معلومات عن الابطال البطل اسمه زياد شكله طويل حنطي عيونه سود المهنة مهندس والداه متوفيان عنده خوات اثنين عايش بوحده البطله ريم طويله بس مو حيل يعني طولها حلو رشيقة شعرها احمر وهاي طبيعته بيضة عيونها ملونة عايشة ويا امها وعدها اخت واخ من غير اب لان ابوها متوفي من هيا صغيرة وزوج امها يحبها ومربيها من هيا صغيرة احداث هاي القصة حلوة وان شاءالله تعجبكم .................الكاتبة رنا لطيف..................................................................................نبدي القصة وياكم زياد يشتغل بدائرة حكومية مهندس حاسبات ويحب شغله هواية عنده اخوات اثنين وثنيناتهن مزوجات طبعن هوا ساكن بغداد خواته الكبيرة مزوجه من رجل اعمال وساكنة باالبصرة واخته الاصغر منها هماتين مزوجه بس ساكنه خارج العراق عايشة باامريكا لان زوجها يشتغل هنا وعدهم اقامه بامريكا وعدها ولد وبنية واسمها سهاد عكس اختها سعاد الي هيا اخت زياد الكبيرة وسعاد عدها ثلاث اولاد وبنت وحدة وهيا الي ربت زياد وصار بغلات اولادها لانها اكبر من زياد بهواية لان من توفت ام زياد كان زياد عمره سنة ومشاف امه شاف اخته الي ربته وهيا سعاد وحت ورا مازوجت بقى يمها عايش لحد مصار باالاعدادية يله سكن بوحده بس بقى يتردد على اخته سعاد وهوا وابن اخته مو بس خاله وانما اعز اصدقائه ومثل اخوه الصغير نرجع ال بطلتنا ريم اني ريم اهلي يحبوني عندي ماما اغلى شي عندي بالدنيا وعندي بابا مهدي هوا زوج ماما بس اني احبه هوايه لان يعتبرني بنتا الكبيرة لان هوا رباني من واني صغيرة ويهتم بيا مثل مايهتم بخواني عندي اختي شهد ازغر مني باربع سنوات احبها كلش وهيا حلوة مثلي ويجوز اكثر مني وعندي اخوية احمد ثالث متوسط هذا الزغير مالة البيت وكل طلباته مجابة واني وياهم مو بس اختهم اني صديقتهم وكلش احبهم ويحبوني واني كلش متعلقه بيهم اني متخرجه من كلية الفنون قسم تصميم وكلش احب انسق الالوان وحت اعرف اخيط واعرف بشغل البيت كله ماما معلمتني كلشي اني قصتي ماما كانت موضفه بدائرة الاسكان وبابا جان المدير مالتها وماما كلش حلوة احنا طالعين عليها اني واختي ماما من جانت تشتغل بابا جان رايدها ويحبها وهيا هماتين جانت رايدته ال بابا بس اهل بابا مجانو قابلين بابا يزوج ماما لان من عائلة متوسط حالها لان عائلة بابا زناكين ويردون ياخذوله وحدة من اقاربهم بس بابا عاندهم وزوجها ال ماما وكعد ويا اهلو غصبن عنهم رغم انو هما ماجانو راضين بس ماما جانت حبابه وياهم وماتحجي عليهم وتكول الله يهديهم اني شعليا بيهم المهم زوجي رايدني وبمرور الايام وصار سنة من زواج بابا وماما صرت اني ماماطلعت حامل وبيت اهل بابا جان الكل ضايج بس جديتي ام بابا جانت فرحانه ال هل خبر بس جدو ابو بابا كالو بعد مااريدك يمي كافي لو طلقها وترجع ابني لو تطلع انته وياها وبابا يكلو شلون اطلقها واني راح اصير اب بس جدي مارحمهم ال بابا وماما وطردهم ..............الكاتبة رنا لطيف............... وراها ماما وبابا اجرو بيت صغير وسكنو يم بيت خالتي بالاعضمية وبعد تسعة اشهر اجيت للدنيا وجانو فرحانين كلش على جيتي وطلتي البهيه اكثر واحد هوا بابا جان فرحان وسماني على اسم بيبيتي امه وماما معارضت كان عدها عادي لان بيبيتي مكطعت من بابا بقت على تواص ويا ومرات يتخابرون وماماتحجي وياها على كد السلام وبعيد ميلادي من صار عمري سنة جان بابا مسافر بشغل وكاعدين ننتضر ماما خطية سوتلي كلشي حلو حت كيكة جابتلي وجنا اني وياها كاعدين ننتضر بابا وتاخر الوقت ومجى وماما حايرة شسوي ونيمتني ومنامت وحايرة اتصلة بخالتي وكالتلها حايرة شسوي كلتلها خالتي اتصلي باهله شوفيهم بلكي يعرفون عنا شي بس ماما خافت تتصل بيهم وبقت ماما كل اليل منايمه وبوجه الصبح اجاها اتصال ال ماما كامة متعرف شسوي الاتصال من المستشفى بابا مسوي حادث اتصلت على خالتي واجتي خالتي خطية هيا وزوجها وشايلة ابنها وحامل ابنها جان اكبر مني باربع سنين وحامل ببنية وخالتي بقة يمي وماما وزوج خالتي الي هوا ايصير ابن خالت ماما طلعو للمستشفى راحو بسرعه لكو اهل بابا كلهم هناك وصايرة هوسة وجدي من شايف ماما كايم يحجي عليها لو ما عمي الجبير كايله يابا عيب منا العالم شتكول علينا اني عندي اربع اعمام وبابا خامسهم بس بابا كان عمي الكبير اكبر منا يعني بابا على حد عمي الكبير وعمامي البقية كلهم اصغر من بابا وخلال هاي الهوسة طلع الطبيب ونطاهم الخبر الحزين الي هزهم كلهم واولهم ماما انو بابا اتوفى لان السيارة جانت مكلوبة بي وكوة مطلعي منها الخبر نزل عليهم هدهم وماما وكعت بالمستشفى وغمى عليها وخطية زوج خالتي حاير بيها ومخابر على خالي وجايهم بسرعه للمستشفى جان جدي ابو امي متوفي وبيبيتي ام امي هماتين متوفية خالاتي كلهن كبار بس امي جانت بعدها زغيرة وعدها اخت ازغر من عدها يعني امي اكبر من اصغر واحد بعائلتها عدها خمس خوات واخ واحد بيومها ماما بقت بالمستشفى وثاني يوم راحت للفاتحة مالة بابا ورايدين يطردوها اهل بابا بس بيبيتي ام بابا مقابله كايلتلهم مايصير بس هيا وبتى بقن من ريحته بس عمامي والعالم تحجي وكلها اسمع ماما حجي يضوجها المهم من خلصت الفاتحه ماما رجعت للبيت بس بيبي مقبلت وكالتلها اني اريدها ال ريم وماما كالتلها بنتي مااكدر اعوفها واني اعذريني مااكدر ابقى يمكم عايشة اروح يم اهلي احسنلي اني لمن جان الغالي موجود محد رادني انوب ورا ماراح وصدكي اني مااحرمج من ريم كل ماترديها اجيبها تشوفيها فطلعت امي من يمهم وهيا بس تبجي ومقهورة ورجعت للبيت لمت كل الغراض الي باعته ولي اخذته وياها وسكنة بيت جدي الي ساكن بي خالي وزوجته ام حسن جان عنده ولد اسمى حسن كلش وكيح جان دائماً يضربني لان اكبر مني بخمس سنوات وماما موضفه وتعوفني يم مرة خالي وهذا ابنها شيسوي بيا بس خالي مايقبل على تصرفات ابنه ومشت الايام وماما بعدها حزينة على بابا وصار على وفات بابا سنة وبدت اصير مشاكل بين ماما ومرت خالي بدت اتصير مشاكل بيناتهن وخالي واكع بنص يحاول يرضي الاثنين وبيوم طلعت زوجة خالي راحت للسوك وبقينا يم خالي اني وابنها حسن وتاخرت واجتي ماما من الشغل ومرت خالي مااجت وخالي خايف عليها وطلع يدورللها ورجع ورا ساعه وملكاها كالتلو ماما خابر على اهلها يجوز راحتلهم وخابر خالي على اهلها وكامو يصيحون عليا بالتلفون كالولو تعال شوف مرتك كلها من وراك مرتك رادت تموت وراح خالي خطية يركض على اهل زوجته ولكاها مدماية وكاعده كاللهم شكو شبيها هيا راحت للسوك وتاخرت مارجعت ورحت ادورللها وملكيتها شجابها هنا ومنو مسوي بيها هيج كاللها خالي ال زوجتو كومي خلي اوديج للمستشفى ومقبلو اهلها كالولو مدعومة والناس جايبيها عليهم وهيا زينة بس انته ماخوش وياها لانك تساند اختك عليها اختك مانريدها تبقى يم بنتنا البيت بيت بنتنا مانريد احد يشاركها بي كاللهم خالي البيت بيت ابوية وهاي اختي ارملة وين تروح هيا وبنتها كالولو معلينا كاللهم اي مدام هيج اشبعو بنتكم وبيومها بقت يم اهلها ورجع خالي خطية وهوا ضايج وكاللها ل امي هذا بيتج وماتطلعين وشيريدون يسوون خلي يسوون وراها امي اخذتنا اني وحسن ورحنا ال بيت خالتي وامي وخالتي كعدو يحجون بمرت خالي وسوايتها وسوالف اهلها وخالي خطية وشراح يسوي فكالت ماما اني مااريد بيتهم يخرب خطية ابنهم وردت عليها خالتي وكالتلها ال ماما يمعودة وهيا شون دايرة بال على ابنها فبقينا بيت خالتي يومين وئجى خالي واخذنا كال البيت فارغ واني وحدي وضجت كالتلو ماما روح جيبها ال زوجتك واني حروح وياك انجيبها وعندي حل كاللها خالو شنو هوا كالتلو ماما نقسم البيت اني اريد بس غرفه وحمام ومطبخ وباقي البيت كله للكم كاللها خالي والله يااختي انتي تفتهمين ويكولون ليش احبج خطية خالي بيومها كلش فرح وراحنا كلتنا ورضيناها ورجعت مرت خالي للبيت وبدا خالي يعزل النا قسم من البيت سوانا مشتمل زغير وحته باب حوش وحايط خله علمود لا نشوفها ولا تشوفنا واني ماما خلتني بالحضانه وصار عمري وقتها سنتين ونص واني وماما بلعطل نروح يم خالتي وفد يوم اجاها ال ماما اتصال وكالتلي يله ماما نروح البيت جدج لان جدج ابو ابوج توفى وخل نروح ال بيبي ورحنا بقينا يومين وعمامي كامو يحجون على امي وطردوها يكلولها انتي كيفتي عبالج حتورثين انتي ماتورثين ولا الج حصة بالورث ماما كالتلهم بوقتها اني مرايدة منكم شي وحت بنتي مراح اشوفوها وجانت بيبيتي تسمع وساكته لانها جانت مقهورة على جدو ورجعت ماما للبيت وهيا مقهورة ولكت خالو بوحدو هوا وابنو حسن لان زوجتو رايحه لهلها واجا اليل ومرجعت عبالها ماما هماتين زعلانة وجان ايخابرو ئل خالو اهل زوجتو وهوا يحجي وياهم ويكللهم شون وشوكت هذا صار كام يبجي وطلع يركض وماما تحجي ويا شبيك ابو حسن كاللها ام حسن توفت مسوية حادث هيا وبيت اختها وامها رايحين ال كربلاء وبطريق ضاربتهم تريلة برجعه ليل ومشايفهم ابو التريلة وضاربهم وام حسن وامها متوفيات وخالة حسن وزوجها زينين بس عدهم كسور وبالمستشفى وراح ورا ساعه امي وخالاتي واحنا كلنا رحنالهم لحد مخلصت الفاتحه ورجعنا ورجعت حياتنا بس ماما رجعت فتحت باب بينها وبين بيت خالي حت خالي مايبقى بوحده هوا وابنه وصار ابن خالي بالمدرسة واني صار عمري ثلاث سنوات وبيوم جانو بيت خالتي عدهم خطار صديق زوج خالتي ويا بشغل وحنا هماتين جنا يمهم وجانت امه واخته هماتين جايين ويا فكالة امه انريد انزوجه ومايقبل يكول شلون اعوفكم كلناله اذا تقبل المرة التاخذها تكعد ويانا شتكول كاللهم عود ازوج وجانت عينهم على ماما وجانت خالتي تحجيلهم قصة ماما وعدها بنية وكالة المرية الكبيرة وشنو يعني هيا بعدها صغيرة وتكدر تزوج وجيب اب البنتها وجان ماما تكلهم اني بنتي بعدها زغيرة وماافكر بزواج بعدين منو يقبل يزوج وحدة مثلي ارملة وعندي طفلة فكالتلها المرية وليش مايقبلون شو انتي بعدج زغيرة وحلوة وموضفة مناقصج شي وراها راحو الخطار وجان ورا اسبوع يخابر زوج خالتي على ماما كاللها تعاي علينا انريدج بموضوع انتي واخوج ابو حسن فراحو بنفس اليوم ماما وخالو على بيت خاله وجان يكلهم زوج خالتي هذا صديقي اسمو مهدي يريد يزوج وطلب مني يزوج ام ريم واني كتلو اشوفها واردلك خبر ماما كالة ماازوج خالي كاللها ليش كالة مااريد اجيب زوج ام البنتي كاللها خالي ويجوز ايصيرللها اب كال زوج خالتي والله هوا خوش رجال مو لانه صديقي اسئلو عليه حت اهلو خوش ناس فكامو يقنعون ب ماما ونطوها مجال يومين تقرر وسئل خالو عليا وكاللها ئل ماما نفس حجي زوج خالتي واكثر بعد عنده صفات زينة انو يخاف الله ومتدين بس مو زنكين حالته المادية على كده عنده بيت ابو كاعد بي وموضف وهوا وامه واخته بس ماعنده احد وامه انسانه فقيرة واخته هماتين بعد مااقتنعت ماما وافقت وزوجت ماما وعاشت وياهم ومن اول اسبوع حبوها وصارت هيا ام البيت وام مهدي كلش حبتها ورا شهرين ماما طلعت حامل وجان تتمرض الحجية ام مهدي بدى سكرها يرتفع وكامت توصي بماما بابا مهدي وب عمتي كالتلها اني خلص عمري وماما تبجي عليها وماما حبته ال بابا مهدي وهوا هم لان صدك طلع خوش رجال واني معتبرني بنته ويجوز اكثر وتوفت ام مهدي ورا زواج ماما وبابا مهدي بتسع اشهر وبقت اخت عمو مهدي بس عايشه ويا ماما وبعدين ماما جابت اختي شهد وصار عمر شهد خمس اشهر وجان يجينا خالي هوا وابنه حسن وبعدو يضوجني وجان ماما تكلو الخالي على اخت مهدي واسمها عمه سميرة ليش ماتزوجها قابل راح تبقى كل عمرك بوحدك وجان يسعون بزواج خالي ماما وخالاتي وصارت القسمة وزوج وصار عندو ولد ورا ولد وصار عند خالي ثلاث اولاد وجان يحملون بنفس الوقت عمتي وماما وجان ماما اجيب حمودي اخوية وعمتي اجيب بنية وخالتي صار عدها بنيتين ويا ابنها الكبير وهم جانت حامل قبل ماما وجابت ولد ورا ماما هم صار عدها ولد وخالتي صار عدها خمسة ثلاث ولد وبنيتين وعمتي ولدين وبنية وماما اني واختي واخوي حمودي وكلنا كبرنا سوا احنا جنا ساكنين بنفس الشارع ويا بيت خالتي بس خالي بغير منطقه واني صرت بسادس ابتدائي وسمعت عندي بيبي ام ابوية وكتلها ل ماما خاي اروحلها كالت عمامج ميردونا وكل هلسنوات محد اتصل بينا حت بيبيتج كطعت ويانا وسمعت مسافرة قبل سنتين ويا بيت ابنها الكبير ومرت الايام والسنين وجنت ماشية بدراستي وجانت حياتنا مستقرة خالاتي كلهن احبهن واحب خالو لان جان مايكطع وخاصة بعد ماازوج عمتي اخت بابا مهدي وكبر حسن ابن خالو وجان يكلي اني حاجزج اليا واني اكلو واني مااريدك وصرت بسادس اعدادي وحسن تخرج من الكلية وراح يكمل دراسة بالخارج
وابن خالتي الكبير واسمة علي بعدو يدرس كلية وجنا احنا كلنا اصدقاء لان بنفس العمر تقريباً............... وتستمر الحكاية ........
وهذه الصورة تشبه ام ريم بشبابها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
