|| STRAWBERRY || 【SEASON - II】《COMPLETED》

🍓 fσυятєєи

" အသက်ကလေး "

ချစ်ရတဲ့သူရဲ့ဖုန်းလေးကိုလက်နှင့်ဆုပ်ကိုင်ရင်းအရူးတစ်ယောက်လိုချစ်ရသူလေးအားအိမ်ထဲနှံ့အောင်ကျွန်တော်ပတ်ရှာနေမိသည် ။

အမြဲလိုလိုနာကျင်စရာတွေကိုပဲဖန်တီးတတ်တဲ့ကျွန်တော်က တကယ်ပဲသူပြောသလိုသူနဲ့မတန် ။

သို့သော်လည်း ကိုယ်နဲ့မတန်တဲ့အမြင့်မှာပဲလှပစွာဖူးပွင့်နေသည့်ပန်းကလေးကိုတုံးခုပြီးခူးဆွတ်ပန်းဆင်နမ်းရှိူက်ချင်မိသည်မှာ နှလုံးသား၏အကြီးမားဆုံးအလိုဆန္ဒ တစ်ရပ်ပင်ဖြစ်သည် ။

" အသက်ကလေး "

တိတ်ဆိတ်နေသောအိမ်အတွင်းကျယ်လောင်စွာဟိန်းထွက်လာခဲ့သောခေါ်သံ ။ မီးဖိုချောင်ထဲမှာပဲရှိနေလိမ့်မည်ဟုထင်ခဲ့မိသောချစ်ရသူမှာ တစ်အိမ်လုံးနှံ့နေပြီဖြစ်သော်လည်း ဘယ်ဆီဘယ်ဝယ်မှမတွေ့ရတာကြောင့်စိတ်အလုံးစုံတို့မှာတစ်စတစ်စပူပန်ရှုပ်ထွေးလာခဲ့သည် ။

မဟုတ်မှ ... ဟင့်အင်း .. မဟုတ်လောက်ပါဘူးလေ ။ သူ ကျွန်တော့်ကိုစိတ်နာပြီး ထပ်ထားသွားခဲ့တာတော့ မဖြစ်နိုင်လောက်ပါဘူးလေ ။

" ဟင့်အင်း ... မဟုတ်ဘူး ... မဖြစ်နိုင်ဘူး !!! "

" ဟျောင့် သေချင်းဆိုးနားကား .. ဘာလဲ .. ဆေးမသောက်ရလို့ ဂေါက်သွားပြီလား ကြောင်တောင်တောင်နဲ့ တစ်ယောက်တည်းစကားတွေပြောနေတာ "

ကိုယ့်ဟာကိုမေး ကိုယ့်ဟာကိုခေါင်းတခါခါဖြင့်ပြန်ဖြေနေမိစဉ်အနောက်ကျောဘက်မှကြားလိုက်ရသောစကားသံလေးကြောင့် အနောက်သို့သမင်လည်ပြန်လေးပြန်လှည့်ကြည့်လိုက်တော့ တွေ့လိုက်ရသည့် လက်နှစ်ဖက်တွင် ဟင်းစားအိတ်အကြီးအငယ်ကိုင်ဆွဲထားပြီး ကျွန်တော့်အားမျက်ထောင့်နီနီဖြင့်စူးစိုက်ကာရပ်ကြည့်နေသောချစ်ရသူ ။

ဘုတ် !!!

ဝမ်းသာအားရဖြင့်ချစ်ရသူလေး၏ကိုယ်လုံးလေးအားရင်ခွင်ထဲသို့ဆွဲသွင်းလိုက်မိတော့ ကြမ်းပြင်ပေါ်သို့ပြုတ်ကျသွားခဲ့သော သနားစရာဟင်းစာအိတ်လေးတို့ ။