حبيبي هو قدري الجميل

الجزء الثامن والعشرون

ريم ثاني يوم كعدنه  من وكت لان زياد عنده شغل علمود الورث  مالته انطوه فلوس بس مو كلهن البيت مالت عمه خلوه للبيع وحينطو من البستان الكبير نصه  ورا ماتريكنه جانت الساعه ثمانية الصبح كال شوية واطلع كتله اروح اليوم للعرس زياد روحي حبيبتي غيري جو بس هنا يم بيت عمتي البيت العريس لا تروحين خاف ضوجين هناك ريم ليش اضوج انته وين اتروح العصر والمغرب تبقى هنا زياد مااعرف مكيفج اذا تردين تروحين ريم والله مااعرف اني اصلا معندي لبس للعرس  زياد خوش لعد اني اخذج ورا الضهر نفتر وعازمج بليل على طلعه ريم باجر نرجع ان شالله زياد اي ان شالله باجر شوكت اخلص نرجع ريم ماشي حبيبي لعد اروح البيت عمتك بعد شوية زياد بدلي وخلي نطلع سوا اني شوية ورايح الهم ريم رحت الخالة ام غايب وكتلها اني مراح اروح للعرس انتي اذا تردين تروحين براحتج لان احنه ورا الضهر نطلع  كالتلي براحتكم  بدلت لبست كيلوت عريض لونه اسود وعليه قميص ماروني وخليت حمرة بلون القميص وحذاء ناصي  وطلعنه رحنة البيت عمته لكيناهم كلهم طالعين برة رجال ونسوان وجهال صايرة هوسه سلمنه عليهم   وجان الكل بقو يباعون عليه وجان تكلي عمت زياد  يمه ماشاالله عليج تخبلين فوتي يمه ويايا جوا البنات واخذتني وياها وطبيناها وزياد راح طلع ويا ولد عمته وفتت لكيت بناتهم وهوايه نسوان كاعدات سلمت ورحت للعاروس باركتلها وبوستها كالت اليوم تحظرين عرسي ان شالله كتلها والله  ماعرف اذا كدرت اجي كالت وليش متحظرين كتلها اشوف زياد اذا يقبل اجي  وكعدت يمهم بس مااحجي بس همى شكد يحجون واجت وحدة كالو هاي ام الصالون وبدت تشتغل بيهم وحدة ورا الخ شكد خلن مكياج بعدين كلت خلي اخابر ماما اشوف شلونهم وهستوني طلعت التلفون ودك عليا زياد كالي حبيبتي اذا اتاخرت ليضل بالج  كتله ماشي حبيبي وراها خابرت ماما وحجيت وياها شوية  وراحت وبقيت للضهر يمهم وخلو الغدة تغدينة بس مااكلت بس شوية  لان الاكل كلش دسم  وجان يكلولي شو مااكلتي كتلهم الحمدالله  اكلت هوايه وكامو يضحكون وسكتو ورا اشوية احنه كاعدين بلهول بس موالكل اني وعمت زياد وزوجت عمه خاله منيرة وشكم مرية اجوي الولد يردون غدة وخلولهم وطب زياد وياهم كعدو ياكلون  وزياد باوعلي كالي ريم بس اريد ماعون  كتله اي هس ورحت للمطبخ جبتله ماعون وخاشوكه  وكعد يخلي بماعونه وجان يكلي تغديتي بيني وبينه من انطيته الماعون كتله اي اكلت  ورحت كعدت يم عمته ليش مسمعنه ابن عمته وهوا يسال امه يمه تغديتو تعالو  اكلو انتي ومرت زياد كالت امه يمه تغدينه بس هاي مرت زياد مااكلت وجان يباوعلي زياد كالي اخليلج وجان ارد واكله لا ارادياً لاوالله حبيبي اكلت وجان الكل يكوم يضحك على حجايتي  اني خجلت ودنكت من يمي وجان تكول عمته شكد اكلت بكد العصفور وجان ترد مرت عمه الزياد خو مثلنه ناكل ومندير بال شسمنه ومندير بال وجان يكلها جابر اي والله عمه كلتجن سمان اكللها الام حمدي ضعفي نفسج تكلي السمن احلى وجان يكومون يضحكون واني باوعت الزياد اطلب النجدة منه مكد مخجلت من حجيهم وجان تكلي عمت زياد متروحين تحظرين نفسج  يم البنات للعرس كتلها خاله اني مااروح كالتلي ليش كتلها عليش خاله استحي كالت ليش تستحين كلنه حنروح نسوان ورجال وجان يكلها زياد اني عودينه اطلعها كالتله ليش متروحون للعرس كلنه حنروح حت الولد لان العريس ابن خالهم ومثل اخوهم متربي وياهم  وجان يردلها زياد ماشي عمتي انروح ان شالله وجان تكلي روحي تحظري وياالبنات وجان اسكت باوعت الزياد لان جنت بموقف محرج وكلت بيني وبين نفسي شحلبس  ياربي محاسبة حسابي بعدين كلت ابقى بملابسي هاي شسوي وجان يكوم زياد وكلي تعاي ويايا ترخصنة وطلعنه كالي شوكت  العرس يبدي كتله يمكن بعد ساعتين اكثر  كالي ماشي روحي طبي جوا واني طالع فد ساعة وارجع وصيحيلي فلاح من جوا  كتله ماشي  بعدين رجعت كتله انته وين رايح كالي شغلة صغيرة اسويها وارجع   كتله ماشي طبيت وكتله الفلاح زياد برة ايريدك وجان الولد يطلع طبيت كعدت يم النسوان بلهول وكعدو يسئلوني شكد عمرج دارسة لولاء  شكد صار من زوجتي مصار عندج طفل كتلهم صارلي عشر اشهر من اتزوجت وحاليا بعدني مصار عندي شي وجان يكلولي وكاعدة لشغل ولا عمل مضوجين  ولو انتو اهل بغداد شايفين  نفسكم  كتلهم لا عادي عليش نشوف نفسنا كلنا نفس الشي بلعكس اهنانا الجو كلش حلو خظار وبساتين  وجان وحدة مااعرفها تكلي انتي دارسة لو لا كتلها اي الحمدالله كملت كليه كالتلي يعني مثل العاروس هماتين مخلصة وتخرجت قبل خمس سنوات وهس تعينت هيا واخوها اثنينهم يدرسون هوا بمدرسة الولد وهيا بمدرسة البنات كتلها يعني اثنيناتهم مدرسين وجان تكلي ام جابر عمت زياد كالت ونتي هماتين مدرسة مثلهم غير كتلها لا عمه اني مو مدرسة كالت لعد انتي مو تكولين دارسة كتلها اي خاله بس اني غير اختصاص يعني غير كلية  وجان يجوهم ناس مرت الخ وبدو يحجون بيناتهم علعرس وشوكت تجي الزفه كالو فد ساعتين بعد  وتجي الزفة  وجان تكلي خاله نورية اني حروح علبيت متجين تتحضرين لو بعدج على قرارج محتجين  كتلها والله خاله مااعرف بعد  هس حبقى  انتضر زياد يجي واشوف وبقيت كاعدة وجان ورا نص ساعه  يخابرني زياد كالي اطلعي برة اني اجيت كتله اي حبيبي هس اجيت سلمت وطلعت لكيت زياد برة  واكف  يباوعلي ويحجي ويا فلاح وشايل غراض هواية علاليك رحتله كالي امشي نروح البيت عمي علمود نتحضر كتله حبيبي اني لابسه هذول الملابس حروح بيهن كالي زياد معقوله الحلو مالتي يطلع بهاي الملابس ولو هنا يخبلاً عليج  يله  خلي انطب فتحتنه الباب خالة نورية وكالت يله فوتو تحظرو مبقى وكت  وجان نطب كعدنه بلهول كلياتنه وجان يكلي زياد تعاي حبيبتي افتحي هاي العلاليك  ريم فتحت العلاكة الكبيرة وجان اطلع واذا حبيبي جايبلي قفطان لونين ازرق وردي كلش حلو والعلاكة الثانية بيها شال كلش حلو وردي اللون  وهوا جايب اله قميص وعليه يلك كلش حلو كتله حبيبي شنو هاي الي زياد لعد المن ريم احبك احبك احبك انته شنو تعرف كلشي بعقلي وبكلبي ياروحي زياد انتي كلتيها اني روحج ونتي روحي  اموت عليج ياعمري ريم لا جيب طاري الموت مااحبه احبك انته وبس يا روح ريم  زياد ورا هذا الحجي الحلو ماكو شي ريم مثل شنو زياد اريد حلويات ريم ورانه عرس زياد اي واني معليه اريد حلويات  ريم هههه حبيبي خلي اروح اودي الغراض جوا بلغرفة  زياد اي روحي ريم رحت طبيت للغرفة وبعدني ممخلية الغراض بلكنتور وجان زياد يحظني كتله حبيبي خاف نتاخر   زياد مامشكله مانتاخر ريم اخذني زياد العالمنه الخاص  وراها طبيت غسلت وبديت احظر روحي وكتله زياد حبيبي هاي ملابسك زياد يله تحظري ريم ماشي ريم جففت شعري بشسوار  وبديت اخلي مكياج خليت مكياج وردي ولبست القفطان  طلع كلش حلو عليا ورتبت شعري سويته كله ليفوك ونزلت خصل  تسريحه بسيطة عسريع ولبست الشال  لان هوا شال كلش خفيف  وطلعنه لكينة خالة نورية تريد تروح على بيت ام جابر كتلها خاله وين انتي ويانه  وجان تباوعلي وتظحك كالت يمه ماشالله عليج تخبلين وكامت تصلي على النبي وجان يطلع زياد وجان اتكوم تصلي على النبي مرت الخ كالت ماشالله عليكم الله يحرسكم
من العين   وطلعنه رحنه للزفه وحظرنة العرس جان بقاعه ومسوي مختلط لان كلهم اقرباء وجان نكعد اني وخالة نورية وزياد ولد عمته كاعدين بصفنا علميز اليمنا واجتي عمت زياد كعدت يمنه وصارت هوسة بعدين كامو يخلون الكراسي كلها ناس يم ناس وكامو يركصون وفاتحين ديجي والجهال اكثر من الكبار بس العرس جان حلو كلش واجت وحدة على عمت زياد تسال علية كالتلها هاي البنية ميلكم كالتلها وليش تسالين عليها كالتلها انريد نخطبها وجان عمت زياد تكوم تضحك كالتلها المرية حجية انطينا جواب كالتلها عمت زياد اشوفين هذا الولد الكاعد هنا هذا زوجها وجان تعتذر المرية وتروح وكامو الولد يشاقون ويا زياد واني شكد خجلت من كد ميشاقون ويضحكون  وراها خلو العشة  وبعدين زفيناهم للعرسان ورجعنه للبيت كملنه التعليله بيت عمت زياد وبعدين رحنه البيت عمه ونمنة هناك كعدنه الصبح  من وكت راح زياد كمل شغلة واجه جنت محضره غراضنه على اساس نطلع من يرجع وجان يكلي بيت عمتي عازمينه على البستان  ورا منرجع نمشي لبغداد ان شالله  كتله ماشي حبيبي وراها رحنه للبستان وشوفني حصتنا الي تسجلت باسم زياد  وفرحت  هواية كتله حبيبي يعني هس هاي النه كالي احبيبتي شنو رئيج  انطيهن الخواتي من الفلوس حصتهن لو اسجللهن البستان كتله والله حبيبي بقي الك للبستان هذا رئيي ونته عاد مكيفك  زياد هذا هوا حبيبتي  ابقيلج البستان   ورا مكملنه الغدة رجعنه اخذنا غراضنه وشيلونه بيت عمته حليب وجبن ولبن وبيض وخظرة  تشكرنه منهم وطلعنه طبينه من نص السوك جان سوكهم اسعارة كلش رخيصة تسوكنه  لحم ودجاج وسمج واخذت لهلي  هماتين  وطلعنه وكل  الطريق كل شوية انام وارجع اكعد   اخير مرة كالي زياد ريمتي حبيبتي نامي وشبعي نوم ومن نوصل اكعدج   يله حبيبتي نامي اذا بقيتي هيج راسج راح يكوم يوجعج ريم اني طبعن بدون حجي بتسمة على حجيه ورجعت نمت ومكعدت الا اني باب بيتنه كعدني زيودي وهوا يكلي ريمتي كعدي حبيبتي وصلنه زياد من طلعنه وريم كل شويه غافيه وكاعدة خطيه انقهرت عليها اسوي هيج حت مااضوج بطريق واني اعرفها بس تصعد بسيارة وطريق بعيد اتنام كتلخا نامي حبيبتي وهيا ماصدكت كبل رجعت نامت اني ضحكت على سوالفها احسها مرات طفلتي مو بس حبيبتي وزوجتي احب كل تصرفاتها لان برائتها تنحب وكلشي بيها ينحب ومن وصلنه كعدتها كتلها حبيبتي ريمتي كعدي وصلنه  ريم وصلنه  ونزل زياد فتح الباب طبب السيارة ونزلت وفتحنه باب المطبخ وبدينه نزل الغراض وخليتهن بثلاجة وطببت بقيت الغراض وطبيت للحمام غسلت وطلعت للفراش  اتمددت وزياد  قفل البيبان ودخل همات غسل وطلع وتمدد هماتين وماحسينه على نفسنا  لليل كعدت دنيا ليل  رحت للمطبخ بديت ارتب بلغراض بعد مخابرت على اهلي خليت كلشي بمكانه وخليت شوية غراض من الجبناهن اخذهن لهلي  كعدت زياد كتله حبيبي اكعد اشتاقيتلك  وكملت العشة يله خلي نتعشه اني جوعانه  كعد زياد وتعشينة وتصل بخواته علمود ورثهم ام محمود كالتله بلبداية مااريدهن وخليهن ئلك زياد مقبل كاللها  حصتج تبقى وانطيج اياها وتصل باخته سهاد كالتله اريدهن دزلي اياهن كاللها ماشي فد يومين وادزلج اياهن   وفعلا ورا يومين دزلها اياهن ومشت الايام عادية وحلوة وحبنا اني وزياد يزيد ماينقص وبعد اسبوع عيد زواجنه واني يم اهلي كاعدة احجي ويا شهودة كتلها اريد احتفل بس اني وزياد   وجان تكلي اي شكو بيها اطلعو احفلو بيها برة او سافرو الجو كلش حلو بشمال كتلها اني اريد احتف بيتنه لا اطلع ولا اروح الغير مكان بس اريد اشتري فد شي مميز حلو البسه بهذا اليوم  كالتلي تعاي باجر الصبح اني معندي دوام باجر خميس ومحداوم لان رايحين سفرة القسم مالتنه واني مااروح  طبعن شهد كملت سادس وطلعت طبية راحت طب اسنان  اتفقت وياها على باجر وكتله الزياد باجر اريد اطلع اني وشهودة الصبح للسوك اذا تقبل زياد عادي روحو اا تردون تنتضروني ريم احنه حنروح الصبح زياد وشون بوحدكم حمودي اني اروح وياهم اذا تريد زياد ماشي خوش لعد اذا تروح وياهم ريم ماشي باجر من الصبح اجيكم من يطلع زياد للدوام يوصلني ابو حمودي زين حمودي انته معندك دوام باجر حمودي باجر خميس دوامي عصري والاساتذه الي حيدرسونة دروس باجر نصهم اجايز ومحداوم  الاب خوش  لعد حت ساعدني باجر العصر  انرتب الحديقة  شهد هههه  وهيا تباوع لخوها حمودي  اخوها حمودي شنو عليش ضحكين شهد مو كتلك بس انته مصدكتني  بعدين ريم وزياد سلمو وطلعو ثاني يوم راحت ريم من الصبح لهلها وطلعت هيا واخوانها اخذت هدية كلش حلوة الزياد عطر وساعة كلش حلوات وراقيات وشترت فستان قصير ومخصر لون احمر وبي ذهبي من الصدر كلش حلو ونازك  واخذت شغلات ثانية للبيت وشترت الاختها واخوها شمحتاجين ورجعو للبيت  واجه زياد على ريم اخذها وراحو البيتهم ومشت الايام واجه موعد يوم عيد زواجهم  وحظرت ريم الكيك والعشة وزياد جان عدة دوام مسائي  وتاخر شوية بشغل ومن رجع للبيت لكه الاضوية مطفية وماكو صوت ريم فتح الباب بلمفتاح والبيت هدوء عباله ريم بيها شي كال معقولة ريم طالعه بس هيا متطلع اذا متكول  طبيت وسديت الباب وطبيت جوا اشوفها بغرفتنا ماكو بلمطبخ ماكو رحت للاستقبال  ضلمه فتحت الضوة وجان اشوفها الريم شنو هاي ملاك طالعة كلش حلوة لابسة بدله حمرة قصيرة ومن فوك صدر مفتوح وبلا ردن وخالة كيك وحلويات وشموع   وجان تجي تركظ عليا وشلتها وبستها بخدها كتلها هاي شنو يحلوة شنو هلمفاجئة الحلوة  ريم لعد انته ناسي اليوم عيد زواجنه زياد  معقولة انسة احلى يوم بحياتي كتلها دقيقه ورحت للمطبخ ورجعت وطبيت شايل الورد الي تحبه كتلها هذا الورد لاحلى وردة شفتها وحبيتها بحياتي واخذتها بحظني وكتلها تعاي كعدي وكعدت يمي وهيا تباوعلي ريم زياد اجه وفاجئته بس هوا طلع مناسي وجايبلي باقة ورد كلش حلوة اخذتها منه وبسته بخدة وكعدت يمه كتله حبيبي كل عام وانته بالف خير  زياد حبيبتي ونتي هماتين بالف خير ان شالله دوم اشوف الفرح بعيونج والله لا يحرمنا من بعض ريم وبعدها طلع حبيبي زياد علبه  صغيرة وفتحها ونطاني ايا باوعت واذا تراجي ذهب  كلش حلوات واخذتهن ولبستهن كتله حبيبي كلش حلوات الله لا يحرمني منك وطلعت هديتي اله وطيتا اياهن وفرح بيهن  وكملنة سهرتنه زياد اني عبالي نطلع برة نحتفل ريم اني حبيت نحتفل بي بوحدنا هنا بلبيت  اليوم  هنا وباجر خميس  خلي نطلع اعزمج على سهرة  ريم مكيفك حبيبي ثاني يوم طلعنه وجانت طلعه حلوة بعد اسبوع ريم رحت على اهلي وصلني زياد وراح لدوامه المسائي وكاعدين اني وماما وشهودة  وماما كالت اكو بيت بنهاية الشارع مالتهم بيت مرتب وجديد مصارله هواية من اهله بنو قبل اربع سنوات وحالياً معروض للبيع لو عدكم سعره  جان اجيتو يمنه اشتريتو ريم والله  ماما مااعرف اني حصتي من الكاع مالتنه يجوز اجيب سعرة خلي اكله لزياد ونفكر بلموضوع ونشوفه وبعدين نقرر وحنه كاعدين نحجي وجان اطب خالتي اجتي وجان تكعد وبدت تحجي بعد السلام كالت باركولي حصير جدة زوجت علي حامل وجان ماما تباوعلي ورا مباركتلها اني سكتت بلبداية وبعدين كتلها مبروك خاله يتربى بعزكم وعز ابو  وجان تكلي خالتي يوم الج ونفرح بجهالج وجان تكلها ماما كلشي بوكته حلو وسكتت خالتي وجان ماما تغير الموضوع كالتلها ام علي  البيت المعروض للبيع قريب من يمكم تعرفين بيش رايدي جان تكول خالتي السعر معقولة تفاجئنه لان سعره مغالي كالتلها ماما وليش اهله يردون يبيعو ام علي لان ابنهم يريد ياخذ حصته وياخذ زوجته ويسافر محصل عقد عمل باالامارات والمرية هيا وبناتها تريد تروح تشتري بيت صغير يم اهلها ومستعجلين على بيعته تدرين همى ورا ماابوهم توفى قبل سنة بحادث خربت اوظاعهم وبدت تصير مشاكل بينهم وبين ابنهم ام ريم شتكولين ريم ريم والله ماما يجي زياد ونشوف وجان ورا ساعتين يجي زياد كاللها الريم خلي نشوفه للبيت ونقرر وطلعنه اني وزياد وماما رحنه نشوفه للبيت طببتنه المرية صاحبة البيت كالت تفضلو طبينه شفنا للبيت طابقين وكلش حلو بنائه مرتب مساحة البيت زينة وبي حديقة حلوة بس بي غرف نوم هواية جوا غرفتين نوم وحمامين واستقبال وهول داخلي ومطبخ ومخزن من ضمن المطبخ وجان المطبخ كبير وفوك ثلاث غرف نوم وحمام  شفنا وطلعنه وكلنالها يومين ونردلكم  خبر لان همى مستعجلين ركبنه بسيارة وصلنه ماما للبيت وطلعنه البيتنه وصلنه للبيت بدلنه وتعشينه وكعدنا نحجي شلون نجمع المبلغ زياد اني بقت عندي شكم فلس بلمصرف عبالي اكمل عليها ونطيها الام محمود ريم خلي ابيع الكاع من حصتي زياد لا لتبيعيها ريم ماشي لعد نبقى كاعدين بهذا البيت زياد لو هذا البيت يوصل سعرة الذاك البيت جان بعته بس هذا ازغر وبعيد ريم لا هذا متبيعه زياد ليش هذا بااسمي ريم هذا البيت يبقى ئل اولادنه بي ريحة اهلك زياد فديت حبيبتي الغالية ريم لعد عندي مقترح زياد كولي ريم ناجر بيت بيبي لمدت سنة ويا الفلوس الي عندك  ونقترض من ماما وبعدين ناجر هذا البيت وبايجارة نوفيها لماما زياد خوش اقتراح واني هماتين عندي فكرة ريم شنو البستان اضمنه بي خوش سعر اضمنه لمدت سنة او اكثر البيت عمتي الولد كالو اذا تريد اضمنا احنه جاهزين وبكل الاحوال هوا باقي الي احسن من انو ينترك لان اني ماعندي مجال  اضل اروح هناك ريم ماشي لعد من باجر ان شالله نبدي نرتب امورنه زياد خلي اخابر عمتي اتروح باجر ان شالله تنطيهم خبر اتصل زياد بام ريم وكاللها وتفقو ورا اسبوع رتبو وظعهم وشترو للبيت  ريم اجرت بيت بيبيتها وزياد ضمن البستان ويا الفلوس العنده وداينو من ام ريم كملو الفلوس  اشترو للبيت وراها بو يرتبون بلبيت وبدو ينقلون بغراضهم وكملو ريم بديت اشتري النواقص اخذت قنفات للهول الداخلي كلش حلوات لونهن ماروني واخذت كاونترات كلش حلوات للمطبخ والعندي خليتهن بلمخزن ورتبته للبيت وبقى الفوك مبي شي بس غرفه خليت  بيها الغراض الزايدة    ورا مااستقرينه باسبوع رجعت الشغلي بس يوميا خطار العصر او بليل المعارف والجوارين والاصدقاء كلهم اجوي يباركون على البيت حت الجانو مجايين  بزواجنه اجوي  وطبعن بيت اخته الزياد ام محمود اجوي وبقو يمنا يومين وجانت  هديتهم النا كلش حلوة واهلي هماتين ساعدونه هواية  حت خالتي ام علي هيا والبنات ساعدوني  والحمدالله رجعت لشغلي وستقرينة وهس صرت قريبة يم اهلي  اكدر اروحلهم مشي لان كلش قريبين عليا والسوك قريب علينه هماتين   ومشت الايام وصار شهر من تحولنه وجان يخابرني زياد على الشغل ساعة عشرة وهوا يكلي اليوم بيت خالتي حيجون علينه من السليمانية وحيبقون كم يوم يمنه كتله حبيبي كل الهلا بيهم ينورون  هس اكمل  شغلي واروح للبيت  بيش الساعه يوصلون زياد يوصلون الضهر ريم احضر غدة زياد كلشي لا سوين حجيب غدة من برة ريم بعد وكت اكدر احظر غدة زياد لا تعبين نفسج ريم ماكو تعب  ريم كملت شغلي ساعة 11وطلعت للبيت اول مطبيت طلعت عندي سمكة ودجاجتين غسلتهن وكملتهن وخليتهن بلفرن وسويت مركة وتمن وياهن ورتبت البيت وطلعت رحت خابرت على اهلي كالت ماما تحتاجين شي كتلها لا كملت واني مااعرف اذا جايين كلهم او قسم منهم  كالت ماما اذا تحتاجين شي خابري كتلها ماشي حبيبتي مع سلامة اتصلت بزياد كتله حبيبي بطريقك جيبنه فواكه زياد تدللين عيني بعد محتاجه شي ريم لا حبيبي كملت اجه زياد  كتله حبيبي اخليلك غدة كالي لا هس شوية ويوصلون خابرتهم قبل شوية وكتلهم من يوصلون منطقتنه يخابروني ريم بدل زياد  ملابسة وحظرنة غرفه فوك وغرفه جوا للخطار لان اني عندي هواية فراش فوك  وجان يخابرون على زياد كالي اجوي حطلع انتظرهم برة  ورحت غسلت وبدلت  وطلعت يم زياد  واجوي وصلو يم الباب وياهم حمودي اخوية رايحين البيت اهلي وطالعلهم حمودي للباب  وجاي وياهم يدليهم  ونزلو رحبنه بيهم وطبو جايين خالت زياد وابنها وليد والبنات كلهن وابو وليد وياهم  سيارتهم كبيرة   وتكفيهم كلهم حمودي رجع للبيت طبو خطارنة جوا بلبيت كعدنه احنه وياهم باالاستقبال شوية وكمت كتلهم للبنات هاي الغرفة الجوا واكو غرفه فوك هماتين  علمود تاخذون راحتكم والبيت بيتكم وراها خلينه الغدة بلهول وكعدنه كلنه ناكل  وكملنه رتبت المطبخ  وطبو بلغرفة الجوة البنات وامهم وابوهم وليد صعد فوك   ورا ساعة اجتي ماما وياها بابا سلمو وكعدو وبعدين انقسمنه قسمين احنة النسوان بلهول والر جال بغرفة الاستقبال واجوي بيت خالتي  هماتين خالتي وزوجها  وحنة كاعدين اجتي بنت خالتي شهلاء الكبيرة  اتصيح امها وطبت سلمت لان البنات جانن ويايا بلمطبخ جنه انسوي جاي اني واسماء والهام واكفة يم الباب  كالتلي اكلج ريم كتلها كولي حبيبتي كالت اجتي بنية كلش حلوة طبت البيتكم هياتها منو هاي وجان اطب شهلاء سلمت شهلاء السلام عليكم شلونكم ريم هلو حبيبتي شوشوتعاي طبي جوا خالة وماما كلهم جوا شهلاء بس اريد ماما كالتلي بس يختمر العجين صيحيلي علمو دنخبز  كتلها اي حبيبتي وجان البنات يطبن كعدن وطبت شهلاء سلمت وجان تكلها ماما كعدي حبيبتي ليش واكفه  شهلاء والله خاله مستعجله عندي شغل ام ريم كعدي  هس امج تروح تخبز هيا وشيرين  انتي ابقي شوية مدنشوفج  راحت ام علي كالتلها البنتها شهلاء ابقي شوية وتعاي ماشي  شهلاء ماشي ماما ريم شهلاء تحجي وبنات خالت زياد اسماء والهام يباوعون عليها  وخاله فرحة كالتلي يمه ريم مني هاي البنية الحلوة ريم خاله هاي بنت خالتي  ام ريم هاشهلاء اصار على التعيين مالتج مطلع شهلاء لا والله خالة  على اساس احنه خريجين الرياضيات النه الاولوية باالتعيين بس لحد الان ماكو شي قدمنه والله كريم وهاي مو اول مرة نقدم ونتي تدرين  وعلي كالي شوفي اي مكان وتعيني كتله مااريد لو بمدرسة لو مااتعين اني ويني وين الدوائر شغله متعبة وماليا خلك العالم وهوستها  الله كريم نشوف شون ترهم وجان اكو واحد يسلم والكل يرد السلام بتفاجئ لان الي كاعد يسلم واكف علدرج والكل تفاجؤ بنزلته