اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعد ان خلص العشاء وخلصت السهرة رجعها زياد لريم على البيت وهما بطريق كاللها باجر جمعه وعطلة راح اجي اخذج تشوفين البيت كالتله ريم ماشي لعد اتفقنا وصلت ريم للبيت ونزل زياد وصلها لحد مدخلت داخل البيت وراح بعدها وصل للشقه وجا اتصال من ريم وهيا تكله ماما تكول غداك باجر يمنا كاللها زياد تدلل عمتي الغالية ان شالله اجي وسلميلي عليها هواية ريم ورا ماوصلت للبيت تلكتني ماما وبديت احجيلها وكلتلي اتصلي بزياد وكليله باجر غده يمنا ففرحت وخابرت كلتله وكالي سلميلي على عمتي الغالية وجانت ماما كاعدة يمي وتسمع فكامت تضحك وكتلها ال ماما على انو يريدنا نعيش بيت اهله كلتلي مكيفكم على راحتكم المهم تكونون سعيدين ومرتاحين وراها رحت غيرت ملابسي ونمت نومة عميقه من كد التعب كعدت الصبح متاخرة لكيت ماما مكملة كلشي من طبخ وترتيب وتنظيف كالتلي بقت عليج الزلايط والمقبلات كتلها صار ماما وبديت اسوي وكملت وهستوني مكمله وندك الباب وطلع حمودي اخوية يفتح وجان يفوت بسرعه كالي ريم خطيبج زياد اجا ويريدج ينتضرج ورحت لكيت زياد مطاب جوا كتله تعال طب جوا كالي امشي هس كتله اي انروح بس طب شوية وجان يطلع بابا ودخل على الاستقبال شاف زياد وسلم عليا وكاله تروح للجامع ويايا وجان يباوعلي زياد كتله اذا تريد اتروح روح وعود انروح للبيت ورا الغدة وراح للجامع صلو صلات الجمعه واجوي وصبينا الغدة وتغدينا كلنا سوا وجان زياد مرتاح وفرحان بلمتنا لان بابا مريح وماما حبابه ماعدهم كره بكلبهم ورتاحوله ال زياد وحبو وشهودة عادي كلبها مثل ماما واخوية همات نفس الذبة ورا الغدة وشرب الجاي كعدنا شوية وراها كال زياد يله خلي انروح وطلعنا وجانت ماما وحمودي ويانا طالعين طلعنا اجرنا تكسي وصلنا للبيت صحيح بنفس المنطقه بس مسافه يله نصله تقريب ثلث ساعه بسيارة وساعه مشي
وفتح الباب زياد وطبينا اول مفتح الباب وطبينا جانت اكو حديقة زغيرة بجهه اليمنة صايرة شباك الاستقبال عليها وكراج يكفي سيارة مقابيل المطبخ واكو ممرات عريضة داير مدار البيت البيت زغير غرفتين نوم ومطبخ واستقبال وحمام وصاله داخلية باالطابق الاول وغرفة نوم كبيرة وحمام باالطابق الثاني والمطبخ بي بداخله مخزن باالاخير صاير ومن عندة باب الورا البيت وكاعية كاشي بس المطبخ الحيطان مالته عادية مابي سيراميك وجان يكول زياد ادري البيت قديم وتعبان بس يحتاج ترميم واذا ماعجبكم أئجره وأجر غيرة ريم ميحتاج المهم المنطقه والجوارين شلونهم امينة زياد المنطقة حلوة ومريحة والجوارين كلهم عوائل زينة وناس طيبة وحت سوق شعبي كلشي بي قريب منا واكو سوق ثاني اقرب بعد بي شكم محل مو كبير بس بي مخبز ومحلات غذائية وبصف بيتنا منا على الجهة اليسرة بيتين والجامع بصفهن وعلى الجهة اليمنة هذول عائلة كلش طيبة خوش ناس ابنهم صاحبي وهوا الي جنت مكلفه بتاجير البيت وجان هوا اليجيبلي المؤجرين للبيت وجان يرجع زياد ويكول هس شتردون اسوي للبيت اذا بالكم تغيرات اجيب مهندس ديكور يسوي مثل متريد ريم ريم اني ضحكت وكتله واني شنو اني ارتب بيتي مثل مايعجبني زياد على راحتج حبي شتريدين انسوي كولي حت اسوي ريم مو راح تكلفك بحدود شكد تكدر ترمم حت اكلك شنسوي كالي اذا تردين اكدر افلش وابني بس مو كل البيت يعني اشياء بسيطة فكالتله ريم ماشي يعني تكدر تسويلي المطبخ والحمامات سيراميك كال زياد اي اكدر وبعد شتردين كالتلة البيت ينصبغ كله كال زياد شي اكيد والحمام راح اغيرة كله فكالة ريم هاي هيا والحديقة اخير شي اريدلها تراب حت نزرع بيها خضار لان يابسة صايرة صحراء كاللها زياد تدللين بس راح اتعبج ويايا لان الاثاث كله راح تطلعين ويايا نشتريه وهس الوان السيراميك والصبغ نطلع انشوفهن حت نبدي بالبيت لان اني مستعجل اريدج تنورين بيتج فكالتلها امها لعد احنا رايحين اني واخوج مدامكم راح تطلعون تختارون الغراض لترميم بيتكم وسلمو وطلعو وبقه زياد وريم يخططون شيسوون بيتهم وبعدها طلعو راحو افترو وشافو السيراميك الي يوالمهم وحجزو والصبغ اختارو الالوان الي تعجبهم وحجزو ورجعها ال ريم للبيت وبقى يمهم زيد وتعشى يمهم وبعدها راح للشقه ومن وصل اتصلت ريم تشوفه وصل لو بعده وكلها اشتياق الزياد ورا مااطمنت عليا كالتله لا تشيل. هم الاثاث اني وياك حت لو بعد الزواج نكمله انجيب بس الضروريات كاللها زياد ريم احبج وكالتله ريم اني هم كاللها شنو انتي هم ريم اني هماتين احبك زيودي كاللها اوف لو هس انتي يمي يله روحي باي وباجر ان شالله راح ابدي بمعاملة الزواج حت نعقد محكمة وراح ابلش بالبيت من مواد وانطي مقاول يكملي كلشي لان دوام وماالحك اوكف على الي يشتغلون وحت هماتين يسوو اسرع كالتله ريم ماشي حبيبي تصبح على خير وشتحتاج اني موجودة وراحت ريم نامت وكعدت مثل كل يوم ساعدت امها بريوك وشغل البيت وراحت للمحل الساعه باالتسعه واجتي بالوحدة تغدت ونامت وكعدت العصر سوت جاي وكعك وكعدو اهلها وجان تكللها امها شتحتاجين حبيبتي احنا مو جودين وان شالله مانقصر وياج وهذا البيت كدامج شتحتاجين اخذي وجان تكللها ريم شكراً ماما حبيبتي ممحتاجه اذا احتاج شي اكللكم وربعدين غيرت ملابسها ريم وراحت لشغلها ومر اليوم ومصار شي جديد بس اتصل زياد بريم وكللها بديت بمعاملة الزواج وباجر لازم نروح الصبح علمود الفحص كالتله ماشي بيش الساعه كاللها من الصبح حت تطلع بنفس اليوم وراها راحت ريم كالتلها ال امها وابوها كاللها ابوها خلي امج تروح وياكم وان شالله بيوم العقد اني اجي وياكم كالتله ريم اشكرك بابا حبيبي الله يخليك ليا وراحت ريم نامت وثاني يوم كعدت من وكت وبدلة ملابسها من الصبح وخابرها زياد كللها كاعده ريمتي كلتله اي كاعدين وماما حتجي ويانا كاللها تنور هس اني جايكم حت نسويها من وكت راحت ريم على امها وكلتلها زياد حيجي هس علينا خابرني هوا بطريق كالتلها امها ماشي لعد خلي نتحضر واجاهم زياد وراحو للمركز الطبي وكملو كل التحاليل والفحص وطلعت كلها زينة وكمل زياد كل الاوراق كللهم لو بعد بيها وقت جان رحنا عقدنا هس شتكولون باعو للساعة واذا الساعه عشرة ونص كالو لا مبقى وكت لان لازم نرجع للبيت نترتب يلة نروح محاسبين حسابنا كاللهم لعد خلي اخذكم نتريك لان اكيد جعتو مثلي اني مامتريك واخذهم المطعم وتريكو وكملو وطلعو يتمشون على المحلات يشوفون الغراض مالت البيت والاثاث واسعارهن واشترت ريم شغلات مفارش للبيت بسيطة وقماشات متنوعه ترتبها وتخيطها بالبيت هيا وامها لانها تعرف تفصل وتخيط هيا وامها ورجعو للبيت وراها زياد سلم عليهم وطلع راح للدوام لانه ماخذ اجازة زمنية وريم تصلت بصاحبة المحل كلتلها اليوم وباجر مااكدر اجي عندي ظروف كلتلها ماشي وبعدين ورا ماتغدو ورتاحو ونامو كعدت ريم وامها كالو لازم يحضرون ال باجر للعقد وتصلت ريم بزياد كلتله منو حيجي ويانا باجر غير ماما وبابا كللها اني ومحمود كلتله احنا باجر حنسوي غدة والمن تريد تعزم اعزم على راحتك البيت بيتك وظحكت كاللها اني عندي انتي اهم انسان بحياتي وتغنيني عن الدنيا كلها مااعرف شلون حيخلص هل شهر وتصيرين زوجتي وبيتي
وجان تكله ريم ان شالله مبقى شي وننجمع زياد اكلج ريم محتاجين شي اجي اخذج للسوك تشترين غراض اذا محتاجه شي الباجر كالتله ريم كلشي حضرنا مبقى شي ان شالله باجر بيش الساعه نروح كاللها احنا كملنا كلشي ساعه باالعشرة الصبح احنا هناك حت نعقد ان شالله وجان تكله ريم تصبح على خير حبيبي زيودي باجر ان شالله نشاوف وهوا كللها وانتي بالف خير ياعيوني وجا ثاني يوم واجا زياد هوا محمود الساعة 9الصبح ودخلهم ابو ريم تفضلو تفضلو عمي اهلا وسهلا بيكم زياد عمي كلنا نجي من وكت علمود نخلص من وكت ابو ريم اي عيني صار بس هس تتريكون ونطلع ان شالله زياد مشكور عمي بس كللهم خلي يتحضرون الاب ماشي تدلل عريسنا هس انطيهم خبر وراح ورا اشوية طب اخو ريم حمودي يسلم وجايب جاي وكيك وكاللهم هس شوية ويجون وجان تطلع ام ريم سلمت عليهم ورد زياد عليها هلا عمه شلونج شلون صحتج وسلم محمود وسكت كالتله ام ريم شلونها الوالدة محمود الحمدالله زينة وتسلم ورادت تجي بس الطريق طويل وكالة ان شالله اجي واشوفهم ام ريم كل الهلا بيها محمود الوالدة تريد رقمج تريد تتصل بيج وبريم ام ريم صار من عيوني هس انطيك ايا ونطتا الرقم وسجله باالتلفون واجت ريم وطالعه حلوة لابسة تنورة سودة وقميص وردي وحذاء ابيض وجنطة وشال بيض ومكياج خفيف وجان يجي ابو ريم مكمل لبس وطلعو كلهم للمحكمة ودخلو وعقدو وزياد فرحان كلش وام ريم هلهلة وكامت توزع جكليت وباركتلهم الزياد وريم وباسها زياد من راسها ال ام ريم وكاللها اشكرج عمتي الغالية كالتله ام ريم اني مو بس عمتك اني امك هماتين وتدلل بس اريدك تحط ريم بعيونك ومزعلها كاللها زياد تدللين وباركله ابو ريم وطلعو وجان يكلهم ابو ريم اليوم غداكم يمنا ماطلعون وجان يكله محمود اشكرك عمو بس والله اني عندي شغل وجان يكله ابو ريم تروح تكمل شغلك وتجي تتغدة مااكو احد غريب كلنا اهل محمود ايوالله عمو كلنا اهل ان شالله بس اخلص شغلي واجي زياد عمو محتاج شي اروح اجيبا ابو ريم تسلم وليدي مامحتاجين شي عود اذا احتاجيناك نكلك انته بعد صرت واحد من البيت
زياد تدلل عمو وجان يبدون يجون اقارب ريم ئجى خال ريم وعائلته باركولهم ال زياد وريم وئجوي بيت خالتها كلهم وهماتين باركولهم للعرسان وطكو صور وخلوها ال ريم تلبس فستان حلو وفتحن البنات اغني بصالة الداخلية وشتغلت الهلاهل وتوزيع الجكليت واجوي خالات ريم الباقيات واجه محمود وستقبله ابو ريم استقبال حلو وجان جايب محمود اشكال الحلويات والكيك وجان يكله زياد هاي شجايب اشكرك ياغالي محمود اني شجايب خالي انته غالي وماكو اغلى منك زياد اشكرك حبيبي بس لا تكلي خالي ههههه محمود ماشي اخوية هههههه وجان يجي ابو ريم يتشكر كال شنو عمي هل زحمة هاي شجايبين كالة زياد تدلل عمي وخلصت العزيمة وراحت تلعالم لبيوتها وبقى زياد بس وجان كاعد بغرفة الاستقبال ويا ابو ريم يحجون بشغل البيت والترميم كالة عمي ان شالله بس اخلص ترميم نبدي انأثث البيت واريد ريم تطلع ويايا علمود كلشي يصير على عينها وعلى ذوقها لان اني موكلش اعرف بامور البيت كالة ابو ريم ان شالله كالتله ام ريم هيا ريم هماتين ينرادلها وكت جهز غراضها وملابسها واتفقو شهر ويزوجون بين تجهيزات البيت وتجهيزات الزواج وراد يطلع زياد ومخلو يطلع لليل تعشى يمهم يله طلع كاللهم باجر ان شالله عنده شغل هواية ومن طلع كاللها ال ريم اريدج احجي وياج وطلعت بس هيا ويا واكفين بالمطبخ كاللها مشتاقلج حياتي ريم اني اشوق بس تعرف منا الناس وماكدرنا نحجي اليوم كاللها اني تعبان راح اروح هس انام لان باجر ان شالله دوام وعندي البيت لازم امر له كاللها ريم كالتله ريم عيونه الريم كاللها حبيبتي اني مااريد اضغط عليج بس اني مااريدج تعبين نفسج وتبقين تشتغلين كالتله ريم بس اني احب شغلي زياد اني محكلج بطلي مرة وحدة بس قلصي شغلج باالمحل سوي لو بس الصبح لو بس العصر كالتله ماشي احاول اتفاهم ويا صاحبة المحل واكللها بس الصبح اجي للمحل ورا الزواج كاللها زياد ريم حبيبتي اني اشكرج كالتله على شنو زياد لان تفهميني ريم شنو تشكرني اني فاهمتك وان شالله الله لا يحرمني منك زيودي وجان يكللها زياد انتي بس تكليلي هاي الكلمة احس اني طاير بسعادة احس بحبج ليا وان شالله اسعدج حبيبتي
