رواية رومانسية باللهجة الجزائرية
انا اسمي سيرين من الجزائر عمري 24 سنة نقرأ 2 ماستر حقوق بابا طبيب واسمو أديب وماما أسمها رونق واخوتي وليد وسامي ورفيدة وملاك ونور
الحلقة 1
نظت الصباح تدوشت وصليت ولبست حوايجي ورايحة للجامعة كيف كل يوم تلاقيت بعماد...
ماجات العشية غير كانت الدار تملات بالناس وتسمع غير صوت البكاء والنديب وجداتي أم بابا قاعدة ترثي فيه يا ولدي يا ضنايا يا يلي مليت عليا بلاصة بايا ياولدي يا بدريا يلي بموتك خليت الناس تتشفى فيا وماما تبكي واخوتي بنات واولاد متوسدين رجليها ويبكو بكاء يكسر الحجر تقريبا قبل صلاة العصر بنصف ساعة جاو أعمامي واخوالي هازين الميسان هههه قبل حتى أسمو منعرفوش اااااه يا الدنيا يا الغدارة واش درتي فيا جابو بابا حناني وماسح أحزاني وبموتو ذبحني وكواني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جابو ميسانه وستشفاو فينا عيدانه وبكاو عليه خواتاتو وأخوانه كنت واقفة في الدروج نتفرج ماحسيت بحتى حاجة هبطت طليت عليه بدر منور قمر ليلة اكتماله بابا لي كان ينقذ في الناس من الموت مالقاش من ينقذو اليوم هبطت على جبينو وبستو وبست خدودو وايديه ورجعت قعدت في بلاصتي كأني غريبة عليهم ودموعي نشفو وماحبوش يبانو والناس كاين لي يقول مصدومة وكاين لي يقول وقيلا جنت كامل يبكو من بعد جاء خويا الصغير وليد لابس تيشرت تاعو وهو ريالي زعما كيف بابا وبدا يعيط هيا بابا هيا نروحو للصطاد وعدتني نجيب 10 في الفرنسية تديني وحكم يحرك فيه ويعيط بصوتو حتى زادو كامل بكاو معاه بالصوت حتى داخ هزو خالي ودخلو لدار وسكر عليه وأذن العصر وجاو هزينو باه يدوه للمسجد يصلو عليه من ثم للمقبرة وبداو يكبرو لا اله الا الله محمد رسول الله ودفن بابا وتسكر باب من حياتي وتفتح باب آخر .....
