تكمله حكايتى مع القمر

الجزء التاسع عشر ( البحث عن الحقيقة)

احمد : ايه ده الصورة دى انا عرفها
نوران بلهفه : صورة أنهى ورينى
احمد: الصورة دى انا متصورها مع عمر صاحبي
نوران: و عرفت ازاى
احمد: انا ف الصورة دى كنت لابس مدليه فضيه عشان كنت بلعب مع عمر كاراتيه و كسبته بس هو كسرلى دراعى وانا بلعبه حتى بصي دراعى متجبس اهو و كان هو متصور معايا و كانت رجليه مكسورة كنت كاسرهاله ف الماتش و من ساعتها واحنا صحاب
نوران: اه فهمت ..بس ايه اللى جاب الصورة دى و فبركها كده
احمد: اهو ده بقا اللى لازم أعرفه ....انا هروحك و بعدين هروح لعمر  افهم منه يمكن حد اخد منه الصورة ولا حاجه
نوران : ماشي
وصل احمد أخته نوران الى المنزل ثم قرر أن يتحدث مع عمر صديقه فقام بالاتصال به
احمد: الو أيوة يا عمر
عمر: اذيك يا ابو حميد عامل ايه
احمد: انت فين
عمر : انا ف البيت
احمد: طب انا هجيلك عند بيت و ارن عليك و تنزل عشان عايز اتكلم معاك شويه
عمر: ف ايه مالك
احمد: مافيش حاجه انا جايلك يالا سلام
عمر : طب سلام
وعلى الجانب الآخر
مجهول ١ : برافو عليك ركبت الصور مظبوط  لدرجه انى  صدقت لوهله انها حقيقه
مجهول٢: الحمد لله يا ست هانم أن شغلى عجبك
مجهول ١: عجبنى جدا بصراحه
مجهول ٢: طب بالنسبة لباقي فلوسى هاخدها امتى انا تعبت جدا عقبال م عرفت اركب الصور دى و خلى كل اللى يشوفها يقول انها حقيقيه 
مجهول ١: خلاص خلاص ايه الرغى ده كله السواق بتاعى هيجيلك و يديك باقى فلوسك و زيادة كمان سلام
مجهول ٢: مع السلامه يا هانم

وصل احمد عند منزل عمر و اتصل بيه
احمد: أيوة يا عمر انا تحت بيتك انزلى
عمر : طب م تطلع يا ابنى ده بيتك برده
احمد: لا معلش مرة تانية يالا انزل
عمر: طب ماشى
نزل عمر الى احمد و ركب ف سياره احمد
عمر: ايه يا ابنى مالك قلقتنى فيك ايه  و ايه اللى حصل ف موضوعك انت و قمر يا عريس
بدأ احمد يشك في عمر صديقه و قال يمكن يكون هو اللى فبرك الصور دى عشان يبعد بينى و بين قمر طب و هو هيعمل كده ليه مش يمكن بيحبها و بيسالنى دلوقتي على موضوع ده معنى كده أن الموضوع يهمه ..طب يمكن بيسال عادى عايز يطمن يعنى مش اكتر خرج من شروده على صوت عمر: ايه يا ابنى انت روحت فين انا بتكلم معاك بقالى ساعه و انت ف عالم تانى خالص مالك يا احمد انت كويس؟؟
احمد: هو انت ايه رايك في قمر
عمر: نعم 😒 يعنى انت منزلنى من البيت و متصل بيا و خلانى اقلق عشان واحده انا لو شوفتها في الشارع مش هعرفها اصلا حرام عليك يا عم 🤦
احمد: انا مقولتش لحد غيرك انى هرتبط بقمر ده عشان انا بحبك و بعتبرك اخويا و اكتر لكن اللى عملته ده اسميه ايه
عمر: عملت ايه انت بتتكلم عن ايه
احمد: اعمل نفسك عبيط بقا
عمر: احمد فى ايه بالظبط انت بتتكلم معايا كده ليه هو ف ايه بالظبط
احمد: والله متعرفش ف ايه انا هحكيلك ف ايه
قص احمد كل الموضوع على صديقه عمر ثم قال
احمد: محدش معاه الصوره دى غيرك عشان انا متصورتش مع حد غيرك انا اصلا مش بحب أتصور بس ساعتها انت اصريت ف اتصورت معاك و انت الوحيد اللي تعرف بحكايتى انا و قمر و انى هروح اتقدملها يبقا مين اللى عمل كده اكيد انت
عمر: انت اتجننت ؟؟!! انا مستحيل اعمل كده مستحيل يا احمد انا هعمل كده ليه انا
احمد: مش عارف مش يكمن عشان معجب بقمر ف قولت تفرق بينى و بينها
عمر : لا بقا انا صبرت عليك و على الهبل اللى بتقوله ده كتير لكن كلمه كمان اقسم اعرفك شغلك انت فاهم
احمد: انت بتهددنى
عمر: انت حمار يالا ؟؟ ده انت اخويا الوحيد و صاحب عمرى ازاى اعمل حاجه  زى كده  و بعدين ياذكى انا هبقا معجب ب قمر ازاى و انا معرفهاش اصلا انت ازاى تفكر فيا كده ده انا لو بحبها زى م بتقول كنت هسبهالك انت تتقدملها و تتجوزها عشان اللى حكتهولى عن قمر بيوضح انها كمان بتحبك و عشان بحبك انت كمان ف هسبهالك 
احمد: امال مين اللى عمل كده
عمر: اللى عمل كده ليه مصلحه كبيرة اوى انك تبعد عن قمر
احمد: ف حد اخد منك الصور دى صح؟؟.. اللى اخد الصور دى هو اللى فبركها و هو اللى عايز يفرق بينى وبين قمر .....افتكر يا عمر افتكر كده ف حد أخدها منك او طلب أنه يشوفها حتى
عمر بتفكير: اممم 🤔 🤔
احمد: افتكر
عمر: أيوة مافيش غيرها
احمد: مين

وفى الجانب إلاخر فى المستشفى عند قمر
فاقت قمر من نومها و اول م تذكرت ما حدث ظلت تبكى على ماحدث و لكن كان هناك شىء ما بداخلها يقول لها أن احمد برىء دخل عليها والدها خالد
خالد: ايه ده انتى فوقتى ياقمر من امتى و بتعيطى ليه يا حبيبتي صل على سيدنا محمد و مش تعيطى ثم اخذها ف حضنه
قمر: مش مصدقه يا بابا مش مصدقه أن احمد يعمل فيا كده و بيجرحنى و يكسرنى كده
خالد: الحمد لله أن احنا عرفناه على حقيقته قبل م حاجه تحصل
قمر: بس انا حاسه أنه برىء  يا بابا
خالد : نعم يا اختى  ده احنا شايفين الصور  يعنينا
قمر : يا بابا انا حاسه أنه برىء و أنه بيحبنى و انا احساسي مش بيكدب عليا
خالد: لا احساسك المرادى بيكدب عليكى احمد ده واحد مش محترم بيدعى دور. الاحترام و الفضيله ادام الناس بس لكن هو اصلا انسان مش محترم
بكت قمر على حالها و مما هى في ف المرة الوحيدة التي تحب فيها يتضح أن حبيبها ....
خالد : ايه مالك ساكته ليه بتفكرى فيه مش كده ؟ انسيه بقا يا قمر  انسيه
قمر ببكاء: مش قادره يا بابا انا بحبه اوى
خالد و قد رق قلبه على حال ابنته الوحيدة و قال بينه وبين نفسه: يا حبيبتي يا بنتى يعنى يوم م يتقدملك واحد بتحبيه و موافقه بيه يكون ده مصيرك و يطلع غشاش كده استغفر الله العظيم من كل ذنب عظيم يا رب ربنا يقدملك اللى ف الخير يا بنتى
خالد و قد وجهه كلامه لقمر: ادعى ياقمر دعاء سيدنا يونس هو كان ف كرب كبير و ربنا فرجها عليه و أنقذه ادعى عشان ربنا يفرج كربك
قمر: اللهم لا اله الا انت سبحانك اني كنت من الظالمين
،،🌹🌹🌹🌹🌹🌹🌹🌹🌹🌹🌹🌹🌹
ياترى مين هى اللى فبركت الصور عشان تفرق بين قمر و احمد  و ليه عايزه تفرق ما بينهم
ياترى احمد هيعرف مين اللى عمل كده  و هيعرف يثبت براءته و لا هيفضل متهم
هنعرف كل ده ف الجزء القادم باذن الله 
🌹🌹🌹🌹🌹🌹🌹🌹🌹⁦🏵️⁩⁦🏵️⁩
دمتم متابعين و دمتم بألف خير
بقلم
نور طارق