تكمله حكايتى مع القمر

الجزء الثالث عشر من روايه حكايتى مع القمر

نوران : و بعدين بعد م هقولك الخطه الجديده هتعمل ايه هتبوظها زى كل مرة مش كده عشان كده بقي انا قررت انى مش هساعدك و مش هقولك عليها
احمد ؛: نعم 😠يعنى ايه ده انتى الوحيده اللي تعرفى تساعدينى أن اخلى قمر تحبنى عشان لما اتقدملها مش ترفضنى زى م بترفض باقى العرسان
نوران: لا ياعم روح اتقدملها و ريحنا
احمد: ولو رفضتنى
نوران: م ترفضك فيها ايه يعني
احمد: كده يانور و انتى ترضى برده أن اخوكى قلبه يتكسر و المرة الأولى والوحيده اللى يحب فيها تبقي دى اخرتها للدرجادى كسرة خاطرى هانت عليكى
نوران: ماهو
قاطعها احمد قائلا : ماهو ايه بس ثم اصطنع التمثيل  لا انا زعلان
نوران قد رق قلبها ع أخيها فهو أخيها الوحيد وكل ما لها ف الدنيا
نوران: طب خلاص هساعدك و امرى لله
احمد: بجد
نوران: اه بجد
احمد: طب مكان من الاول لازم الفرهده دى جتك نيله عيله فقر
نوران: نعم
احمد؛ ها قولى بقي
نوران: ثانيه واحده يعني انت كنت بتمثل عليا انك زعلان وكده
احمد: امال انتى فاكرة ايه ..انا موهوب ف التمثيل
نوران: حرام عليك يا اخى ده الدمعه كانت هتفر من عينى
احمد: ها خلصتى رغي يالا اخلصى بقي و قولى ام الخطه النحس دى
نوران: طيب خلاص بص بقي و ركز معايا ف كل كلمه بقولها عشان الخطه الطويله و كبيره
احمد: و بعدين بقي في مقدمه موضوع التعبير دى م تخلصى يا حاجه
نوران: طيب بص انا هتصل ب قمر لما الدراسة تبدأ و اقولها انها وحشانى وانى عايزه اقعد معاها ف اتفق معاها اننا نقعد مع بعض على الكافيتريا و تيجى انت معدى من جنبنا بالصدفه يعنى ف اشوفك و اخليك تقعد معانا و طبيعى هتتكلموا مع بعض و هعرفك بيها......ها قولى بقي ايه رايك
احمد : هى دى بقي الخطه الطويله الكبيره
نوران: اه
احمد: قديم اوى الخطه دى
نوران : نععععمم يا اخويا انت هتتأمر كمان
وضع احمد يده على فمها لكى يكتم صراخها
احمد: ايه هشششش هتفضحينا واطى صوتك ده ماما هتسمعك
رفع احمد يده من على فم أخته
نوران: طب اوعى بقي حرام عليك هتموتنى انا قولت اللى عندى عجبك ولا لا
احمد: عجبنى يا اختى  و ربنا يستر
نوران :يالا سلاموز بقي انا

قبل بدأ الدراسة بيوم واحد
احمد: ها يا اخرت صبري كلمتيها
نوران: هى مين دى
احمد: لا ده انتى عايزاه تضربي بقي
نوران: فى ايه يا احمد م تهدا كده و اقول هديت
احمد؛ نعم
نوران: تتح مش عبيط
احمد: ايه
نوران: لا ده انا قولت بس اكمل باقى اغنيه
احمد: اغنيه ايه
نوران: اغنيه اللى ف فيلم تتح
احمد و هو ممسكها من هدومها
احمد: تتح مين و اغنيه ايه
نوران: الاغنيه اللى بتقول أهدى و اقول هديت تتح مش عبيط و حاجات كتير كده و بعدين قال مكنش عندى سرير و نمت ف تحرير باين
احمد؛: يخربيت تفاهتك ايه يا شيخه ارحمينى بقي من تفاهتك يا اما اخليكى تنامى ف العتبه مش التحرير
نوران : طب خلاص صلى على النبي
احمد: عليه الصلاة والسلام بصي لو متصلتيش بيها اتصلى بلغيها خلينا نخلص
نوران: لا يا روميو اتصلت وكل حاجه تمام
احمد: طب م كان من الأول
نوران: هههه طب اديك اطمنت ممكن بقي تسبنى انام
احمد: ماشي تصبحى على خير
نوران: وانت من أهله