الحلـقـة #الـحاديـة_والـعشـرون2⃣1⃣
.
.
.
#مكـتـوبتـلـگ❤
.
.
.
بابا..نتصل بحازم مباش يشد
ماما..شن تبي فيه ليل
بابا..نبي نكلمه ع موضوع
ماما..كلمه غدوا بلكي راقد
بابا..باه وين تيم
ماما..قال عنده صاحبه مروح من برا بيستقبله
بابا..امممم مزال تبيش تزوجيه
ماما..مزال مش قد المسؤلية الولد يحشمنا مع الناس وكل يوم يكلم في وحدة ناقصني اني خلي يكبر ويدير عقله في راسه
بابا..هههههههه
ماما..خيرك تضحك
بابا..فكرني بأيام شبابي
ماما..كيف
بابا..تو بتفتحي عليا جبهة خليني ساكت خير
ماما..طالعلك الولد امالا😒
بابا..حاجة زي هكي اااخ عليك ايام 😂😂
ماما..امممم كووويس
بابا..لكن لين جيتي انتِ قدامي خلاص تبت
ماما..🙂باه
بابا..يومها كان الجو ربييع حقا شن كنتي اديري غادي انتِ 🤔
ماما..امي باعتتني نجيب حلويات من عمي سالم
بابا..وعلاش في القوايييل طااالعة
ماما..غر هدي روحك خيرك انت زمان كان😂
بابا..كلهم يتشبحولك قريب ينقزو عليك
ماما..واولهم انت هههههههههههه
بابا..هي هي اسس صوت تيم روح
ماما..والله انت فتحت السيرة مش اني😂😂
فتح تيم الباب وسكتو خش تيم وخلا الباب وراه مفتوح
ماما..سكر الباب ياولد
حازم..تبيه يسكره عليا ياحويجة
ماما..حااااازم😍😍وليييدييي
قعدت شروق برا بالعاني
بابا..اهلااا اهلااااا تغمروه وعصروه
ماما..لحضة وين مرتك
حازم..خليتها غادي
ماما..ياسر ياسر وين المرا
حازم..قتلك خليتها غادي تبي هلبا قلت نروح نشوفكم ونجي
بابا..ولي امشي مانبوش نشوفوك خيره راسك ميت فيه حمار والا شنو تخلي مرا بروحها في بلاد ماتعرف فيها شي
أنت تقرأ
مَكتُوبتـــلــك*مكتمله*
Spiritualروايه ليبيه أحداثها مشوقه للكاتبه : حنو منقوله# أثمن لكم قراءه ممتعه
