*صغيرتي المغروره 😍
البارت الثاني والعشرون 😍
.اتمني ان اخفيكي في قلبي حتي لا تراكي كل تلك العيون .
فأنتي صغيرتي وملك لي وحدي ليت قلبك يتمكن من ان يفهمني .عنيده انتي وانا اعشق عنادك .ومغروره قلبي .وانتي تلك الصغيره التي اسرت قلبي 😍 .
كان مازن يتحدث مع وائل حول من الفائز....
مازن : انا هوريك مين هيفوز ..
وائل :........
مازن : انتي يابني .هاااي.وائل انت معايا.
وائل : هااا...
مازن : مالك ؟
ظل وائل معلقا عينيه حيث ينظر.فألتفت خلفه ليري إلاما ينظر صديقه .فوجد ريم تتحدث مع يارا وهي ترتدي ثوب السباحه (اامايوه الاسلامي )
مازن بغمز لصديقه : اللي واخد عقلك 😉
وائل بهيام : اااه .قد ايه هي جميله.بس مش معبره امي خالص .
مازن بضحك :اتقل ياد كده .
وائل : ياعم اكتر من كده.
مازن : بص يا صحبي ريم اختي وهي بنت مؤدبه جدا.ومتربيه كويس .ودمها خفيف .(ثم اكمل بضحك ) وبتضحك علي كل حاجه .وهبله احيانا .
وائل : ايه يا عم انت بتعاكسها قدامي كده عيني عينك .
مازن : اه عادي 😂وبعدين هي مش هتديك سكه في الوقت ده عشان لسه مخلصتوش ثانوي .لكن لو بتحبها بجد خلص السنه دي ولو شاريها تعايا اطلب ايدها لما تدخل الكليه .
وائل : الله عليك يابو نسب .هو ده الكلام الصح .يلا بقا عشان سوف يشهد الجميع خسارتنا وخسارتك علي يد تارا .
مازن : في المشمش .
وائل : انت متأكد انك عشت ١٧ سنه في امريكا ؟
مازب بتعجب : اه .ليه ؟
وائل : اصل لغتك بلدي خالص .و زي ماتقول كده لوكل 😂😂
مازن :علي اساس انك بتكلم انجليزي مثلا .ياد دا انت لغتك عده اللوكل بمراحل 😂.
وائل : بيني وبينك مبحبش شغل انطي.وانكل.ومرسي.ودادي.ومامي . تحس ان الكلام عايز يتعمله اعاده ترجمه .😂😂😂😂
مازن بضحك : اه والله .يلا ياد قدامي .
________________________________
عند تارا كانت تتحدث.مع ريم حول ما قاله كابتن نادر .
تارا بعصبيه : يعني هو قالك وانتي ماقولتليش .
ريم بتوتر : ااا..انا....يعني ..بصي....مش عارفه ...ااااا...
تارا : انتي هنجتي .
ريم : والله يا ريري كنت هقولك بس نسيت .
تارا بغضب : تمام اوي ..........
ريم : ريري..مالك...ريري ..مسهمه كده ليه ؟
تارا وهي تشيري بأصبعها الصغير ناحيه شخص ما : ش..شو..شوفتي ..مين هنا ؟
نظرت ريم حيث وجدت مازن يتحدث مع وائل .
ريم بتوتر : ا.اااه ..ده مازن ...بس ايه جابوا هنا ؟
تارا : وده بيعمل ايه هنا مش قولتي انه هيجي بعد النادي ..يبقي جه هنا ليه ..
ريم بكذب : معرفش.
تارا بشك : يعني انتي متعرفيش يا ريم .
ريم بتوتر : ااه.اه .
تارا : مع اني مش مص.........
ريم : مالك .
تارا بخوف : ده..ده...جه هنا ..و..و رانيا كمان هنا..ممكن الكابوس يتحقق.
ريم : اهدي بس يا حببتي .ان شاء الله خير..ممكن رانيا ماتخدش بالها.منو اصلا.
تارا : ا.اه...يارب متاخدش بالها. ثم اكملت بغيره بس لو جات جمبه مش هترددلحظه واحده واقتلها .
ضحكت ريم علي خوف صديقتها وغيرتها التي تظهر تلقائيا فهي عرفت كم تحب تارا مازن .ليس لحد الحب فقط فقد عبر قلب تارا شاطئ الحب فهي الآن تهيم به عشقا..ولكن ليت قلبها يعترف بهذا ولو لمره واحده .فهي تأبه الأستسلام لعواصف الحب .فهي لأول مره تجبر علي شئ حتي وان كانت تريده ولكن كبريائها يرفض هذا .حتي وان وقع قلبها اسيرا في حبه فعقلها لن يستسلم .لم تتعامل معه كثير ولكن لشئ غريب اصبحت تحب رؤيته اصبحت تغار من رؤيته يتحدث مع اي فتاه .في قلبها جزء سعيد لأن بعد عده ايام سوف تتزوج مازن ولكن هي خائفه من شئ مجهول لا تعرفه ...
سمع الجميع صوت كابتن نادر ليجتمع الجميع حوله .وقفت الفتيات في صف ووقف الصبيان في صف .
كابتن نادر : بصو يا جماعه انا عارف ان دي اول مره يكون في ماتش بين الشباب والبنات .ف الأول هنيعين قائد لكل فريق هيكونوا هما الاتنين اخر اتنين يتنافسه سوا وكمان لازم يكونوا اكفأ اتنين .ف هنبدأ بفريق الاولاد ..انا هعين مازن .
وقعت تلك الكلمه علي اذن الجميع ونظروا الي مازن وبالأخص رانيا التي ابدت اعجابها بهذا الشاب الوسيم امامها .وتمنت لو ان الكابتن يختارها هي لتتنافس معه .سمعت تارا همهمات رانيا لصديقتيها عن اعجابها بمازن وايضا تمنيها بأن تصبح منافسته .فأصبحت الدماء تغلي في عروقها فها قد رأت رانيا مازن واعجبت به .فقد يتحقق ذلك الكابوس.ولكن لا لن تسمح بهذا فهو سوف يصبح زوجها..ماذا ؟ هل اعترفت اخيرا انه زوجها ؟ ..ايا يكن فلن تسمح بأن تقترب رانيا من مازن ......قطع شرودها صوت كابتن نادر.
نادر : ومن فريق البنات طبعا تارا .
كان الجميع يتوقع هذا عدا رانيا التي اصبحت في نفسها تسب تارا لأنها دائما ما تأخذ مكانها في حل شئ او ان هذا ما تعتقده .اما مازن فكان سعيدا لأنه سوف ينافس صغيرته المتمرده ليري كم سوف تصمد امام هذا التحدي .اما تارا فكأن دلو من الماء البارد قد صب فوق رأسها ولكن هي سعيده لأن رانيا لن تنافس حبيبها
اصبح لكل فريق قائده .واصبح كل قائد يدون اسماء فريقه بالترتيب ليكون كل شاب من الفريق تنافسه فتاه من الفريق الاخر .كانت تاره منشغله بتودين اسماء الفتيات .اما مازن فعلي الرغم من انشغاله فكان يختلس النظر لها .انتهي الاثنان .ذهب مازن الي كابتن نادر.
مازن : كابتن انا خلصت ايه هنبدأ بقي.
نادر : اه تمام يا بطل .دلوقتي انا هروح لتارا اخليها تبلغ الفريق يجهز.
مازن وهو يشعر بالغيره : لا لا خليك يا كابتن انا هروحلها .متتعبش نفسك.
نادر وهو يشعر بالغيره : لا خليك هي اساسا مش بتكلم حد جديد او غريب ف ممكن تتكسف تتكلم معاك .
مازن وهو يود ان يقتله : لا لا انا مش غريب خالص دي تارا تبقي بنت عمي .
نادر بصدمه :ايه ..بنت عمك !
مازن بثقه : اه بنت عمي ..كان يود ان يخبره انها بعد ايام سوف تصبح زوجته ولكنه امسك لسانه حتي يتحدث مع تارا حول هذا الامر .
نادر في نفسه : اه اكيد مش غريبه الواد مز وتارا زي القمر والاتنين امهر اتنين في الفرق يبقي مش غريب يكونوا قرايب ..بس الواد ممكن يعجب بتارا واكيد ممكن تعجب بيه هي كمان ..مصيبه ده جيه من امريكا من فتره صغيره يعني اكيد ملحقش يكون عندهم بيت هنا مصيبه ليكون معاها في نفس البيت.
نادر لمازن : هو انت وعيلتك عايشين مع تارا وعيلتها .
فهم مازن قصد نادر : اه ..لحد ما نجهز بيتنا .انا هروح اقولها .
ذهب مازن تاركا نادر يشيط غضبا .لاحظ وائل هذا فذهب مسرعا الي مازن استوقفه .
وائل : ايه يا عم انت قولتله ايه خلاه مولع كده ده النار طالعه من وشه.
مازن ضاحكا : ههههههههههه طب خد شويه ميه طفيه.
وائل : ايه العسل ده .اخلص قولتله ايه .
مازن : ده ولع اول ما عرف اني قريب تارا امال لو عرف اني بعد كام يوم هبقي جوزها هيعمل ايه ...احس مازن انه كشف سره لصديقه ولكن لسانه قد غدر به.
وائل بصدمه : ايه ..بتقول ايه...جوزها اللي هو ازي يعني ..انا عايز افهم...
مازن وهو يكمم فم صديقه : اخرس يا جزمه هتفضحنا ..انا هقولك علي كل حاجه بس بعد ام الماتش ده ما يخلص .
وائل : ماشي امشي بقا خلي الفريق التاني يجهز .
ذهب مازن الي تارا وجدها تقوم بالتحدث مع الفتايات .
تارا : بصوا اللي هيحصل النهارده حاجه مش جديده علينا الفوز مش صعب ومش عايزه توتر من التغير الجديد مفهوم .
البنات : مفهوم .
سمعت تارا همهمات البنات عن شاب قادم نحوهم وسيم .فلم تعرهم او تعره انتباها بل كانت تعطيه ظهرها وهي تراجع الاسماء .
مازن وهو متعمدا اغاظت الجميع : ريري الكابتن بيقولك بلغي الفريق عشان هنبدأ.
نظرت جميع الفتيات بدهشه الي هذا الشاب انه قائد الفريق الاخر ولكنه ينادي تارا بريري ولا احد يجرأ علي هذا غير الفتايات او شخص تعرفه .
تارا بعصبيه وصوت منخفض : ريري في عينك .انا اسمي تارا محدش يعرف انك ابن عمي .وكده ممكن يتكلموا .
مازن بمكر : محدش يعرف اني ابن عمك وخطيبك وجوزك .ايه رأيك نعرفهم .
تارا بتوتر: ااا..اا.. احنا لسه متكلمناش بعدين نشوف بس مش عايزه حد يعرف لو سمحت ممكن .
لاحظ مازن الخوف في عينيها التي علي وشك البكاء فهو يعرفها قويه ومتمرده ولكن هل مجرد ذكر انه زوجها يجعلها تبكي .
مازن هامسا : خلاص خلاص انا بهزر .يلا روحي بلغي فريقك .
نظرت له في سعاده وبادلها النظره كأنها طفله صغيره وهي قررت شئ في داخلها لأنه اسعدها بأخباره انه لن يخبر احد بموضوع زواجهما .
ذهبت تارا اللي الفريق .
تارا : يلا يا جماعه عشان هنبتدي .
سألت احدي الفتايات تدعي اسماء : تارا هو انتي تعرفي قائد الفريق التاني ؟
فتاه اخري اسمها جميله : اصله قالك يا ريري والصراحه احنا عارفينك كويس مش بتتكلمي مع حد .
تارا بعدم خوف متعمده اغاظت رانيا: اه هو ابن عمي .
صدمت رانيا لان الشاب الوسيم اصبح قريب تارا .
رانيا في نفسها : حتي ده طلعت قريبته وانا عارفها اكيد هتحوم عليه لحد ما تاخده بس بعينه ده بتاعي انا وهي مش هطوله ابدا .
اسماء : ابن عمك بجد ..بتهزري ..وانا اقول الحلاوه جايه منين اتاري الجمال وراثه .
ضحك الجميع علي جمله اسماء .
اكملت جميله : هنيالك يا عم معاك ابن عم مز بقي وحركات .
تارا : لاوالنبي .يلا يابت منك ليها عشان نخلص .😂
ضحك الجميع وتوجهوا حيث اجتمع الفريق الاخر .
بدأ الجميع في التنافس كان كل فريق يتكون من عشره فاز فريق البنات اربع مرات وفريق الشباب ايضا (اقولكم علي سر رانيا لما نافست ولد خسرت هي والاتنين صحابها يعني بسببهم خسرنا تلات نقط انما الرابعه عشان في بنت كانت تعبانه يا حرام .وكمان ريم اتنافست مع وائل 😉) تبقي فقط المنافسه بين تارا ومازن هي من ستحدد من الفائز .
بدأ السباق وكانت تارا تسرع في البدايه ولكن لأنها لم تتمرن جيدا كانت عضلاتها لا تقوي ولكن كانت تحاول بكل مالديها اما مازن فكان يريد الفوز وبشده ولكنه التفت الي تارا ووجدها علي وشك التوقف من كثره الألم وايضا وجد نظرة الرغبه في الفوز في عينيها وجدها تحاول .
وجدها تحاول بكل مالديها من قوه .سمع الجميع يشجع بأسمها .حتي فريق مازن شعر بتعب تارا فبدلا من ان يشمت بها الفريق ويتمنوا الفوز لمازن قاموا بتشجيع تارا فهم جميعا اصدقائها بالمدرسه منهم في عمرها ومنهم الاصغر منها وجميعهم يعرفون كم هي فتاه متواضعه وطيبه و ذكيه الكل يقدر تارا ويحبها من قلبه لأنها تعامل الجميع برفق ولا تتكبر علي احد هي فقط محدوده مع ريم ولكن حين يتحدث معها احد تعامله معامله حسنه ولكن ان وجدته يغازلها ويريد التقرب منها بطريقه غير الاخوه والزماله مثل محمود فهي ترفضه وترفض معاملته وتصبح جافه معه .....
كان علي وشك الفوز ولكن نظر الي عينيها التي تبشر انها علي وشك البكاء من كثرة الالام في ذراعيها لم يتحمل رؤيه صغيرته هكذا .يريد الفوز ليثبت انه افضل منها ولكن قلبه يعترف انها اصبحت افضل منه حين سكنت قلبه .ابطأ سرعته ليتستطيع التقدم عنه قليلا .
اما هي فقد كانت الآلآم تزيد علي زراعيها لا تعرف السبب ولكن بالتأكيد لأنها لم تتدرب ولم تكن تدري ان اليوم هناك مباراه او لأنها اخذت فتره لا تأكل او تشرب ولا تخرج من غرفتها كأنها تحجز نفسها بها عقابا علي شئ لا تعرفه.ولكن هي تريد الفوز .نظرت له وجدته ابطأ وافسح لها المجال لتتقدم فرحت وشكرته داخلها وتقدمت للامام .
بعد عده دقائق وصلت الي النهايه وخرج الاثنان وصفق لهما الجميع علي التحدي الرائع وتقدمت ريم بسرعه نحو تارا لتفحص ذراعها ووجدت انها بخير .واطمأن الجميع عليها عدا (رانيا وصحباتها طبعا .بنبي وبينكم احسن هي اصلا رخمه 😂) ومازن الذي ظل ينظر لصغيرته من بعيد يشعر بحب ...وغيره كلما اقترب شاب ليطمأن عليها ويشعر بقلق كلما تأوهت من ذراعها ..انتهي الجميع وذهب الكل ليقوم بتغير ملابسه .استغلت تارا الفرص ووجدت مازن يقف امام المسبح فذهبت اليه .
تارا وهي تخبط علي كتفه برفق : لوسمحت.
التفت اليها مازن وجد صغيرته تقف امامه وشعرها مبلل ترفعه لأعلي وخصله متمرده تغطي وجهها الناعم وعيونها تنظر اليه وبسمه صغيره علي شفتيها المتكنزتين ووجها الملائكي مثل الأطفال.
مازن : نعم .
تارا بتوتر : اا..ا.اانا ..يعني..كنت عايزه اشكرك .
مازن مصطنع عدم الفهم : علي ايه ؟
تارا : يعني اصل انت كنت خلاص هتفوز وبعدين قللت سرعتك وانا اللي فوزت وانا اعترف اني كنت خلاص خسرانه بسبب وجع ذراعي ف قولت لازم اشكرك.
مازن وهو مبتسم : لاشكر علي واجب ياستي وبعدين في واحد يشوف مراته تعبانه ومش يساعدها .
توترت تارا اثر جملته وسرت رعشه في جسدها .واحمرت وجنتها في خجل .
تارا:..ايه..انت بتقول كده ليه انا مش مراتك لسه .
مازن بمكر: فاضل كام يوم بس .
تارا بتوتر : .ااا...ا انا هروح اشوف ريم.
مازن : طيب ....صح روحي انتي وريم كافيه (.........) استنوني فيه .
تارا : ليه ؟ انت مش هتيجي معانا .
مازن : معايا موضوع كده مع وائل اخلصه و هحصلكم .
تارا : تمام .بس متتأخرش .
مازن بخبث: خايفه عليا !
لم تجبه تارا بل فرت من امامه هاربه والخجل يكسوها .ابتسم هو عي تصرفها الطفولي وذهب لصديقه .
ذهب وائل مع مازن الي الكافيه الموجود في النادي وقص مازن كل شئ علي صديقه منذ طلب والده يد تارا له في هذا الوقت حتي حفل زواجهما الذي تحدد بعد ايام .
وائل : كل ده .ابوك ده طلع نمس يا معلم ظبتك في تارا .بس عندي تعقيب صغير هي رأيها ايه ؟
مازن : معرفش هي كانت مش موافقه بعدين وافقت طول الفتره دي ولا بنتكلم كلمه مع بعض واخدت فتره حابسه نفسها في الاوضه مش بتاكل كويس يعني يدوبك بتروح الدرس وترجع تنام بس كده انا مش فاهم حالتها والله .
وائل : اكيد طبعا عقلها متشتت دي صدمه عليها وموضوع يعني صعب حد يصدقه. طيب وانت ؟
تنهد مازن : والله يا صحبي مش عارف انا رافض فكره بابا كان يستني لما اكون راجل بجد يعتمد عليه وانا لوحدي كنت هروح اخطبها واتجوزها انا اصلا من اول يوم شوفتها قولت مش هتكون لغيري
وائل : طلعت بتحبها يا مازن 😉
مازن : والله .دي هتجنني رسمي جبتني ارضي من اول يوم شوفتها فيه عشقت كل حاجه فيها ضحكتها وعيونها وتمردها وغرورها كيانها كل حاجه فيها .
وائل بضحك : ماتشوفلي ابوك يدبسني في ريم زي ما دبسك في تارا كده يعني خليها تدبيس اهالي .😂😂😂
مازن : اسمها تسليم اهالي وبعدين ريم عريسها عندي.
تبدلت ملامح وائل من الضحك الي الغضب والغيره كانت اول مره يراها مازن : عريسها مين ده ان شاء الله .
مازن وهو يحاول كتم ضحكاته : واحد صاحبي اسمه وائل تعرفه ؟
وائل بفرحه وهو يحتضن مازن :الا اعرفه ده حبيب قلبي . حبيب قلبي انا مغلطش لما قولتلك ابونسب .
مازن : طب انا اروح الحقهم عشان اتكلم مع تارا والحق اوزع ريم اشوفك بكره .
ذهب مازن الي تارا وريم ..
____________________
ماذا سوف يحدث بعد ؟
هل فكره زواج تارا ومازن في هذا السن مقنعه لكل منهم او حتي للناس؟
هل سوف تتحسن المعامله بينهم ؟
هل رانيا سوف تنفذ وعدها بأن تأخذ ما ليس ملكها؟
لماذا اختفت جيسيكا ومحمود هذه الايام ؟
_____________________________
شجعوني انتوا بتفاعل علي كل حلقه وانا هكمل بليز عايزه كل واحد يقرأ يعلق برأيه وبلاش والنبي كلمه (تم ) دي انا مش بطلب لايك وتعليق لمجرد اني الاقي تعليقات كتير وبس انا بطلب رأيكم توقعاتكم شاركوني بيهم .😍😍😍
بقلمي / تغريد محمد
