تكمله حكايتى مع القمر

الجزء العشرين

عمر : مافيش غيرها
احمد' : مين
عمر: ساندى
احمد: ايه ساندى!!!
عمر: اه ساندى ...ساندى بتحبك و كانت بتحاول تقربلك بأى طريقة  و انت مكنتش طليقها اصلا بس هى كانت برده بتحاول ولما جيت اتصلت بيا و قولتلى. انك بتحب قمر و هتروح ترتبط بيها كانت هى واقفه معايا قابلتنى بالصدفه ف الجامعة فكانت بتسال عليك ولما قفلت معاك قالتلى ايه ف ايه فحكتلها انك هترتبط بقمر و كده و لقيت وسهل جاب ميت لون و حسيت انها هتعيط المهم وانا بكلمها حد من الطلاب بتوعى جه و سالنى على رساله الماجستير في وانا يشوفها موبيلى كان عيوبه منى  فقولتلها امسكى بحسن نيه يعنى و انا انشغلت مع الطالب ف الرساله واكيد هى انتهزت الفرصه و اخدت الصور
احمد : يا بنت ال.....
عمر: معلش اصلها بتحبك واللى بيحب حد بيبقا عايزه ليه
احمد: دى مش بتحب غير نفسها دى انانيه.  و عندها مرض نفسي كل الولاد اللى ف جامعة كانوا هيموتوا عليها و انا مكنتش معبرها عشان كده عايزة تمتلكنى لكن هى مش بتحبنى اللى بيحب حد بيبقا عايزه مبسوط و سعيد حتى لو مع غيره
عمر: طب أهدى وصل على النبي
احمد: عليه افضل الصلاه واتم التسليم ....أهدى ايه بس انت مش شوفت ابو قمر عمل معانا ايه الراجل مش طيقنا
عمر: طب وبعدين
احمد: لازم اثبتلهم انى مظلوم وانى ماليش اى ذنب ف اللى حصل
عمر : طب هنعمل ايه ...اى حاجه هتعملها انا معاك فيها
احمد بتفكير:  ماشي...هنعمل ايه هنعمل ايه .....بس لاقتها بص يا سيدى و اسمع كلامى بالحرف الواحد
عمر: تمام يا كبير
....................................................
قام عمر بالاتصال على ساندى
عمر : أيوة يا ساندى اخبارك يا بنتى مش بتسالى ليه
ساندى: هاى عمر معلش بقا مشاغل
عمر: شوفتى اللى حصل
ساندى: ايه  اللى حصل
عمر: احمد يا سيدتى لما راح اتقدم للبنت دى اللى اسمها قمر ابوها وجه بصور كده مش كويسه لاحمد
ساندى بدهشة مصطنعه : يا خبر و بعدين
عمر: احمد حاول يقولوا أنه مالوش اى علاقة بالصور دى لكن الراجل طبعا مش صدقه ف احمد قاله أن شاء الله عنك م صدقت راح واحد امه واخته و مشي و ساب الراجل
ساندى: ايه ده بجد عمل كده
عمر: اه اصلك متعرفيش احمد موته وسمه اللى ميصدقوش  احمد مش بيكدب فمعنى انك مش تصدقيه انك مش بتثقى و مش بتحبيه ف عشان كده بقا احمد اتعصب على الراجل و سابه و مشي
ساندى: اه وبعدين
عمر: بس يا سيدتى و حاله احمد دلوقتي زى الزفت منهار على الاخر يا عينى انا بحاول اخليه يفك شويه مش عارف ابقي اتصلى بيه يا ساندي و حاولى تخرجى من المود بتاعه ده
ساندى: اوك لو لاقيت نفسي فاضيه هيقا أكلمه يالا سى يو
عمر : ماشي سلام
اغلق عمر مع ساندى الهاتف و هو يعلم تمام العلم انها سوف تتصل ب احمد و كان أحمد يجلس بجوار عمر و يستمع إلى محادثتهم
اتصلت ساندى ب احمد
ساندى : هاى احمد
احمد : هاى ساندي اذيك
ساندى: زعلانه منك
احمد : ايه ده ليه كده
ساندى: بتصل بيك كتير و مش بترد و يبعتلك رسائل واتس و ماسنجر و برده مش بترد
احمد ف سره : ربنا يحرقك بجاز
احمد : سورى ساندي كنت مشغول شويه  معلش و على فكره انا فاضي النهارده و ياسيدتى عشان مش تزعلى منى ايه رايك نخرج النهارده
ساندي بدهشة: ايه ده بجد
احمد: ايوه اختارى المكان اللى انتى عايزاه و نخرج فيه النهارده
ساندي : وااو ماشي انا عايزه اخرج اروح .......
احمد : اوك ظبطى نفسك وانا ساعه و جاى باى
ساندي : اوك باى
أغلقت ساندى الهاتف مع احمد و هى تقول لنفسها واااو أيوة لما اترفض من ست قمر طلب منى انى أقابله هههههه قال قمر تاخده منى قال ههههه
وعلى الجانب الآخر عند احمد  وعمر
عمر : انت ناوى على ايه يا احمد الخطه بتاعتك دى انا مش مستريح ليها
احمد: ناوى أظهر الحقيقه
............................................
بعد مرور ساعه ذهب احمد بسيارته الى منزل ساندى و انتظرها حتى أتت إليه و ركبت سيارته
ساندى: هاى احمد
احمد: هاى ساندى
ساندي: اخيرا شوفتك
احمد: ههههه اه اخيرا .......شوفتى اللى حصل معايا ف موضوعى
ساندى تصطنع الحزن: اه شوفت  عمر حكالى بس  انت ملكش ذنب انت اكيد مظلوم و هما كانوا لازم يعرفوا كده هى لو بتحبك بجد مكنتش صدقت عليك حاجه زى كده
احمد؛ معاكى حق بس برده يا ساندى اى بنت ف مكانها كانت هتعمل كده دى الصور متركبه صح اوى مش فيها غلطه
ساندى: احنا مش بتكلم على الصور احنا بنتكلم على المبدأ نفسه انها ازاى تصدق عليك حاجه زى كده هى لو بتحبك بجد كانت وثقت فيك و كصدقتش عليك حاجه زى كده
احمد: معاكى حق ....بس قوليلي انتى لو ف مكانها.كنتى هتعمل ايه كنتى هتصدقينى ولا هتصدقى الصور
ساندى : كنت هصدقك انت طبعا
احمد: لو عرفتى اللى عمل كده كنتى هتعمل ايه
ساندى بتوتر: كنت.....كنت بهدلته و عرفته أن الله حق
احمد: بس تفتكرى مين ليه مصلحه يعمل كده
ساندى: مش....مش ..مش عارفه بصراحه
لم يعد احمد يستطيع التمثيل و اكمال خطته فوجد نفسه يقول لها : لييه ليه عملتى كده ليه هستفادى ايه لما تشوفينى زعلان و مكسور و بعيد عن البنت اللى بحبها حرام عليكى
ساندى بدهشة : احمد انت بتقول ايه
احمد: انتى اللى عملتى كده ....انا متاكد انك انتى اللى عملتيها عملتى كده ليه حرام عليكى
ساندي: احمد
احمد: فاكرة انك بالخطه التافهه دى هتقدرى تبعدينى عن قمر لا .....مافيش حاجه تبعدنى عن قمر غير الموت قمر دى حب حياتى حبي الاول والاخير هى النفس اللى بتنفسه فاكرة انك هتبعدينى عنها كده بكل سهوله تبقى غلطانه يا ماما
ساندي: كفايه .....كفايه أيوة انا اللى عملت كده اخدت صورك من موبيل عمر و ركبتها على صور بنات و بعتها الى ابو قمر عشان يرفضك عشان انت ليا انا مش لحد غيرى مش هسمح لاى بنت على الأرض تقرب منك
احمد: انتى مريضه ولازم تتعالجى دى نصحتى ليكى و لولا أنك بنت انا كان زمانى ليا معاكى تصرف تانى  انزلى من العربية و ابعد عنى و عن طريقى ده لو انتى فعلا بتحبينى ساندي  اللى بيحب حدبيحب يشوفه مبسوط و سعيد وانا مش يبقا مبسوط غير مع قمر لو بتحبينى بجد ابعدى عنى يا بنت الناس و الا انا مش عارف انا ممكن اعمل ايه يالا انزلى ....انزلى
خرجت ساندى من سياره احمد وهى مصدومه مما حدث و حزينه على حالها و كانت سوف تصنع لاحمد مكيده  أخرى لولا أنها تذكرت جملته "اللى بيحب حد  بيحب يشوفه مبسوط " فقررت ساندى الابتعاد عن طريق احمد الى الابد
.............
كان أحمد يسجل حواره مع ساندى و اخذ التسجيل و ذهب بيهم بيه الى المستشفى حيث هناك قمر و خالد
احمد: عمى
خالد : انت تانى ابعد عننا بقا يا اخى
عمر: يا استاذ ارجوك اسمعنا احنا جايين و معانا اللى يثبت أن احمد برىء
خالد : برئ؟!!!
عمر  ؛: أيوة برىء والله العظيم برىء اسمع الريكورد ده وانت هتصدق .
وكان كل هذا أمام قمر
سمع كل الحاضرين الريكورد و ثبتت براءه احمد
خالد : يعنى البنت دى هى اللى عملت كل ده ...
احمد: أيوة يا عمى
خالد: انا ....انا اسف يا بنى على اللى عمالته معاك بس اعذرنى قمر دى بنتى الوحيده و اى اب ف مكانى كان هيعمل كده
احمد: عذرك يا عمى انت معاك حق .....ها قولى بقا حضرتك لسه رافضنى ولا
خالد : الخطوبه الخميس الجاى
احمد: بجد اخيرا ... الحمد لله
🌹🌹🌹🌹🌹⁦🏵️⁩⁦🏵️⁩⁦🏵️⁩⁦🏵️⁩⁦🏵️⁩⁦🏵️⁩
بقلم
نور طارق