ريم رحنه للبيت وتصل محمود باهله وفرحوله وحجه وياهم زياد هماتين وقررو يجون يوم الاربعاء علمود يرتبون كلشي قبل بوكت كالوله لمحمود احنه حنعزم من هنا ماكو داعي تعب نفسك وتجي انته اعزم من يمك محمود كاللهم ماشي ثاني يوم جان يوم احد كلنا رحنه للدوام اني ارجع اول وحدة لان مكيفي اطلع رجعت الساعه 12الضهر طبيت للبيت نضيف ومسويا الغدة اتصلت بزياد كتله شوكت ترجع كالي اتاخر حبيبي حروح للسوك زياد ماشي حبيبتي براحتج ريم رحت للسوك اشتريت غراض للبيت ورجعت خليت كلشي بمكانه غسلت وبدلت وحضرت الغدة اجه حبيبي وتغدينه وراها طبينا انريد انام ودك التلفون مالت زياد باوع وليد ابن خالته بعد السلام كاله زياد اي كول وبقى يحجي ويا وزياد بس ايكول اي وخير ان شالله بس من جاب طاري بيت خالتي صار عندي فضول ضليت اباوع الزياد وزياد يباوعلي ومبتسم .....: نروح لبيت خالت زياد لمن وصلو لبيتهم كعدو بليل يحجون بموضوع وليد هوا وابو وامه كاعدين وياهم البنات اسماء والهام واخوانه وليد اني مقتنع بلبنية الاب والله الصراحه حسب مشفتهم خوش ناس واكيد تربيتها مثل زوجة زياد وحنه البنيه الله يستر عليها شفناها خوش بنية ومربية واخلاق وتحترم ام وليد بس حالتهم المادية مو كلش وليد وليش خالي عنده املاك ترا خالي ماعنده غير بس بيته الكاعد بي والمحلات والمزرعه ولده ويا بلشغل حت ابنه مصطفى هس ديدور على شركة يشتغل بيها وكاعد يم اهله هيا زوجته ام الاملاك ومتنطي الاحد وبعدين يوم الله يخليج ميت مرة كلتلج مااريدها اسماء ماما الهام اسكتي اسماء معلينه اسماء شو الا احجي هاي عبالها بنت اخوها ملاك وليد وابو شبيكم بنات احجو اسماء احجي ومحد يسكتني الاب احجي كولي شعندج اسما من رحنه البيت خالي وكعدنه احنه البنات وحدنه وحجت كل الصار ام وليد معقولة الهام اني كلت معليا بس كل الي حجتو اسماء صحيح وليد ها يوم شكلتي ام وليد والله اني شريد غير راحتك وسعادتك اذا رايدها للبنيه خلينه نمشيلك عليها بس بلاول نشوف اهلها ينطونا اياها هيا تقبل تعيش هنا يجوز عيشتنا متوالمها وليد خوش لعد باجر اتصل بزياد واخذ رئيا وكله يجسنه النبض اذا ينطون علمود نروح نخطبها اسماء والله يا اخوية اني بلنسبة ليا شفتها البنية حبابه وفاهمه وفوك كل هذا حلوة مقاصرة كافي عيونها وليد الله يستر عليها ويجعلها من نصيب اخوج اخوته الوليد حلوة العروس وليد ونتو شعليكم ام وليد الله يستر عليهم بناتهم كلهن حلوات اخت ريم ماشالله عليها كلش حلوة بس ماينطوها يكولون محجوزة بس هنا بنات خالتهم هماتين حلوات ماشالله وليد هس باجر ان شالله الضهر اتصل على زياد وانطي خبر علمود ينطيهم خبر ويردلنا جواب
نرجع الزياد وريم زياد ماشي وليد تدلل اشوف اهلها وردلكم خبر وليد مشكور ابن خالي يله الله وياك زياد سلمنه ريم خير زياد شكو زياد هههه اكلج متكليلي انتي شنو ريم ليش اني شبيا زياد انتي حلويات ريم هههه خجلتني زياد اموت علحلو مالتي تعاي خلي احجيلج ريم يعني عدنه عرسين زياد هوا من زوجنه ولحد هس بس نحضر اعراس ريم رجلنا خضره عليهم ريم كعدت من النوم العصر ساعه اربعه سويت عصرية وكعدت زياد كعد شوية وراح للدوام كلي لا تحجين شي لحد مااجي ونروح سوا البيت خالتج ريم ماشي حبيبي بس اني حروح لاهلي ونته من تجي مر عليه زياد ماشي ريم طلع زياد واني رجعت رتبت البيت وسويت عشه وغده الثاني يوم وكملت غسلت وبدلت ملابسي ورحت الاهلي طبيت سلمت وكعدت شهد اي عيني شدعوا لحد هس يله اجيتي ريم والله شهودة حبيبتي لحد مخلصت شغلي واجيتكم وكعدو يحجون بتفاصيل الخطوبة ام ريم انسوي عشة لو غدة شوكت يجون ريم من يجي زياد نخلي يخابر اخته ام محمود ويسئلها شوكت يجون علمود نعرف شحنسوي بس ماما هوايه عالم حيجون ومنعرف اذا حيبقون للعشة او يروحون بس يجي زياد انخلي يتصل بيت ام محمود ونفتهم ولو زياد اليوم عنده شغله ثانية ام ريم خير خومه اكو شي ريم لا ماماتي خير ان شالله بس زياد كالي لتسوين شي اني بس ارجع من الدوام اتصرف وانشالله ماكو غير كل خير الام خير ان شالله الله يسعدكم ويفرح قلبج بطفل ريم امين والله اني بس اريد طفل مرايده شي بس طفل الله يرزقني ام ريم اسبوع الجاي تردين انروح للطبيبه ريم لا ماما اخير مرة مو كالت مبيا شي وهيا مسئلت وقت والله كريم ام ريم الله كريم حبيبتي ومر الوقت واجه زياد طب البيت اهل ريم سلم وكعد وكاللها الريم منين ابدي ريم هههه كلها براسك حبيبي صرت انته الاول والاخير
ام ريم انريدك تخابر ام محمود وتسئلها شوكت يجون علمود انشوف شنحضرلهم عشة غدة زياد هههه ماشي عمه مو تدللين انتي تامرين ام ريم مايئمر عليك ضالم والله يسعدك ويطول بعمرك وليدي زياد اشكرج عمه ربي يخليج اليا دوم وتدعيلي دعواتج الحلوة ام ريم مو تدلل اتصل زياد باخته وتفقو على كلشي وام محمود حجت ويا ام ريم وريم وكالتلهم اجي ان شالله يوم الاربعاء ونرتب كلشي سوا ومثل متريدون ام ريم ان شالله ورا مخلصو كل حجيهم للترتيبات قررو يوم الاثنين والثلاثاء يطلعون ام ريم وريم علمود يحضرون كلشي زياد اكو موضوع ثاني ام ريم شنو هوا احجي وليدي زياد وليد ابن خالتي ام ريم شبي زياد شنو رئيج بي ام ريم اني شفته للولد خوش ولد مبين علي واهله خوش ناس مو علمود كدامك والله خالتك خوش مريه مبين عليها زياد عمه وليد رايد يناسبكم ام ريم شلون اني ماعندي بنات للزواج ريم هههه ماما ليش مو عندج بنات اختج ام ريم بنات اختي ريم اي ماما زياد هوا وليد خابرني وكالي اذا ينطوني علمود نجي نخطبها للبنية ورايدها البنت خالة ام علي شهلاء ام ريم واني هس شرايدين مني ريم تروحين ويانا البيت خالتي انكللهم اذا يقبلون علمود نرجع خبر موافقين واذا لا هماتين نرجع خبر ام ريم ماشي بس خلي نكوم انسوي عشه نتعشا ونروح ريم ماما عليش خلي انفضها قبل العشه زياد مشكورة عمه خلي انروح هس البيت ابو علي ننطيهم خبر وبعدين نروح بيتنا نتعشه ام ريم وليش مايمنا ريم اني مسويه العشه ومكملتا زياد يله تفضلو خلي نروح وطلعو زياد وريم وام ريم راحو البيت ام علي وصلو وطبو سلمو وكعدو جانت ام علي ماموجودة يم جيرانهم راحو صاحوها بس ابو علي والبنات بلبيت وعلي وزوجته ماموجودين طبت وسلمت ام علي هلا بيكم اعذروني رحت جبت العلاج جنت اموصيته الابنهم صيدلاني ويعرف بلادوية كتله اريده الاصلي خطيه جايبليا بقت بس الابرة شهلاء تضربني اياها ام ريم ماشاالله شهلاء تعلمت تضرب ابر ام علي اي علمتها زوجة علي على الابر وقياس الضغط وهوايه شغلات ام ريم ماشالله وعلي وزوجته شوماموجودين ام علي راحو للطبيبه يوم ان شالله البيت زياد ويفرحونه بطفل ام ريم حبت تغير الموضوع احنه جايين بسالفه وان شالله خير ام علي خير ان شالله اكو شي ام ريم ماكو ان شالله غير كل خير زياد خاله احنه جايين بطلب ام علي اي كول وليدي وكام يحجي زياد ام علي خلي اصيح العمك حت يسمع منك واجه ابو علي وكعد وسمع كل الحجي الصار وجان يكولون انطونة مجال يومين ونرد جواب ام ريم اريد اكللكم خطوبة شهد ان شالله يوم الخميس الجاي علمود تحضرون نفسكم تحضرون ام علي وابو علي الف مبروك وبلخير عليها وطلعت ام ريم وريم وزياد سلمو وطلعو زياد تفضلي عمتي يمنا على العشه ام ريم ماكو داعي وباالعافيه عليكم اني اروح علبيت هس كاعدين ينتضروني وسلمت وراحت ريم وزياد راحو البيتهم طبو للبيت وتعشو وراها تعللو شوية ونامو ثاني يوم ريم رحت للشغل وبعدين تاخرت للوحدة يله رجعت للبيت لان جان عدنه شغل علمود عدنا معرض وهواية شغلات لان بعد اسبوعين الافتتاحيه رجعت مستعجله طبيت للبيت بسرعه طلعت الغدة علسريع وحضرته وبين مرحت غسلت وبدلت اجه زياد ريم هلو حبيبي توا نور البيت زياد منور بيج حبيبتي ريم صبيت الاكل بين مغسل وبدل زياد وكعدنا نتغدة ريم حبيبي زياد اني اليوم اروح وياماما للسوك ايجوز اتاخر اذا جيت وملكيتني لا يضل بالك زياد ماشي اذا تحتاجوني اتصلو عليه ريم ماشي العصر راح زياد الدوامه ريم راحت الاهلها وطلعت ويا امها للسوك ريم ماما بعد هوايه شغلات مكملناهن ام ريم باجر ان شالله انكمل الباقيات ثاني يوم ام ريم وريم هماتين طلعو وتفقو ويا ام الصالون تجيهم يوم الخميس الصبح وكملو ترتيب البيت ريم ماما بقت شهد مشترت فستان لخطوبتها ام ريم خلي تجي حماتج ونشوف يجوز تروح ويانا باجر ان شالله واجه ثاني يوم يوم الاربعاء واجوي بيت اهل محمود من الصبح ريم اتصلت بيهم السلام عليكم شلونج عيني ام محمود انتو تتفضلون يمنه واذا مااجيتو زياد يزعل عليكم ام محمود ماشي حنجيكم الضهر احنا يمكم ريم عرفت حيصير غداهم يمنا حاولت ارجع من وكت وتصلت بزياد كتله حبيبي بيت ام محمود حيجون علينه وغداهم يمنا واني محلحك اسوي كل الغده زياد لا سوين شي اني حجيب كلشي من برة ريم ربي يخليلي اياك يا احلى زيودي باالدنيه زياد ههههه يدلل الحلو مالتي ريم من رجعت للبيت كعدت ارتب بلبيت وحظرت المي والعصاير واجه حبيبي جايب اكل من بره طبب كل الاكل وخليته بلفرن ورا نص ساعه اجوي ابو محمود وام محمود واخوانه الاثنين وكالو اخته تجي باجر هيا وعيالها والناس العازميهم كلهم يجون العصر يعني المعازيم كلهم حيبقون على العشه خابرتها الماما وكتلها احسبي حسابج عشه مو غدة ام ريم زين انطيتيني خبر هس اني وابوج رايحين نتفق ونحجز الاكل الباجر وهماتين نسوك ريم ماما عذريني حبيبتي جان ساعدتكم بس اهل العريس يمي ام ريم متقصرين حبيبتي خالاتج اجوي الهام وخالتج الكبيرة وبناتها ومرت خالج حتجي العصر هماتين علمود تساعدنه ريم زين ماما سلميلي على الكل كتلها الام محمود ماما اسلم عليج كالتلي الله يسلمها وكعدنه تغدينه وكملنه كالتلي كملتو كلشي ريم بقى بس الفستان الشهد مااخذنالها ايا اليوم حتطلع تشتري ام محمود شوكت حتروح ريم ان شالله العصر لان ماما هس طالعه هيا وبابا ام محمود خوش لعد خلي تجي الوالدة ونروح سوا اني هماتين عندي طلعه انتي ريم متطلعين ويانا ريم اكيد اطلع وياكم هوا اني اخت العريس واخت العاروس ام محمود اي والله انتي بمكانت اخته وردة ريم اشكرج حياتي ام محمود سعاد اني احبج بكد حبي الزياد ريم بخجل اشكرج والله انتي هماتين غاليه على قلبي كافي انتي اخت الغالي ام محمود هههه الله يسعدكم انتي واخوية ويكمل فرحتكم بطفل ريم ان شالله يارب كالتها ريم بقهر وراها زياد اكلج ريم شوكت تطلعون ريم مااعرف ريم سويت روحي رايحه للمطبخ ورحت للغرفه طبيت للغرفه وكعدت بلكاع وكمت ابجي بدون صوت واني رغم فرحانه الاختي بس مقهوره لان مافرحت بطفل من الانسان الي احبه وغالي عليا ياربي اريد بس طفل واحد مو اكثر بس ارزقني لان اريد ثمره لحبنه اني وزياد وفوك كل هذا كلمن يشوفني يسئلني مصار عدكم طفل الناس اكلت كلبي اني شسوي يارب ارزقني وبلا مااحس الا الباب انفتحت وايدين مسحت دموعي زياد شبي الحلو مالتي ريم مبيا شي حبيبي بس اشتاقيتلك زياد وهوا يضمها لحضنه اني هم اشتاقيت الحبيبتي وكافي تقهرين بروحج ريم لا حبيبي ممقهورة بس كتلك اشتاقيتلك زياد تعاي بحظني خلي انزيل الشوق حت عيونج الحلوة تفرح بشوفتي ريم هههه حبيبي اموت عليك الله لا يحرمني منك يغالي زياد يكفيني ضحكتج اذا الله رزقنه بطفل هلا بي واذا الله مارزقنه انتي عندي تسوين كل الاطفال انتي حبيبتي وطفلتي واني حبيبج وماراح احب احد بكد ماحبيتج ريم ورا نص ساعه اكلك زيودي نسينه عدنه خطار عيب شحيكولون علينه خلي نطلع زياد مايكولون شي اصلاً سعاد وزوجها طبو للغرفه الثانية يرتاحون همى رادو يروحون للفندق واني كتلهم والله عيب طالعين من بيت رايحين لفندق قابل احنه غربه وكتلهم هاية غرفه وطبو بيها اصلا ريم رتبتلكم اياها وبيها سريرين فوتو اخذو راحتكم والبيت بيتكم ونزلو غراض
كم هنا .
ريم اي والله صحيح
زياد:حت الولد كتلهم فوك اكو غرفة مرتبه الكم بس همى كالو احنه معزومين اليوم ومتشوفونه الباجر الظهر وطلعو اخذو سيارة ابوهم وراحو بعدين خلينا نرتاح شوية فد ساعه وبعدين اخذكم للسوك لان اني ومحمود اتفقنا ناخذكم بعد شوية انتي وسعاد وشهد وعمتي واذا احد راد يجي من خالاتج هماتين هلا بي وسعاد كالت مرة وحدة علمود تختارون الذهب انتي وشهد وهيا وعمتي
ريم: ماشي حبيبي لعد خلي اخابر شهد انطيها خبر هيا وماما
زياد :معقوله محمود مكاللها هوا صلاً من جان هنا قبل لا يطلع خابر على عمتي وحجا وياها وتفقو تعاي خلي انام شوية نرتاح قبل لا نطلع واني اخذت اجازة لباجر علمود اساعد اهلج وخابرته العمي كتله باجر شتريد اني حاضر لا شيل هم من كلشي
ريم :ربي يخليلي اياك ومايحرمني منك وبعد ساعه كعدنه وكعدت بدلت ملابسي وكعدت زياد وكعدو ابو محمود وسعاد اتصلت بماما كتلها علمود فد شوية ونطلع وكتلها حنروح سيارتين كالت انو محمود مخابرها وكايللها وهوا هس يمهم وهمى حيجونا ورا شوية اندك الباب طلع زياد فتحه
ام ريم :شلونك وليدي ريم شلونها
زياد:هلا بعمتي تفضلي فوتي ريم الحمدالله زينه
ام ريم :السلام عليكم شلونكم
ام محمود :الحمدالله زينين مدام جيتو يله لعد خلي نطلع مداد الكل مكمل
ابو محمود: واني وياكم الولد اخذو سيارتي وفلتو
زياد :اتفضل ويايا وجان من يطلعون
محمود: تعال يابه اتفضل وجان يروح ابو محمود يكعد بلصدر يم ابنه وام محمود ورا وشهد كاعده ورا
زياد: يله ريمتي صعدي تفضلي عمتي ويانه
ام ريم :لا عيب شهد وياهم لوحده حروح وياهم
ريم:هههه زياد حبيبي احنه حنروح بوحدنا شتكول
زياد :شكول والله لو ما العيب ولخاطر محمود وشهد جان اخذتج وطرنا بوحدنا الغير مكان او جان ماطلعنه اصلاً وبقيتج بحظني حبيبتي
ريم : احبك ياعمري وطلعو راحو ارقى محلات الملابس اخذت شهد فستان ذهبي كله شغل نازك كلش حلو واخذت بدلتين كلش راقيات وحلوات
وكله من ام محمود وابو محمود مخلوها الام ريم تدفع وام ريم كلتلهم هذني هوايه وام محمود كالتلها الفستان حتلبسه باجر والبدلات حتلبسهن يوم الجمعه لان احنه حنسوي الجمعه حفله بلفندق ورتبناها وكلشي كامل باجر يمكم وبعده يمنا
ام ريم :براحتكم عيني مثل متريدون
زياد :ريمتي وانتي محتاخذين فستان ريم اي حاخذ فستان الي والماما لان ماما اعرفها حتنسى نفسها ومتشتري
زياد:لعد تعاي خلي انشوفلج فستان حلو لو اخذلج اثنين
ريم :خلي انشوف ريم بقيت افتر واشوف وصاحني زياد ريمتي تعاي شوفي لكيته شايل اربع فساتين واحد احلى من الثاني اختاريت منهن اثنين جانن كلش حلوات واشتريت الماما فستان هماتين كلش حلو وكتلها الماما انتي مااخذتي الج شي جاوبت ام ريم البس اي شي ريم لا يا ماما اني وزياد اخذنالج فستان تفضلي وشكرتهم ام ريم الزياد وريم ريم باالعافية ماماتي وبعدين راحو اشترو ذهب اخذو حلقة وياها خاتم ذهب واخذو طخم ذهب كامل ورجع ابو محمود اشترى اسوار لعاروسة ابنه وام محمود اخذتلها خاتم الماس العاروسة ابنها
زياد وهوا يباوع الريم وجان يكللها حبيبتي معجبج شي اخذلج اياه ريم اي عجبني زياد شنو ريم انته زياد لاوالله صدك مو شقه شيعجبج كولي ريم من صدك معاجبني من الدنيه كلها غير بس انته كلشي مابعيني غير بس انته اني من شفتك بعد ماكو شي اشوفه بعيني غير بس انته زياد كدام الكل وبمحل الذهب مكدر يقاوم جرها الريم وباسها من راسها وجان الكل يباوع عليهم وجان تكول ام ريم الله يحفظكم البعض ريم امين ماما ام محمود اي والله الله يحفظهم البعض الصايغ حاير عباله ريم وزياد العرسان وكام يباركلهم وهمى يضحكون كاله ابو محمود هذولي العرسان وياشر على محمود وشهد وشهد خجلانه وعمها ابو محمود يتشاقه وياها ومحمود بس يضحك كملو وطلعو وعزمهم ابو محمود على العشة تعشو وكملو ورجعو كلمن على بيته ومحمود اخذ امه وابو ويا للفندق بعد ملحت زياد وريم انه يبقون يمهم بس ابو محمود كله الولد هناك وهماتين عدنه شغل من الصبح ومنريد نقيدكم بينه اخذو راحتكم
الكاتبه :رنا لطيف ...........نرجو منكم التصويت
