اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ريم بعد ماطلعنه من بيت خالت زياد مشت بينه السيارة ورا نص ساعه اني استسلمت للنوم بعدين زياد كعدني ولكيت السيارة واكفة كتله ها حبيبي وصلنه زياد لا حبيبتي بعدنا اكعدي وكومي ويايا انروح لهاي الاستراحة نطب نكعد بيها شوية علمود السايق يسويها للسيارة ريم ليش شبيها السيارة زياد انتي نايمة راد يصير حادث الله سترنا ريم شلون زياد امشي ويايا واحجيلج
ريم وصلنه الاستراحة رحتنا للمغاسل غسلنا وكملنه
راح زياد يجيب النه شي ناكله اجه شايل عصاير ثنين وقطع كيك خلاهن على الميز زياد يله حبيبتي اكلي شي ريم مااكل الا انته ويايا زياد ماشي يله عيني اكلي ونسابق منو يخلص قبل الثاني ريم هههه شنو اني صغيرة ودتقنعني زياد اني اشوفج كلشي باالنسبة الي ريم ماشي حبيبي يله حاكل احجيلي شبيها السيارة زياد مابيها شي بس التاير بنجر وحنه نمشي وراد يطك والله سترنا ريم يايمه الحمدالله والشكر زياد لا تخافين حبيبتي الحمدالله وهمى ديحجون وتصل السايق بزياد كاله خلصت السيارة تعالو زياد يله عيني ريمتي خلي انكوم خلصت السيارة ريم كملت زياد اي يله نمشي محتاجه شي ريم بس خلي اروح للحمامات اعزكم الله زياد يله حبيبتي اخذي راحتج بس لا تتأخرين ريم ماشي زياد راحت ريم وجان اني وكاعد تجيني وحدة تطلب مساعدة كالت ابني مريض وماعدي احد اذا عندك سيارة وصلني بطريقك زياد وين اوصلج اني طريقي بعيد ورايح البغداد كالتلي ميخالف اني هس اركب وياك وبعدين من اوصل للمكان بنص الطريق اكلك وين تنزلني زياد اجتي ريم من يم المغاسل وشافت هاي المرية اباوع عليها اتباوعلي بااستغراب وصلت يمنه ريم اورا ماخلصت من وطلعت لاكتني مرية تبجي وتكلي يمه مشفتي الابني عمرة اربع سنوات ضايع مني كتلها لاوالله خاله ماشفت اي طفل وعفتها وطلعت واني طالعه شفت زياد يمة مرية وتحجي ويا صراحة ضجت كلت منو هاي خلي اروح لان تاخرنه ريم زياد حبيبي يله اني خلصت خلي انروح باوعت علية المرية بنضرت تسائل زياد شفت ريم اجتي وماادري شكلها ضايجة زياد يلة حبيبتي امشي تاخرنه بس هاي المرية طلبت مني مساعدة ريم باوعت الهاي المرية شكلها مو مال مكدية وتدور مساعدة فلوس زياد ريم يلة هاي المرية اتريدنه انوصلها بطريقنه ريم مشيت بس بداخلي اني هاي المرية مامرتاحتلها صعدنه وراحت عسريع اجت جابت جاهل اصغير نايم وخلته بسيارة وصعدت ونيمته بحظنها ومشينة وجان يكعد الطفل من النوم گام يبجي وهيا سكت بي وتريدة يرجع ينام وجان طلع شيشة دوا وشربة باالاول كلت ماليه علاقة بس بعدين فضولي خلاني احجي كتلها خطية شبي ابنج كالت مريض واريد انطي دوا مايقبل يشرب كتلها تريدين مساعدة كالت اي والله بس اشربة الدوة كتلها شسمه كالت هاا اي اسمه اسمه كتلها شبيج يمعودة كامت تريد تغير الموضوع وتسالني على اسمي گتلها ونتي شعليج بااسمي وكام هذا الطفل يبجي بصوت عالي وجان يكللها السايق مسكتي رحمة على والديج وجان الطفل يكوم يضرب بيها ويبجي كتلها سكتي خطية انتي مو امه ماتعرفين اسكتي كام الطفل يباوعلي ويصيح ماما ويأشر خارج السيارة وجان ادزلة رسالة الزياد كتله يمكن هذا الجاهل هاي مو امه زياد ريم يمعودة شداتحجين اي زياد لان من جنت باالمغاسل اجتني مرية جانت ادور على طفل ضايع وكالتلي عمرة اربع سنوات بس هذا يبين اصغر بس يجوز هوا زياد حبيبتي خيالج واسع ريم لاوالله حبيبي انته بس كله للسايق اليمك يرجع وبسرعة زياد ماشي واذا كالك ليش كلة نسينة موبايل او اي شي يخلينة نرجع ظروري وبسرعه لان هذا الطفل اذا طلعت هاي بايگته من امه وحنه دنساعدها مايصير زياد اي صحيح وممكن ايجوز تذب التهمه علينه اذا انلزمت وهيا ويانه يله خلي نرجع زياد كاله للسايق نسينا غراض مهمه لازم نرجع وجان بس تلوف السيارة للرجعه وجان تكول المرية الويانة هاي وين رايحين ريم اي راجعين لان نسينه غراض باالاستراحة الي لكيناج بيها وجان تكول لعد نزلوني هنا ريم كتلها لا ليش انزلج انجيب الغراض ونرجع نطلع بنفس الطريق وجان تكول ماا ريد اتعبكم ويايا ريم لا حبيبتي ماتعبينه ريم كمت احجي وياها هيج حت اتامن بينه واني اجيب ولهي بيها باالحجي وجان نرجع النفس المكان بسرعه لان جنه بعدنه ممبتعدين هواية وصلنه وجان نلكاها الهاي المرية الشفتها ادور على ابنها واكفه وتبجي بشارع وتوكف بسيارات وجان اكو سيارة شرطة جايه تمشي باتجاها ووكفنه بس مو يمهم ونزلت اني بس ورحت للمرية كتلها خالة اني اندل وين ابنج وجان يكول اشرطي وين كتله خلي احجيلكم باالاول حت تعرفون كلشي حجيتلهم كتلهم تعالو ويايا بس بسرعة لتروح تروح ومنلحك عليها وجان نصل يم السيارة واسمعها متعاركه ويا السايق وزياد وصلنه يمهم وجان تكله للشرطي هما يردون ياخذو واني كشفتهم وجان تكللها ام الطفل عبالج اني مااعرفج كالتله للشرطي هيا الي باكته لان اني اعرفها هاي اخت زوجي هيا تريد تاخذة علمود الورث لان زوجي توفة وهيا تريد تاخذ كل ورث هذا الطفل وجان تاخذه الابنها ويصعدهم الشرطي اثنيناتهم بسيارة الشرطة وياخذهم كاللها الام الطفل لازم تشتكين عليها وحنه نشهد وياج رادونة كاله زياد احنه من بغداد وتاخرنة ورانه طريق عاد خلونة نمشي ورا ماتشكرونة وشكرتني ام الولد بس الشرطي اخذ رقم زياد كال يجوز نحتاجك تشهد عود بااتصال انطاهم الرقم وطلعنه بطريقنه وراحو هما هماتين بطريقهم وجان يكلي زياد ريم ريم اي حبيبي كول انتي شلون شكيتي بيها ريم والله حبيبي هيا عمته وماتعرف اسمه شلون مااعرف بس الضاهر ماكو علاقات بيناتهم لان سالتها على اسمه مكالتلي وبديت اشك وهوا الطفل مسكت بس يبجي وياشر برة ويصيح ماما فشكيت بيها وام الطفل اني شفتها بوكتها من ساالتني كالة عمرة اربع سنوات فقارنت بعمرة وباوعت علي كسر خاطري لان يبجي ويباوعلي وكأنما يطلب المساعدة مني زياد ماشالله عليج حبيبتي انتي المفروض تشتغلين باالتحقيق مو بلملابس ريم بس اني احب تنسيق الالوان وترتيبهن بكلشي ملابس او اثاث او كلشي يد خل بي تنسيق الالوان وتصميم الموديلات زياد ماشالله عليج حبيبتي ريم زياد حبيبي شوكت نوصل زياد بعد حبيبتي فد ثلاث ساعات اكثر هس الساعة بيش ريم هس الساعة عشرة يعني يجوز قرب الوحدة نوصل ان شالله وبقينه نحجي لحد موصلنه وجان اباع للساعه وحدة ونص وصلنة تعبانين نزلنه كل غراضنة وطبينه للبيت شكد شتاكيت البيتنه اول مطبينه خليت الغراض وكبل للغرفة غيرنة ملابسنه ونمنه بلا مانحس من التعب كعدت الساعه خمسة العصر. كمت من الفراش للمطبخ فتحت الثلاجة ماكو مسواك مخلصين فتحت المجمدة لكيت عدنه دجاج طلعت دجاجة خليتها جوا المي لحد مفكت وخليتلها تتبيلة وخليتها باالفرن ورحت طلعت غراضنه من الجنط وعزلتهن خليت النضيف باالكنتور والوسخات باالغسالة وطلعت غسلت الكراج والممرات الي برة كلهن وطبيت مسحت البيت كله عسريع وخلصت طبيت اغسل للحمام وجان يكعد زياد كلي حبيبتي وينج كتله باالحمام كال خوش لعد حت وراج اني اهماتين اغسل ريم اني كملت زياد خوش لعد اني حطب ريم ماشي حبيبي زياد طبيت اغسل وريم بعدها باالحمام وهيا دتلبس بملابسها كتلها ريم حبيبتي احبج ريم واني هماتين ياعمري احبك يله انته اغسل واني حروح احضرلك ملابس زياد ماشي بس مااخليج تطلعين الا تنطيني بوسة ريم ماشي حياتي تدلل زياد اخذتها بحضني وبردت كلبي وطلعت ريم تحضرلي ملابس ريم حضرت ملابس زياد ورحت لبست برمودة وعليها تيشرت ربع ردن ورحت للمطبخ طلعت خبز لكيت باالمجمدة وعصير بثلاجة وطرشي خليتهن كلهن على الميز ورحت احمي الاكل وطلع زياد وخلص صلات واجة للمطبخ كالي امشي حبيبتي نتعشة برة كتله علويش اني سويت اكل زياد ماشالله عليج مرتي سباعية شوكت سويتي اكل ونضفتي البيت ورتبتي ريم اني كعدت ساعة خمسة يعني قبل ساعتين لحكت يله حبيبي تعال احنا بلا غدة زياد يله جاي ريم كعدنه اكلنه وكملنه كتله حبيبي مخلصين مسواك محتاجين باجر ان شالله الصبح انروح نسوك زياد هس بعد وكت من نخلص انروح ماشي ريم ماشي حياتي زياد خابرتيهم ئل اهلج كتيلهم وصلنه ريم اي خابرتهم وكتلهم باجر ان شالله احنه يمكم زياد ان شالله زياد اكلج حبيبتي ريمتي ترا اني من يوم الاثنين ابدي اداوم تخلص اجازتي ريم شنو ليش زياد شنو ليش غير عندي دوام ريم مو اشتاقلك زياد اني هم راح اشتاقلج يله خلي انبدل ونطلع للسوك قبل لا يعزل ريم بدلنه وطلعنه وكالي زياد حنروح الذاك السوك البعيد علمود ادليج عليه ونسوك من عنده مرة وحدة لان كلشي بي واسعاره ارخص من هذا اليمنه ريم يله لعد خلي نروح ريم وصلنه ورا ثلث ساعة تقريباً بعده السوك كله مفتح سال زياد كالوله يعزل السوك ساعة تسعه لان بعدنه صيف بس بالشته بسبعة يعزل طبينه واذا سوك جبير وكلشي بي مخظر وغراض بيت وحت محلات خاصة تبيع لحم ودجاج وسمك وبلاخير محلات ملابس ومكاتب تبيع قرطاسية يعني سوق شعبي كلشي بي طبينه اول شي رحنا لهل المخضر سوكنه كلشي خضروات وفواكه وبعدين اشترينه لحم ودجاج بس مو هواية وبعدين كتله حبيبي زياد بعد محتاجة شغلات للبيت كالي كملي كلشي طبيت محل غذائية وبديت اشتري شاي سكر وتمن ومعجون وزاهي هواية شغلات ومن خلصنة باوعت الغراض صارت هواية كتله زياد هذول الغراض صارت هواية شلون حنشيلهن وجان يكلي انتضريني هس جاي وجان يجي ورا عشر دقايق جايبلي عربانة مالت مسواك بس كلش حلوة مشتريها كالي يله خلي المسواك وخليت اكثريت المسواك بيها وطلعنه كتله بس بقة ناخذ صمون اوخبز كالي على طريقنة اكو فرن وطلعنة نمشي وتونة طابين للبيت بعدنه ممفرغين الغراض وجان يندك الباب طلع زياد يشوف منو وجان يطب عسريع كالي اجو بيت جيرانة روحي فتحي الباب مالت الاستقبال اني لبست حجابي على السريع ورحت فتحت الباب وجان زياد يطببهم ويكلهم شنو هل زحمة انتو بس جيتكم كافية وجان يطبون شايلين غراض وجان اشتم ريحة اكل وبدو يسلمون عليه المرية اخذتني باالاحضان وتبوس وياها بنتها وابنها وزوجها برة واكف باالباب يستحي ايطب واكف ويا زياد ورا مالح عليه زياد انو يدخل جوا مقبل بس كال خلي نكعد هنا يقصد باالكراج وكعدنه اني والمرية وبنتها وابنها ورا مااخذت الغراض منهم كتلها للمرية عيني هاي شجايبة شهل زحمة انتي بس جيتج كافية كالت والله احنه انريد نجيكم بس انتو مموجودين وكالي ابو الجهال لازم ترحين لان ذول اهل البيت الاصليين وعرسان اني كتلها كل الهلا بيكم شوكت متجون وصحيح احنه مجنا موجودين جنه باالشمال وجينة اليوم الضهر وصلنة كالت المرية واسمها ام مصطفى احنة جنه نريد نعزمكم بس ابو مصطفى كال عليش انروح نتعرف عليهم اول مرة وجبنالكم عشاكم للباب وبعدين تجونه وكل الهلا بيكم ريم تسلمين عيني هس انتي ام مصطفى هذاالولد الوياج اسمه مصطفى
كالت اي هذا مصطفى وهاي البنية حور والجبيرة اسمها حسناءاكبر من هذول ذيج باالكلية وعندي بعد بنية زغيرة ولد ازغر يعني عندي ثلاث بنات وولدين هاي باول متوسط ومصطفى ثاني متوسط وذولاك الزغار البنية الخ ثالث ابتدئي والولد ازغر واحد عمرة خمس سنوات واسمه محمد والبني نور ريم الله يخليهم الج ومايحرمهم منج ام مصطفى تسلمين حبيبتي والله يرزقج انتي هماتين بطفل حلو مثلج ريم كتلها اشكرج وكمت قدمتلهم جكليت وخليت ابنهم يوديلهم برة الابو والزياد وقدمتلهم عصير عسريع وسلمو وراحو وراهم سددنا البوب وطبيت للمطبخ كتله زياد تعال انشوف شجايبينه جيرانه زياد شجايبين ريم جايبيلنة عشة زياد يعني شنو ريم يعني جايبين اكل وجان انطب للمطبخ وفتحت الحافضات واكو اكل مسلفن فتحتهن واذا جايبين تكة وكباب ودجاجة مشوية وكبة وبورك وزلايط ومقبلات وحت خبز خالين زياد ماشالله هاي شكد خالين اكل ريم اي حبيبي هذا راح يصير عشة وغده باجر بس دقيقة هاي بعد اكو جدرية فتحتها ولكيت بيها دولمة ياي العشق اني صدك احب الدولمة زياد عافيات حبي ريم اتريد هس اخلي العشة لو بعد وكت زياد هس ساعة تسعة ونص خلينة خلي نتعشة علمود الاكل بعدة حار ريم ماشي حبيبي خلي ابدل وصب العشة علمود ورا العشة ارتب المسواك ريم بدلت عسريع ورحت خليت العشة وكعدنه نحجي وناكل جنة نحجي بمختلف المواضيع ومن ضمنهن موقف اليوم وصار احداث قوية ههههه كملنه وكمت عسريع رتبت المسواك خليتة بثلاجة والخليته باالمجمد بقت بس الغذائية كلت باجر الصبح من اكعد اكمل وصبيت شاي الي ولزياد واخذت فواكة وكرزات وبدلت ورحت كعدت يم حبيبي لكيته كاعد باالاستقبال وفاتح التلفزيون على فلم اجنبي وكعدنه نتفرج سويا وبعدين كملنه سهرتنة بغرفتنة بقينه كاعدين مع انو احنه تعبانين بس هذا مايمنع حبنه ريم حبي زياد شوف بيش الساعة زياد بيش ريم الساعه ثلاثة ونص زياد ريمتي ريم اي حبيبي زياد يله خلي انام باجر ان شالله جمعه والعصر همات انروح البيت اهلج مو ريم اي حبيبي والبيت خالتي لونسيت زياد همزين ذكرتيني يله مو مشكلة عادي يلة تعاي نامي ريم اي حاضر جاية ثاني يوم ريم كل عادة كعدت قبل زياد لان بايام العطل هوا يبقى نايم واني اكعد قبله علمود اخلص شغلي من وكت كعدت ساعة تسعة غسلت وطلعت نشفت شعري وبديت ارتب بلبيت اخذتلي فرة باالبيت تعزيلات وعزلت الهداية مالت اهلي خليتهن على صفحة وطبيت للمطبخ صحيح هوا صغير بس اني احبة رتبت المواد الغذائية كلشي بمكانه وبديت اسوي ريوك خليت الشاي على الطباخ وسويت بيض لان زياد يحبة وخليت اجبان وشكلته للميز كعد زياد وصاحني ورحتله زياد ريمتي وينج ريم اي حبيبي محتاج شي زياد اريد اطب للحمام اغسل وريد ملابس ريم اي حبيبي الحمام حاضر والملابس حضرتهن قبل لا تكعد زياد اني جوعان ريم حبيبي الريوك جاهز طب زياد غسل وطلع وكعد على الريوك زياد ريمتي انتي حتسمنيني انتي تخلين واني اكل ريم الف عافية حبيبي ريم خلصنة ريوك وزياد تحضر وراح يصلي للجامع القريب علينه واني هماتين صليت وحضرت الغدة ورحت حضرت ملابسنة الي حنطلع بيها حظرت الي فستان طويل لونين ازرق وابيض ردانات طوال ومستور وشال ابيض وجنطة زركة وحذاء ازرك وطلعت الزياد بنطرون نيلي وقميص سمائي ورا مخلصت اجة زياد وكعد يحجيلي على الجوارين ورا مطالع من الصلاة شلون مرحبين بي وفرحان وخلص الوقت بسوالف حلوة وخليت الغدة تغدينة ورتاحينه ورا الغدة وبلشت ارتب بروحي لبست وكملت وزياد بدل وكمل وقفلنه وطلعنه اجرنه سيارة ورحت ئل اهلي شكد مشتاقتلهم
