اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وبدينا بثاني يوم يوم مميز باالنسبة البطلتنا وبطلنا ريم كعدت من الصبح على صوت الهوسة الكل جاي من وكت خالاتي بناتهن وبيت خالي صديقات ماما وقسم من معارف بابا وماما لان بغير محافظة فجايين من وكت اجتي بنت اخت زياد هيا وخالته سلمو وكعدو شوية وراحو كالتلهم ماما وين ابقو للغدة كالولها عدنا طلعة للسوك وترخصو وطلعو ام ريم اكلج ريم ملابسج كلها راحت البيتج واريد اجهزلج جنطة زغيرة للفندق شلون لازم اروح للبيت ريم اي ماما هاي مفاتيح البيت اخذيهن وروحي ام ريم هس اشوف اخوج يجيبلي سيارة واروح اجيبهن واجي حمودي راح اجر سيارة وطلعت ام ريم وابنها راحو البيت ريم وزياد وصلو لكو الزياد بالبيت بعده مطالع وممتحضر لحد هس كالتله ام ريم شلونك زياد زياد هلا بيج عمة تفضلي نورتي البيت ام ريم اجيت اخذ الريم ملابس لليوم تاخذهن وياها للفندق زياد اخذي راحتج عمة اني هماتين بعدني مرتبت الي ملابس ام ريم تعال خلي نخليهن مرة وحدة مالتك ومالات ريم عليش جنطتين وحدة كلش كافية ورا مكملو طلع ملابسة زياد القاط الي حيلبسه باالعرس شوفة العمته وفرحتله هواية كامت تدعيلة الله يوفقكم ويسعدكم بحياتكم ان شالله زياد كلش فرح بحجيها وجان يندك الباب اجت اخت زياد ام محمود سلمت عليهم كالتله الزياد حضرت غراضك كاللها اي حضرتهن وخليتهن ويا غراض ريم وهذني القاط وبقيت غراضي هماتين حضرتهن ام محمود خوش لعد خلي نروح اذا مامحتاج شي بعد زياد لا خلصت كلشي بمساعدت عمتي الله يحفظها اليا ام ريم تدلل انته مثل حمودي الله شاهد ام محمود تسلمين عيني ام ريم مااوصيج بي انتي هنا مكاني تديرين بالج علي وعلى بيته صحيح هوا مو زغير بس انتو هس بمكان اهله هنا ام ريم يتدلل وبعيوني احطة بغلات حمودي ام محمود تسلمين عيني خوش لعد اني حاخذ جنطة العرسان ويايا للفندق وحظرللهم غرفتهم هناك ام ريم مدام هيج اني حروح للبيت تدرين عفت كلشي ورايا الهوسة والتحظيرات وهس يجوز اجتي ام الصالون علمود تبلش من وكت ام محمود اي عيني لان نجي من وكت نزفهم زفت العرس ساعه باالاربعه احنا يمكم ان شالله زياد اني جاهز ام ريم يله احنا هماتين حنروح ام محمود اوكفي عيني ام ريم خلي نوصلكم نطلع سويا وطلعو اخذو غراض العرسان وصعدو بسيارة وصلو ام ريم وابنها نزلو على الشارع لان ام ريم كالتلهم مايحتاج توصلونه للباب البيت صار قريب نزلت ام ريم وسوكت مرة وحدة فواكه للبيت لان عدها هواية خطار باالبيت وصلت للبيت دخلت لكت اختها ام علي دتشتغل وتنطي توجيهات للبنات ودتصب غدة سلمت ام ريم ودخلت جوا وخلت المسواك باالمطبخ دخلت على ريم لكت ام الصالون جايتها وجايبة غراضها ودتشتغل بيها ريم هلو ماما وين غراضي ام ريم غراضج رتبتهن ويا غراض زياد وجتي حماتج ام محمود اخذتهن للفندق كالت اني ارتبلهم الغرفة وراح وياها زياد يتحظر من هناك وكالو الزفة الساعه اربعة يعني لازم من وكت نخلص كلشي ورا ماتغدو كل الموجودين بدو يحضرون نفسهم للعرس الي يغسل ولي يبدل ولي يعدل نفسه ويرتبها واهم شي ريم تخلص اول وحدة زياد اني من رحت للفندق وصلت للغرفة الي محجوزة النه خليت الأغراض وتمددت على القنفة وماادري بروحي ونايم لان قبل ابيوم مجنت نايم زين وكعدت على دكت الباب كمت افتح لكيت محمود يكلي يله يعريس امشي نتغدة علمود تلحك جهز نفسك كتله اي يله جاي انتضرني ثواني بس اغسل واجي وياك طبيت للحمام غسلت وطلعت نزلنا نتغدة وخلصنه وطلعت الحمام غسلت ونزلت الحلاق كملت كلشي وبدلت ملابسي صارت الساعة ثلاثة ونص اتصلت بريم كتلها حبيبتي اخبارج كملتي كلتلي اي خلصت ريم اني خلصت وكاعدة بغرفة الاستقبال ويمي البنات ودك التلفون باوعت زياد ديتصل جاوبت كالي حبيبتي خلصتي كتله اي خلصت كالي لعد هس راح اجي كتله حبيبي مو كلتونه ساعة اربعه كالي اشتاقيتلج حبيبتي اتحضري كتله ماشي انتضرك حياتي صحت الماما كتلها ماما خابرني زياد كالي هس يجينا علمود تتحضرون كالت ماما اي ماما مخلصين احنا كملنا كلشي
زياد ورا ما خلصت كتله المحمود يله خلي نروح عليش هل تأخير محمود كام يضحك يكلي ايبين خلص صبرك كتله اي خلص صبري يله امشي بلغهم خلي نروح محمود ماشي هس اخبارها الاختك وكلها محمود اتصل بامه وكاللها يله وينكم انريد انروح انجيب العاروس العربس خلص صبره ام محمود ماشي روحو اني استقبلكم اول مطبون ماشي ام ريم جهزنا كلشي وكاعدين ننتضر زياد واهله يجون واني دمعتي بعيني على فراك بنتي وكلسع تباوعلي ادري بيها فرحانة واني فرحانتلها واتمنالها السعادة وادعي الله يصبرني على فراكها بس من اشوفها فرحانة ابتسملها من كل كلبي حبيبتي بنتي الله يسعدج بحياتج بوستها واني جايتني البجية وجان تكوم تبجي واني اسكت بيها وخالتها اسكت بيها كالت خالة ريم بلله هاي شنو ليش هلبجي وخربتي مكياجج انتي يل عروس ريم كاعدين نحجي ونبجي اني وماما وخالة كامت تحجي علينه كالتلي خربتي مكياجج ياعاروس وجان يطبون بابا وزياد كالو هاي شنو ليش هلبجي زياد يلله حبيبتي مااريد دموع وافرحي اريد اشوف الفرح والسعادة بعيونج الحلوة واجتي شهودة عدلتلي مكياجي وهيا اتبوس بيا وتكلي كافي تبجين يااحلا عروسة وجان بابا يكله الزياد ديربالك عليها هاي غاليتي وجان يكله زياد تدلل عمي بعيوني وجان يجرني من ايدي ويحضني كدام الكل كالي اشتاقيتلج حبيبتي وجان اخجل كتله كافي يمعود استحي وجان يكلي حلوة من تخجلين وطلعنه صعدت بسيارة وزفونا للفندق وصلنه هاي شكبر القاعه شكد عالم جاية احنه العرسان مطبينه خلو المعازيم كلها تكعد وخلونه اغنية حلوة هادئه دخلنه عليها وجانت الكوشة كلش حلوة كعدنه وكامة العالم تباركلنه كرايبنا اعرفهم بس همه هواية عالم عازمين واني مااعرفهم وبدت الاغاني تعله والناس كلها كاعدة كتله زياد حبيبي كالي كولي حبيبتي كتله شو بس كاعدين يباعون علينه كلي يعني شتريدين كتله مااريد شي وجان يكلي زياد شنو رئيج نخلي هلعالم تحتفل وحنا نروح نحتفل بوحدنا ريم كتله هاي انتة شكد وكيح اشرتلها الشهد واجتني كتلها عيني شو كاعدات انتي وهذني الهوانم بنات خالتي متكومن تتحركن فلا اركص باعراسكم وجان تكلي يكولن نستحي كتلها ماشي لعد كليلهم اني راح ازعل عليهم وجان يكلي زياد شنو رئيج نخلي هلعالم كلها تركص كتله شلون كالي هس بس اصيح محمود وخلي يحركهم وجان يصيحه كاله العروس زعلانه محمود منو مزعلها كاله تكول شنو برنامج الحفلة شو العالم بس كاعدين يباعون ويسولفون ومحد معبرنة كال يعني شتريدون كتله انريد انروح كال وين ترحون كتله افتهم انريدك اتركصهم وجان يكوم يضحك
كاله هس اخلي الكل يركص حت انتو العرسان تركصون وجان يروح يطلع شوية ويرجع وراح حجة ويا امه واجه كال اصبرو خمس دقايق بس وصدك ورا خمس دقايق وجان تتغير الاغاني ويطب المسؤل على القاعة ويكول نبدي بهاي الفرحة للعرسان بركصة خاصة الهم وبعدين وراهم تشاركونا الفرحة للعرسان بركصة بين الاهل والاقارب وكلمن يحب يشاركهم فرحتهم وجان يبدون باغاني هادئه وكومونااني وريم نركص عليها واني مااعرف اركص كتلها الريم استلمي يردونة احنا نبدي الركص واني مااعرف ريم يله حبيبي عادي اني اعلمك زياد ليش انتي تعرفين ريم اي طبعن هوا اني كل انواع الركصات اعرفهن هيا بسيطة بس خليك ويايا وهيا ترهم وصارت اغنية ورا الخ وحنا نركص على اغنيتين وراها تبدلت على اغنية هوسة وبقينا واكفين وجان تكوم اخت زياد شفتها بدت تكوم باالبنات اجتني شهودة وكمنا نركص اني وياها واجت بت خالي ويانا وجان تجي اخت محمود ويانا وهيا خطية حامل وبعدين كلها كامت تركص وتكمز لحد ماخلص العرس واني وزياد كل مانكعد يكومونا تعالو ركصو وزياد مايعرف يبقى واكف يمي واني اركصله وهوا يباوعلي ويضحك ويتحلف بيا واني بس اضحك واتدلل عليا وطبعن محمود ماضيعها للفرصة كل شوية متقرب لشهد وهيا تبتعد عنه واني كتله الزياد شوف ذولة شكد تعاركو محمود وشهد زياد ان شالله ينولد حب جديد بس مااتوقع مثل حبنا وحنا كاعدين نحجي وجان يجينا محمود كال حيبدون ياخذولكم صور لوحدكم وجماعية ويا عوائلكم كلناله ماشي وجان يندار علينه كال اكوللكم حجاية وماتزعلون كلناله كول شرايد كال دخيل الله شكد تحجون بيناتكم مشايف اثنين يحجون بكدكم شنو محاسين باالعالم الحواليكم وجان يكلة زياد ونته شعليك ابعد يله اخوي بيك خير استعجلنه الكعدة وفضة للعرس يلة اني حاخذ ريم واصعد روح انطي خبر الاختي كللها مدام العالم تعشت وخلص كلشي بعد عليش خلي نفضها وجان يروح محمود كاللها الامه وراحت كالتله ال زياد بعد ساعتين شدعوة اليل كدامك طويل زياد والله يااختي الغالية احنه اثنيناتنا تعبانين ونريد نرتاح ام محمود ماشي هس شوية واجيكم فد ربع ساعة وراحت ريم اكلك زياد زياد كولي حبيبتي ريم انته خجلتني كدام اختك شنو هلحجي زياد اني ماعاد عندي صبر كافي تعبان اريد ارتاح من الهوسة ومشتاقلج اريد اكعد وياج ريم مكيفك حبيبي ورا عشر دقايق اجتي اخت زياد هيا وماما كومونا وكامت العالم كلها ورانا بدت العالم تروح واحنة صعدونة بهوسة الشباب محمود واخوته الاثنين وزوج اخته واخو وشكم واحد مااعرفهم واخت زياد وماما وحدة من خالاتي وبنت اخته الزياد وحماتها هاي طبعن مكعدت بس تركص مبطلت وكدام زياد كل العرس مفكت منا وجان من نصعد جتي شاورتني كالتلي الله لايفرحج اخذتي خطيبي مني كتلها شنو شتحجين انتي والله لو ماالخاطر هلناس الواكفة جان عرفت شردلج وجان تكوم تظحك وطلعت واجتني بنت اخت زياد كالتلي شكالتلج هاي ام المشاكل ترا هاي غيارة معليج بيها خل تولي اني سكتت محجيت شي بس صدك ضوجتني وجان تكلها شكلتيلها كالة ها مكتلها شي بس باركتلها وكتلها احنا جنا انحب بعض بس انتي اخذتي مني بس يلة مبارك كالتها بستهزاء وجان تكلها اخت محمود اسمها ورد انتي شعندج هنا يله خلي نطلع واخذتها وطلعو بعدين طلعو البقية بقت ماما وخالة وام محمود باركولنا وراحو وجان يكول زياد واخيراً بقينا بوحدنا ريم اي بقينا بوحدنا واني جوعانة وتعبانة زياد يمه حبيبتي جوعانة وهس يجيج احلا عشا وجان يدك زياد بتلفون الفندق كاللهم صعدونة عشه
وجابونة العشا واني كعدت كبل على الاكل وزياد يباوعلي ويضحك كالي هاي انتي صدك جوعانة ريم اي والله من البارحة الضهر مماكلة يله انته همات تعال اكل وكعدت وياها وهيا تاكل وتباوعلي واني بس اباوعلها تعشينا وطبت ريم للحمام سبحت وطلعت وراها اني بدلت وصلينه وكعدنا نحجي وخالين فواكه يمنه كمت اطعمها وتحارش بيها وهيا تضحك كالتلي حبيبي زيودي بردانة طفي التبريد كتلها تعاي اني ادفيج ريم كتله الزياد يطفي التبريد بردانه يكلي تعاي بحضني ادفيج كتله حبيبي والله بردانة وجان يجرني ويخليني بحظنة وهوا يتغزل بكلماته الحلوة وبحنانه الغريب حسيت ويا باالامان والحب وبدينا نتجول بعالمنه الجديد عالم احلا حبيبين وزوجين وصار زوجي وحبيبي وصرت زوجته وكانت صدك ليلة العمر ختمنه حبنه بيها وبديت مرحلة حب جديدة بحياتي انه صار زياد كلشي بحياتي واني صرت كلشي بحياته مانكدر نفترق عن بعضنا زياد حبيبتي نمتي لو كاعدة ريم نمتي اي حبيبي نمت زين اني لعد راح اكوم اخذ دوش واجي ريم لا حبيبي لا تعوفني بقيني بحظنك نايمة زياد ماشي حياتي الله لا يحرمنه من بعض وحضنتها ونمنه ثاني يوم الصبح ريم كعدت لكيت روحي نايمة بحظنة وانفاسه بوجهي كمت بسته بخده وجان يكعد زياد هاوين من الصبح ريم حبيبي اريد اروح للحمام اغسل وطلع زياد اني قبلج وجان نسابق للحمام ريم اني سبقت ههههغسلت وطلعت وطب زياد غسل وطلع وجان يكول المي منعش حلو يكدر الواحد يطب يسبح بعد شوية ريم شنو شكلت وجان زياد يتقرب منها كاللها تعاي حبيبتي اسمعج زين وجان يجرني ويخليني بحظنه وهوا يوزع نضراته بوجهي وجان اكله شبيك حبيبي وجان يكول اريد اتريك بس منين ابدي من العيون لو من الشفايف لو خلي ابدي من الاول للنهاية احسن ورا اشوية وجان تباوع ريم للساعة كالتله زياد تدري بيش الساعة كاللها بيش كالتله ساعة عشرة زياد عادي تعاي نامي بعد وكت ريم حبيبي خلي بس اتصل بماما واطمنها احنا بخير واجي انام ريم اتصلت بامها هلو ماما حبيبتي شلونج ام ريم هلو حبيبتي انتي شلونج زياد شلونه طمنيني عليكم ريم احنا الحمدالله زينين وكلشي تمام وزياد يسلم عليج ام ريم ماشي حبيبتي الله يسعدكم سلميلي على زياد ويالله مع سلامة ريم سلميلي على بابا وشهودة وحمودي باي ريم اجيت كعدت يم زياد وجرني عليا وخلاني بحضنة ونمنه كعدنا الساعه ثنتين الظهر اجتي رسائل على تلفون زياد من اخته تسئل شلونكم تغديتو لو ادزلكم غدة كال زياد هاي اختي اخابرها ريم حبيبي براحتك متخابرها زياد دك على اخته وسلامات وباركتله كالتله ادزلكم غدة كاللها هوا احنة حت ريوك ممتريكين وجوعانين بس حنطلع نتغدة بالمطعم شنو رئيج ريم كتله حبيبي مكيفك ام محمود احنا هس كاعدين نتغدة جوا اذا تجون حت اطلبلكم على ماتجون وبراحتكم زياد ماشي لعد احنا هس جايين وجان زياد يندار عليا وحنا مددين بعدنا كالي اريد حظن وراها ننزل وسوا الي يريدة ودخل غسل وبدل ودخلت ورا غسلة وجففت شعري ولبسة فستان ابيض طويل بي تطريز ورد ذهبي من الجوانب كلش حلو وانيق وخليت مكياج خفيف ونزلة شعري وحذاء كعب بس مو عالي حيل وجان يباوعلي زياد كالي حبي هاي شطالعه كيمر لعد خلي نبقى هنا ومانطلع كتله لا حبيبي عيب العالم كاعدين ينتضرونة كالي نعتذر كتله لا حبيبي عيب خلي نروح بس نتغدة ونصعد زياد ماشي لعد يله امشي ونزلو
