صغيرتي المغروره ❤️(الحلقه اللي ناقصه من الألبوم)
البارت الرابع والأربعين. الأخيرة
في مستشفي (تارا) تلك المستشفى التي قام ببنائها يوسف ومراد معا.. لقد اكتملت تماما وأصبحت من أفضل المستشفيات.. وقسمت المستشفي الي أدوار.. دور خاص بعلاج الباطنه ودور خاص بعلاج العيون ودور للجراحه ودور للقلب و الخ.....
وكل دور به عدد ليس بقليل من الأطباء المتخصصين في ذلك المجال.. وكان مراد هو مدير ذلك المركز الطبي... بينما يوسف رفض أن يكون في الإدارة وطلب أن يظل يعمل في مجاله كدكتور عيون.
في مكتب الدكتور يوسف كان منشغلا في عمله وقد كان اليوم ملئ بالمرضى.. حين دخل عليه مراد في سعاده بالغه.
مراد بفرحه :يوسف.
يوسف بأبتسامه وقد قام ليصافح أخاه :مراد.. ازيك النهارده... معلش كنت هاجي معاك الجلسه بتاعت النهارده بس والله اليوم كان صعب وناس كتير طلبتني بالاسم.. بس هاجي الجلسه الجايه.
مراد بفرحه :خلاص يا يوسف مفيش جلسه تاني الحمد لله..
يوسف بعدم فهم :يعني ايه؟
مراد :يعني خفيت يا يوسف... يعني خلاص مبقاش في ورم.. يعني خلاص مفيش كانسر ومفيش جلسات.. مفيش تعب تاني.. خلاص يا يوسف الحمد لله ربنا شفاني ربنا استجاب لدعائنا يا يوسف.. يعني الف حمد وشكر لله على كل شيء..
احتضن يوسف اخوه بسعاده بالغه فهذا الخبر هو أفضل شئ كان ينتظره منذ مده.. لا يكاد يصدق ان الله عز وجل أنقذ أخاه من ذلك المرض الذي حتما كان سيقدي علي حياته ولن ينجو منه ابدا.
يوسف بسعاده :الف حمد وشكر ليك يا رب... الحمد الله.. الحمد لله... شوفت يا مراد ربنا عالم بعباده.. ربنا نجاك يا مراد الحمد لله.
مراد بسعاده :الحمد لله.. الحمد لله انا فرحان اوي يا يوسف.. حاسس اني رجعت شباب عشرين سنة.. متتخيلش الموضوع ده من كتر الخوف كان بيحسسني كأني خلاص بقيت 90 سنه مثلا.
يوسف بسعاده وهو يجلس مع مراد :قولي بقا عرفت ازاى.
مراد وهو يتذكر والبسمه علي شفتيه :بص انا بعد ما خلصت الجلسه الكيماويه روحت لدكتور فوزي اشوف ايه اخبار الورم وياتري ممكن ربنا يشفيني منه ولا خلاص مفيش امل.. وأول ما دخلت على دكتور فوزي....
فلاااش باك :
مراد بتعب :السلام عليكم يا دكتور فوزي.
دكتور فوزي بأبتسامه :وعليكم السلام يا مراد بيه.. اتفضل... ايه اخبار الجلسه النهارده حاسس انك بخير؟
مراد بتعب :نفس تعب كل مره.. بس الحمد لله.. انا اللي جاي أسألك على الأشعة اللي عملتها من ساعه وعايز اعرف الورم ده هيمشي ولا مفيش امل.
دكتور فوزي بأبتسامه :الأمل ديما موجود طول ما ربنا موجود يا مراد بيه.
مراد :ونعم بالله.
دكتور فوزى بأبتسامه :وعلي العموم نتيجه الأشعة قدامي ولسه مراجعها... واقدر اقولك يا مراد بيه حمد الله علي السلامه.
مراد بعدم فهم :يعني ايه؟
دكتور فوزي :يعنى ربنا استجاب لدعائك ورفع عنك المرض الخبيث.... الأشعة قدامي بتقول ان المرض اختفي وملهوش وجود نهائي في الدم.. بس كنت مضطر اخلي حضرتك تعمل جلسه النهارده عشان نتأكد من خلو الجسم تماما من المرض... والحمد لله على كل شيء.. ده كان ابتلاء من ربنا وانت صبرت عليه.
مراد بفرحة. :الحمد لله.. الحمد لله.. الف حمد وشكر ليك يا رب... شكرا اوي يا دكتور الفضل يرجع لحضرتك بعد ربنا.
دكتور فوزي بسعاده :الحمد لله يا مراد بيه.. ولا شكر علي واجب ده واجبي.
خرج مراد من عند دكتور فوزي وتوجه مسرعا الي يوسف ليخبره ما حدث.
