليزي

-سلام وشراكي

-سلام لاباس الحمد و نتي وشراكي

-لاباس الحمد لله

-عجبتك مرتي؟😁

-ما شاء الله مرت وليد خويا تهبل😍

-شكرا ربي يحفظك نتي تاني تهبلي😇😅

-لا والله صح تهبلي تبارك الله عليك بوبية ربي يوفقكم و يكمللكم على خير👏

-شكرا ربي يخليك امين يارب☺😊