أحبني أخ صديقتي

المفاجأة

بعد الوقت لي قضيناه في الطريق وصلنا اخيرا لوجهتنا ولاخر مرة شافو فيها السيارة المقصودة هبطنا وقتها وروحنا لاقرب مركز شرطة في المنطقة وبعد ماعطينا مواصفات السيارة والمرأة للشرطة قدرو يتوصلو ليها لانه كان المفروض تسافر للندن في الليل عن طريق قوارب السمك بشكل هجرة غير شرعية وصلنا لبلاصة تشبه المستودع هناك لقينا مجموعة كبيرة من الاطفال كاين لي كانو في حالة جسدية مليحة وكاين لي كانو محقونين بمادة كوكايين تحت الجلد كطريقة جديدة لتهربيها وكاين اطفال اخرين مخدرين حتى يستأصلو منهم اعضائهم ويبيعوها من بعد لتجار الاعضاء وكان مكان مفزع صراحة انا اول مادخلت قلبي وجعني وحسيت برغبة في الاستفراغ استندت على اول شخص كان بجنبي الشرطي كيف شافني عماد قريب يغمى عليا جاء سندني واتحملت ريحة الدم والفضلات كل حتى نشوف أخي الصغير وين موجود بعد ماجلت بعينيا في المكان شفتو من بعيد يرعد ويبكي من غير صوت وكانت عينيهم مغمضة حتى واحد مايشوف الاخر هزيت روحي بالسيف وقربت لعندو وشفتو ياروحي انت حمدالله اني لقيتك نحااو عماد الشريط من عينيه وشافني زاد قوى في البكاء هزيناه مع الاولاد الباقيين واديناهم لدار صاحب عماد ودوشولهم وبدللولهم ثيابهم وفطرو مليح وبدات رحلة التعرف على ولاية كل طفل والاطفال لي قراب من ولايتنا هزيناهم معانا في حافلة من الجيش الوطني وانطلقت رحلة العودة الى المنزل وفي مايخص المافيا تم تقديمهم للقائد الجيش الفريق قائد صالح لانه قضيه خيانة للوطن وتجارة بالاعضاء والطريق كاملة وليد راقد متحضني مازال خايف يخطفوه مرة اخرى هزيت راسي شفت عماد انا يشوف فيا بنظرة حب ووليد بنظرة حقد وغيرة 😂😂😂لحقنا أول محطة وسلمنا الاطفال للدرك الوطني ووليد فطن وراح جلس بجنب صديق اتعرف عليه قلت واخيرا نرقد شوي دورت وجهي نلقى عماد حكم بلاصته خزرت فيه وحطيت راسي على كتفو ورقدت  خزر فيا متفاجىء جاء راح يتكلم حطيت ايدي على فمو على اساس اسكت وخليني نرقد ضحك وحضني ورقد مام هو

لحقنا لمطعم هبطو يتعشاو انا بقيت في بلاصتي وطلبلي عماد حلويات وطاكوس جاء قعد جنبي وبقى يشوف فيا قالي كولي ماتبقيش حشمانة مني قتلو غير قي الماكلة منحشمش كي نجوع انت وخاف على روحك قالي ياريت والله كان هذوك الشفاف يقربو عليا 😂😂حكيت وندمت وبعد مدة من الوقت وصلنا لمحطتنا الاخيرة العودة للمنزل بخير والحمد لله......